افضل سياره مستعمله بسعر 75000 جنيه !!!!!

[yoyoteto]

السلام عليكم
اسأل اساتذتنا الافاضل عن افضل سيارة مستعمله بسعر لا يزيد عن 75000 جنيه

هل حاجه كوري حديثه يعني كسر زيرو
ولا ياباني
مع العلم باني لايمكن تقسيط اي مبلغ أخر

وجزاكم الله خيرا

[mohammadrashee]

على حسب انت عايز ايه
عايز ركوبه ملهاش حل بس قديمه وقطع غيار وميكانيكي يبقى بي ام تسعينات او فولفو او الفا روميو او سوبارو نظيفه طبعا
عايز تركب عربيه اعتماديه ورخيصه في صيانتها جدا وياباني يبقى ياريس او كوروﻻ قديمه شويه انا مبحبيش النيسان قرار ليك
عايز شكل واوبشن يبقى كوري
انت استخدامك ايه

[yoyoteto]

على حسب انت عايز ايه
عايز ركوبه ملهاش حل بس قديمه وقطع غيار وميكانيكي يبقى بي ام تسعينات او فولفو او الفا روميو او سوبارو نظيفه طبعا
عايز تركب عربيه اعتماديه ورخيصه في صيانتها جدا وياباني يبقى ياريس او كوروﻻ قديمه شويه انا مبحبيش النيسان قرار ليك
عايز شكل واوبشن يبقى كوري
انت استخدامك ايه

شكرا لرد حضرتك
انا عايز عربيه قطع غيارها معقوله وياريت تبقي اوتوماتيك
اسف علي الاطاله
هل ممكن اجيب لانسر 1300 مثلا
او حاجه كوري زي افيو
او حاجه زي رينو لوجان

محتار فعلا

[mohammadrashee]

شكرا لرد حضرتك
انا عايز عربيه قطع غيارها معقوله وياريت تبقي اوتوماتيك
اسف علي الاطاله
هل ممكن اجيب لانسر 1300 مثلا
او حاجه كوري زي افيو
او حاجه زي رينو لوجان

محتار فعلا

حضرتك كاتب ثﻻث عربيات ملهمش دعوه ببعض خليني اشرحلك
اﻻنسر في الفئه اﻻعتماديه ناعمه وكويسه وقطع غيار رخيصه ومتوافره واعادة بيع حلوه
اﻷفيو متأسف يعني بسكلته وحرام تدفع فيها فلوس او تقارنها بالﻻنسر او الميجان
الميجان ركوبه تحفه بش قطع غيارها اغلى ومش اي حد بيفهم فيها وليها مشاكل شويه
انت عايز ايه وكنت راكب ايه وعايزها عيله وﻻ شبابي

[أحمد عبدالله]

متابع

[muslim_nsb]

اتفرج على النترا 2005 او 2006 اتو كامله في حدود السعر ده وحالتها هاتكون نضيفه
قطع غيار اصلي من التوكيل وبسعر حلو وكمان في كورى وفي تيواني وفي صيني يعني قطع الغيار متوفره والحمد لله
وكمان اعتماديه مصاريف صيانتها لا تذكر لو حالتها مش متهانه واي ميكانيكي فاهم يشتغل فيها
وبعدين شكل وقوه ومتانه وعن تجربه لان معايا واحده 2005 اوتو كامله

[michohat]

انا في نفس الموقف وبدور في نفس الرينج
وخياراتي حاليا هي الاوبترا موديل من 2007 : 2009
او لانسر مكوه 1300 موديل 2002:2003 او بومه 1300 2004 لان المبلغ ميجبش 1600
والعربية المفروض تكون عائلية واستعمالي يومي تقريبا 15 :20 كيلو
رأي الجمهور (اصحابي والصنايعية )اخليني في الياباني علشان مطلوب
ودماغي اخليني ف الاوبترا واسعه وعاليه وموديل احدث وربنا يكرم بعربيه متكنش متهانه وتعيش

[ahmedteam]

ياريس

[himabmw]

شوف الفورد فوكاس ٢٠٠٦ واحكم بعد ماتشوفها بكل ثقة عربية اعتمادية من الطراز الاول

[blazer]

السعر دا يجبلك اوبترا او صنى 2008 ممتازه
وممكن لانسر 2007 مانيوال وتكون برده حالتها حلوه
متتسرعش ودور بتأنى وربنا يوفقك

[miceg]

إركب الصني القديمة ومش هتندم
عفشة ناشفة شوية
بس في مقابل الثبات
موتور جبار وشكل كلاسيكي جميل
لو مش فدماغك الصني ارشحلك لانسر او أوبترا

[holt_ZA]

انا ارشحلك الميجان ممكن تجيب حاجة من 2006 او 2007 يمكن احسن حاجة في السعر دة من حيث الركوبة و الامكانيات و ربنا يوفقك

[p r i n c e]

انا بفكر ابيع عربيتي ال فيرنا الأيامدي و هيبقى معايا مبلغ ف حدود 75 او 80 و محتار نفس حيرتك بس نفسي ف بيجو 307 بصراحة بس أي حد باخد رأيه بيقولي بلاش عربية مصاريفها كتير

[p r i n c e]

متابع آرائكم بإهتمام

[the_bird5]

افضل حاجه حسب الحالة بس حسب السعر حاجتين يا صنى يا تيدا وافضل التيدا