مطلوب تسعير بولو 97 فبريكه بره و جوه 1300cc

[engwalaa]

السلام عليكم ,
لو سمحتو عايزه أسعر بولو 97 فابريكه بره و جوه 1300 cc عامله 143,000 كيلو
بيقول التكييف محتاج شحن و هو هيشحنو .... مرايات كهربا
فى فانوس مشروخ و الباب اليمين فى عضه كده بيقولولى جى عادىه
هو طالب 37500 أنا قولتلو 35500 قالى هيفكر فى 37000 مش عارفه كده انا هيضحك عليا ولا ايه

[Amo0o0oRa]

لا كتير 37 الف اعتقد متوسط سعرها من 30 ل 33 بس هو فى البولو 1300 ؟ انا اعرف انها 1000

[tarekmomo]

لو نضيفة اووى 35000

[sherif0333]

لو نضيفة اووى 35000

مظبوط كلامك ياباشا لو زيرو 35000

[engwalaa]

لا كتير 37 الف اعتقد متوسط سعرها من 30 ل 33 بس هو فى البولو 1300 ؟ انا اعرف انها 1000

شكرا جزيلا على مرورك .... الموديلات القديمه كان فيها 1000 و 1300 و الجديد فى 1400 و 1600 عشان كده عايزين تتمين لكل موتور و سنه صنع وحاله طبعا
و بالنسبه للسعر انا برضو قلت انا مش بفهم يعنى بس حسيتو كتير مهما كان بيقول شعر فى حالتها

[engwalaa]

لو نضيفة اووى 35000

أشكرك شكرا جزيلا اخى الكريم انهارده ان شاء الله هاخد معايا حد بيفهم لو قالى كويسه اثبت على 35 و متهزش لان لسه فى 500 هياخدها المعرض و الورق و السيرفيس
وهو قالى نتفق على السعر الاول بعد كده اكشفى عليها فى البنزينه
انا اصلا كنت رايحه اسأله على فيلشيا او سويفت او اكسنت طلعلى بالبولو دى وانا كنت شيلاها من حسباتى عشان قطع الغيار بس بيقولو دى احسن و هو (بتاع المعرض) بيقولى دى لقطه
انا اسفه على الأطاله و اللهى بس اصلى تعبت جداااااااااا من الطيران بين الماركات و البحث ....
جزاكم الله خيرا و الله الموفق و المستعان

[engwalaa]

مظبوط كلامك ياباشا لو زيرو 35000

جزاك الله خيرا أخ شريف ..... بس زيرو ايه يا راجل ضحكتنى واللهى انا عارفه ان فى ناس بتستعمل الحاجه و تخدها من وراها بحاله الزيرو بس معتقدش ان انا هلاقى حد فيهم ....... ربنا يكرمنا جميعا من فضله و كرمه

[engwalaa]

لو نضيفة اووى 35000

هى فابريكه برا و جوا وهو قال انها يتاعت صاحب المعرض و مرضيش يرشها عشان هو تاجر و فاهم ان لما تتباع فابريكا بتتباع بتمنها
بتهيائلى الرش ده لانها محتاجاه كنضافه المفروض ينزل فى السعر شويه
و فيها حاجه فى الباب اليمين بيقول عليها قطمه و انها حصلت و هى راكنه

[Diaby]

والله انا معنديش فكرة فى الاسعار اليومين دول بس على كلام الاعضاء انها لو نظيفة جدا تعمل ال35 فحضرتك لازم تكشفى عليها الاول ويكون حد ثقة وبيفهم اللى هيكشف عليها وبناء عليه لو طلع فيها حاجة حضرتك هتخصمى من ال35 وعلى فكرة مش ميزة اوى انها تكون فابريكة برة وتاخديها ترشيها ده برضو هينزل ف السعر لان وقت ما تبيعيها هتبقى رشة بس بينك وبين نفسك هتبقى مطمنة انها مش عاملة حادثة

[sherif0333]

جزاك الله خيرا أخ شريف ..... بس زيرو ايه يا راجل ضحكتنى والله انا عارفه ان فى ناس بتستعمل الحاجه و تخدها من وراها بحاله الزيرو بس معتقدش ان انا هلاقى حد فيهم ....... ربنا يكرمنا جميعا من فضله و كرمه

مش قصدي زيرو يعني زيرو لا قصدي انك هتاخدي عربيه مفيهاش جنيه مصروف
حسبه بسيطه
العربيه دي فابريكه بره بس عايزه دوكو وسمكره على كلام حضرتك يعني حوالي 2500 جنيه ولما تيجي تبيعها هتبقي رشه بره مش فابريكه يعني سعر اقل يعني دفعتي زياده وصرفتي وساعه البيع خساره جامده دي وجهه نظري فى الموضوع
يعني لو 35000+500 للمعرض +2500 دوكو = 38000 وده كتير جدا على عربيه بولو
ولو فكرتي تبيعي بعد كده هتبقي رشه بره ومش هتجيب اكتر من 33000 يعني خساره 5000 جنيه
وفى النهايه ده مجرد راي شخصي مش قاعده عامه يعني
حاجه اخيره
موضوع معرض ده مش حلو يعني مستعمل المعارض مش زي متشتري من حد بيبيع عربيته حتى لو قالولك دي بتاعت صاحب المعرض فى النهايه ده عايز اعلى ربح منها وفيه فرق بين عايز اعلى سعر واعلى ربح

[tota_ys]

اوعى تفكرى فى حاجة اسمها فليشيا كانت معايا وكلها مشاكل ومافيش حد بيفهم فيها
فكرى شويه فى الاكسنت عربيه تحفه وتكيف جامد جدا واسعار قطع الغيار رخيصه جدا
انا كان معايا فليشا وبعتها وخسرت فيها جامد وجبت الاكسنت تحفه بجد والله
اما بقى لو داخل دماغك حكايه البولو يبقى خدى بالك بردو من حكايه التكيف دا لان اكيد فى مشكله ايه اللى خلى الشحن يروح منه اكيد فى تسريب وممكن يكون الكمبروسر فيه مشكله ودا تمنه غالى
وبعدين حكايه المعرض دى انا مش بحبها لان العربيه لو حلوة ما كنش هيوقفها فى معرض والله اعلم بردو
وخلى بالك قطع غيار الالمانى غاليه

[engwalaa]

والله انا معنديش فكرة فى الاسعار اليومين دول بس على كلام الاعضاء انها لو نظيفة جدا تعمل ال35 فحضرتك لازم تكشفى عليها الاول ويكون حد ثقة وبيفهم اللى هيكشف عليها وبناء عليه لو طلع فيها حاجة حضرتك هتخصمى من ال35 وعلى فكرة مش ميزة اوى انها تكون فابريكة برة وتاخديها ترشيها ده برضو هينزل ف السعر لان وقت ما تبيعيها هتبقى رشة بس بينك وبين نفسك هتبقى مطمنة انها مش عاملة حادثة

تمام كلام حضرتك انا مقتنعه بى تماما بس الراجل قال انها بتاعت صاحب المعرض و هو نزلنا 500 جنيه بالعافيه على اساس تبقى 37 ... قولتلو شكرا وانا مفروسه .. واضح انها مش ناصيبى
شكرا جزيلا على مرورك :)

[engwalaa]

مش قصدي زيرو يعني زيرو لا قصدي انك هتاخدي عربيه مفيهاش جنيه مصروف
حسبه بسيطه
العربيه دي فابريكه بره بس عايزه دوكو وسمكره على كلام حضرتك يعني حوالي 2500 جنيه ولما تيجي تبيعها هتبقي رشه بره مش فابريكه يعني سعر اقل يعني دفعتي زياده وصرفتي وساعه البيع خساره جامده دي وجهه نظري فى الموضوع
يعني لو 35000+500 للمعرض +2500 دوكو = 38000 وده كتير جدا على عربيه بولو
ولو فكرتي تبيعي بعد كده هتبقي رشه بره ومش هتجيب اكتر من 33000 يعني خساره 5000 جنيه
وفى النهايه ده مجرد راي شخصي مش قاعده عامه يعني
حاجه اخيره
موضوع معرض ده مش حلو يعني مستعمل المعارض مش زي متشتري من حد بيبيع عربيته حتى لو قالولك دي بتاعت صاحب المعرض فى النهايه ده عايز اعلى ربح منها وفيه فرق بين عايز اعلى سعر واعلى ربح

كلام حضرتك مظبوط 100% وشكرا جزيلا لك ... طبعا انا كنت بضحك معاك يارب مكونش ضايقتك أهى خدت الشر و راحت :d

[engwalaa]

اوعى تفكرى فى حاجة اسمها فليشيا كانت معايا وكلها مشاكل ومافيش حد بيفهم فيها
فكرى شويه فى الاكسنت عربيه تحفه وتكيف جامد جدا واسعار قطع الغيار رخيصه جدا
انا كان معايا فليشا وبعتها وخسرت فيها جامد وجبت الاكسنت تحفه بجد والله
اما بقى لو داخل دماغك حكايه البولو يبقى خدى بالك بردو من حكايه التكيف دا لان اكيد فى مشكله ايه اللى خلى الشحن يروح منه اكيد فى تسريب وممكن يكون الكمبروسر فيه مشكله ودا تمنه غالى
وبعدين حكايه المعرض دى انا مش بحبها لان العربيه لو حلوة ما كنش هيوقفها فى معرض والله اعلم بردو
وخلى بالك قطع غيار الالمانى غاليه

كويس انك قولتيلى الكلام ده دلوقتى انهارده كنت رايحه أشوف واحده فليشيا و مش عارفه ليه لاغيت الميعاد على اخر لحظه محستش انى مرتاحه صاحبها بيقولى انو جايبها من 4 شهور و صرف عليها كتير فستغربت قوى صراحه قولت طب على الأقل يمشى بيها شويه و يستمتع بشغله فقفلت منها صراحه.
بمناسبه الأكسنت هى جميله فعلا بس اللى فى حدود اللى معايا بتبقى دايما 99 و كيلو متر كتيييييىر فبخاف ألبس
و كلامك صحيح فعلا على التكييف انا مجاش فى بالى كده خالص جزاكى الله خيرا..
اوافقك الراى بالنسبه لشغل المعارض بس انا تعبت كنت فاكره ان المشكله الوحيده فى الفلوس
ياله ربنا كريم

[sherif0333]

[QUOTE=engwalaa;3875021103]كلام حضرتك مظبوط 100% وشكرا جزيلا لك ... طبعا انا كنت بضحك معاك يارب مكونش ضايقتك أهى خدت الشر و راحت :d[/QUOT
لالالالالالالا انا مزعلتش بجدوربنا يوفقك فى عربيه كويسه