اخيرا قبضت الجمعيه لولولولولولولي .....

[aboyahea]

السلام عليكم ورحمه الله ... واخيرا قبضت الجمعيه 28000 جندي وخلاص باقي خطوه وابقا من اصحاب السيارات .. بس طبعا محتار حيره الفرخه الي مش عارفه تبيض فين ...
هوا انا عندي نظريه كده مش عارف اذا كانت صح ولا غلط ان بالمبلغ ده مش اجيب حاجه تكنولجينا عاليه وخليني في الشاهين حاجه اي حد يصلحها وبقرش ساغ قطع غيرها واهوه لغايه ما رجليا تاخد علي العربيات ...وبعد كده ابقا اجيب حاجه زيرو واريح دماغي خالص من الميكانكيه علي الاقل لخمس سنين .... بس لما شوفت كلام بعض الاعضاء عن الالفا روميو وانها عربيه بجد محترمه رجعت في تفكيري ومش عارف اخت قرار ... طبعا انا اقصد علي 147 ....فاياريت اخد مشورتكم ولكم جزيل الشكر .... ابويحيي

[windofchange]

الفا اكيد متعرفش بكره عامل ازااي؟ مش بتعرف تسوق طيب خلاص ليه تجيب وتبيع وكده؟

[M I D O]

افضل حاجة ليك بالسعر دة فعلا الشاهين و ممكن تزود ل 35 وتجيب دايو لانوس عربية برضو الكل شغال فيها وتكييف وباور وحركات

[aboyahea]

الفا اكيد متعرفش بكره عامل ازااي؟ مش بتعرف تسوق طيب خلاص ليه تجيب وتبيع وكده؟

الف شكر لرد حضرتك ... وطبعا فرق السماء من الارض بين الالفا والشاهين بس هل بالمبلغ ده هلاقي حاجه نضيفه من الالفا 147 ..ولك جزيل الشكر

[mado83]

هات حاجه على اد فلوسك
سوزوكى سويفت
او اكسيل 1300
او شاهين موديل حديث فوق ال2000

[aboyahea]

افضل حاجة ليك بالسعر دة فعلا الشاهين و ممكن تزود ل 35 وتجيب دايو لانوس عربية برضو الكل شغال فيها وتكييف وباور وحركات

الف شكر لاهتمام حضرتك بس انا المبلغ ده هوا اخري وممكن اوصله للاستكين كمان ... والصراحه مافيش عمار بيني وبين والانوس مش عارف ليه .... مع انها شايله مصر اذا كانت ملاكي او تاكسي ...... وربنا يوفقنا للاصلح

[aboyahea]

هات حاجه على اد فلوسك
سوزوكى سويفت
او اكسيل 1300
او شاهين موديل حديث فوق ال2000

ماهوا حضرتك المبلغ الي معايا يجيب برده الالفا رميو ال147 الاسعار في مواقع بيع السيارات من 25000 الي 32000 من نوع العربيه ديه .. وربنا يوفقنا في عربيه كويسه ان شاء الله ..

[aboomar22]

انا شايف ان حضرتك من الزقازيق الاول اسال فيه ناس شغالة فى الالفا رميو وفيه بتوع قطع غيار جديد واستيراد وكده وبعدين شوف راىء اللى معاهم العربية لو انى شايف انك ممكن تجيب ابيزا او سويفت او اكسيل -- والف مبروك مقدما وتكون وش الخير عليك يارب

[lad]

شاهين وممكن كيا برايد والفا روميو على العين والراس بس بيع صعب و قطع غيار مش سهلة

[adelghanem]

انت الظاهر ال الفا داخله دماغك جامد
انت اول مره تجيب عربيه متغامرش فى حاجه الميكانيكيه يكرهوك فى اليوم اللى اشتريت فيه العربيه
جرب فى المضمون الاول وبعدين لما يبقى معاك مبلغ كبير جازف براحتك
دى نصيحه لوجه الله

[eleanor]

لو انت ماكنش معاك عربيات قبل كده ودى اول عربيه ليك يبقى بلاش الالفا علشان دى عربيه رياضيه وبتاعت جرى وكده
انت حاول تجيب حاجه تريحك وماتتعبكش علشان ماتكرهش العربيات ولا تخلى حد يكرهك فيها
دور على حاجه شاهين او بيجو 505 مكيفه او هينداى اكسنت
وربنا يوفقك لما هو فيه خير لك

[ahmedhilmy]

الفا روميو من العربيات المحترمه جدا بس كمان من العربيات اللي ملهاش سوق في مصر من العربيات اللي مظهرتش كتير فبالتالي هتلاقي قطع غيارها بصعوبه و اكيد النسبه الأعظم منها استيراد ناهيك عن ان الميكانيكيه هتلافيهم فيها ابيض و هتخش عالم الفتوي من اوسع ابوابه .
طالما دي اول عربيه ليك اول تشتري حاجه سهله و بسيطه كده و متداوله تتمتع بيها و تريحك مش تكرهك في اليوم اللي انت قبضت فيه الجمعيه ؟
موفق للي فيه الخير ان شاء الله

[haithamshaker]

انا في مرحلة الشراء زي حضرتك و بدور برضه علي عربية بس نصيحة اخوية انت هتحط كل ما تملك في عربية . يبقي تجيب عربية تصونك و متتعبكش في الصيانة و يوم ما تحب تبيعها تلاقي اللي يشتريها بسهولة . و مبروك مقدما

[p r i n c e]

انا في مرحلة الشراء زي حضرتك و بدور برضه علي عربية بس نصيحة اخوية انت هتحط كل ما تملك في عربية . يبقي تجيب عربية تصونك و متتعبكش في الصيانة و يوم ما تحب تبيعها تلاقي اللي يشتريها بسهولة . و مبروك مقدما

+1111

[hulkyehia]

اللهم صل على محمد وعلى آله وصحبه أجمعين
هيونداى اكسيل