محتاج نصيحه في شراء سياره مستعمله

[Muhamed E.M.M]

بسم الله الرحمن الرحيم
دلوقتي انا محتاج نصيحتكم ضروري لأن انا مقبل على شراء سياره مستعمله ان شاء الله

انا حاطط في دماغي 3 حاجات
رينو ميجان اللي هي بانوراما موديل 2005 حالتها كويسه عامله كيلوات مش كتير اوي يعني مناسبه لعمرها ..بس سمعت ان في مشكله في الكهربا بتاعتها و كمان صيانتها غاليه جدا .. دي عامله 70 الف بس ممكن يكون فيها كلام شويه و ننزل في سعرها ..مع العلم هي اوتوماتيك و كامله

تاني حاجه اوبترا 2007 كامله اوتوماتيك حالتها كويسه برده و عامله كيلوات مناسبه مش كتيره .. دي عامله 75 الف برده

تالت حاجه النترا 2008 كامله اوتوماتيك برده و حالتها كويسه برده بس دي عامله 82 الف

كنت عايز رأيكم ايه افضلهم و ايه السبب اللي مخليها الافضل

و لو حاجه فيهم افضل من التانيه بس شايفين سعرها عالي شويه قولولي انها الافضل بس السعر عالي وكده

معلش هتعبكم معايا بس انا جديد في موضوع العربيات ده و بستفيد من خبرتكم

شكرا مقدما لأي حد هيساعدني
و اي حد مش هيساعدني برده شكرا

[amnpop]

هو الافضل طبعا
1-الانترا
2-اوبترا
3-ميجان
بس في فرق 12000 جنيه بين ال3 عربيات و اكيد حضرتك عامل متوسط سعر للشراء
و ان شاء الله ربنا يكتبلك الخير

[tarekmomo]

ابعد عن الميجان قطع غيارها غالية ومش كل الصنايعية بيفهمو فيها بس هية كعربية ركوبة

[Muhamed E.M.M]

هو الافضل طبعا
1-الانترا
2-اوبترا
3-ميجان
بس في فرق 12000 جنيه بين ال3 عربيات و اكيد حضرتك عامل متوسط سعر للشراء
و ان شاء الله ربنا يكتبلك الخير

شكرا يا باشا على ردك
معلش هتعبك معايا كنت عايز اعرف الالنترا احسن من الاوبترا من ناحية ايه ؟

[Muhamed E.M.M]

ابعد عن الميجان قطع غيارها غالية ومش كل الصنايعية بيفهمو فيها بس هية كعربية ركوبة

بعيدا عن قطع غيارها و صيانتها و الكلام ده
طب من رأيك لو انا هقدر على قطع غيارها و صيانتها هي افضل ولا اوبترا ولا الالنترا

[Land_Cruiser]

الميجان عربيه جميله و فخمه بس المشكله في الموديل اللي حضرتك بتقول عليه ان اعطاله قاتله يعني كتير منها ممكن يوقف العربيه بيك و تحتاج لرفعها وده راجع لأن التكنولوجيا فيها ملعبكه شويه و بالتالي. ده هيقلل من نقطه الاعتماديه اللي من الحاجات الأساسية التي يجب ان تتوافر في العربيه و طبعا تزيد فرص الاعطال مع عربيه بقالها ٨ سنوات عن الاحدث منها و ده بالاضافه الي ان مش اي حد بيفهم فيها و يقدر يصلحهالك لو عطلت او وقفت بيك في اي مكان و دي يمكن من اكتر الحاجات اللي بتؤدي الي سعر اعاده البيع بتاعها الضعيف مع العلم انها مليانه كماليات و موتورها قوي و لو عربيه غيرها اكيد هتتباع أغلي من كده بكتير. بالنسبه للالنترا مساعدينها ناعمه و موتورها قوي و بتسحب كويس وواسعه من الداخل و شنطتها كبيره و تقفيلها جيد لكنها عندها مشكله في الثبات علي السرعات العاليه فال دريكسيون بيبقي خفيف و ما بيتقلش مع السرعه احيانا و كمان واطيه من ورا فبتحك في المطبات العاليه أما الاوبترا فهي اثبت من الالنترا لكن موتورها خشن حبتين و مساعدينها ناشفه. لو مكان حضرتك هافكر في الالنترا بس طبعا العبره بالحالة

[Muhamed E.M.M]

الميجان عربيه جميله و فخمه بس المشكله في الموديل اللي حضرتك بتقول عليه ان اعطاله قاتله يعني كتير منها ممكن يوقف العربيه بيك و تحتاج لرفعها وده راجع لأن التكنولوجيا فيها ملعبكه شويه و بالتالي. ده هيقلل من نقطه الاعتماديه اللي من الحاجات الأساسية التي يجب ان تتوافر في العربيه و طبعا تزيد فرص الاعطال مع عربيه بقالها ٨ سنوات عن الاحدث منها و ده بالاضافه الي ان مش اي حد بيفهم فيها و يقدر يصلحهالك لو عطلت او وقفت بيك في اي مكان و دي يمكن من اكتر الحاجات اللي بتؤدي الي سعر اعاده البيع بتاعها الضعيف مع العلم انها مليانه كماليات و موتورها قوي و لو عربيه غيرها اكيد هتتباع أغلي من كده بكتير. بالنسبه للالنترا مساعدينها ناعمه و موتورها قوي و بتسحب كويس وواسعه من الداخل و شنطتها كبيره و تقفيلها جيد لكنها عندها مشكله في الثبات علي السرعات العاليه فال دريكسيون بيبقي خفيف و ما بيتقلش مع السرعه احيانا و كمان واطيه من ورا فبتحك في المطبات العاليه أما الاوبترا فهي اثبت من الالنترا لكن موتورها خشن حبتين و مساعدينها ناشفه. لو مكان حضرتك هافكر في الالنترا بس طبعا العبره بالحالة

شكرا يا باشا على الرد الوافي ده ربنا يخليك
هو عيوب الاوبترا ايه تاني ؟ يعني اشمعنا حضرتك هتفكر في الالنترا و الاوبترا لا؟

[fisha]

احسن واحدة فيهم بدون نقاش الميجان بس لو هتقدر على صيانة و قطع الغيار و ده يكون فى توكيل احسن لاكن هيا كا عربية تحفةةةةةةةةةةة

[Muhamed E.M.M]

احسن واحدة فيهم بدون نقاش الميجان بس لو هتقدر على صيانة و قطع الغيار و ده يكون فى توكيل احسن لاكن هيا كا عربية تحفةةةةةةةةةةة

شكرا يا باشا على ردك بس كذا حد خوفني منها لان الموديل اللي بقول عليه بيقولولي اعطله كتير و انها كده مش اعتماديه .. ايه رأي حضرتك في الموضوع ده؟

[fisha]

شكرا يا باشا على ردك بس كذا حد خوفني منها لان الموديل اللي بقول عليه بيقولولي اعطله كتير و انها كده مش اعتماديه .. ايه رأي حضرتك في الموضوع ده؟

انا اعرف ناس معاها العربية و انا ركبتها بصراحة العربية تحفة و واسعة جدا و الخمات من جوة نضيفة و الشكوة الوحيدة الى سمعتها منو حوار قطع الغيار و الصيانة بتعتها اذا كنت حضرتك هتقدر عليها يبقى ماشى لاكن مش هتقدر عليها بلاش عشان مش تكره العربية و تكرهنى معاها

[Muhamed E.M.M]

انا اعرف ناس معاها العربية و انا ركبتها بصراحة العربية تحفة و واسعة جدا و الخمات من جوة نضيفة و الشكوة الوحيدة الى سمعتها منو حوار قطع الغيار و الصيانة بتعتها اذا كنت حضرتك هتقدر عليها يبقى ماشى لاكن مش هتقدر عليها بلاش عشان مش تكره العربية و تكرهنى معاها

يا باشا عيب مقدرش اكرهك
طب موضوع الكهربا بتاعتها ده ايه نظامه لان الناس قلقتني منه

[Mohamed ELOoL]

بلاااش ميجان اي صيانة فيها بتزعل

خليك في الالنترا عربية ( روعة )

او لانسر بومة 1600cc

[thisisman]

لو بتفكر في الميجان خليك في 2006 و انت طالع سيبك من 2005

[Land_Cruiser]

شكرا يا باشا على الرد الوافي ده ربنا يخليك
هو عيوب الاوبترا ايه تاني ؟ يعني اشمعنا حضرتك هتفكر في الالنترا و الاوبترا لا؟

من المآخذ علي الاوبترا استهلاك البنزين فهو يعتبر أعلي من الالنترا و التقفيل و الفخامه من الداخل لصالح الالنترا و الدهان الخارجي برضه بتاع الالنترا افضل و الكلام ده عن امتلاك سابق للالنترا و قياده الاوبترا شهر و نصف . زي ما قلت لحضرتك عيوب الانترا هي الثبات مع السرعات العاليه و الحك في المطبات العشوائيه بالذات و مساعدينها اللي ورا تعبانين (بس ده تقريبا ندر علي هيونداي موضوع المساعدين الخلفيه دي لان كتير من موديلاتها عنده مشكله معاها)

[monamize4]

ارشحلك الالنترا بس يكون فيها abs airbgs

عربية ممتازة و مبروك مقدما