برجاء التسعير بأقصى سرعة

[hplv]

السلام عليكم
لو سمحت يا جماعة عايز اعرف سعر العربية :
-لانسر 2010 -اتوماتيك ستريبتونيك -1600 cc -العداد 44 الف كيلو -فيها abs -عتب واكر نيكل بس مافيهاش جنوط وبالتالى انا مش عارف هيا انهى فئة كلاسيك ولا هاف سبورت
-فابريكة بالكامل حتى الاكصدامات -وفيها بعض الخدوش فى الابواب والرفرف الخلفى والاكصدام الخلفى داخل لجوه حاجة بسيطة .
-صاحبها طالب فيها 102 الف ومش راضى يخرج العربية من الجراج علشان نشوفها عند اى حد الا لما نتفق وادفع عربون بسيط لانه بيقول انا ضامن العربية بتاعتى مش هيطلع فيها حاجة وانا مش عايز بهدلة علشان الناس بترجع فى كلامها.
الراجل رخم رخامة مالهاش حل بس محترم بالنسبة للعربية انا شايفها نضيفة وصالونها ما شاء الله فعايز قول فصل فى الموضوع.

[Land_Cruiser]

حضرتك ممكن تعمل مشاركه تسعير للاستاذ شريف استشاري التسعير بالمنتدي و هو يفيدك في موضوع السعر المناسب لها
http://www.nilemotors.net/Nile/329130-a-110.html (تسعيير السيارات المستعملة الجزء الخامس)


حاجه بس صغيره فيها تناقض في كلام البائع لفتت نظري و حاول تخللي بالك منها : هو أزاي متأكد ان عربيته مفيهاش مشاكل و ضامنها و في نفس الوقت عايز عربون قبل ما العربيه يتم الكشف عليها حتي بحجه ان الناس بتسيبها و تمشي علما بأن سعر البيع محدد مسبقا ؟ يعني المتغير الوحيد هو نتيجه الكشف الفعلي علي العربيه و في الحاله دي طبعا العربون هيضيع عليك ده غير ثمن الكشف . العدل بيقول انك تكشف علي العربيه الاول و تتحمل ثمن الكشف و لو طلع فيها مشاكل يبقي ياخد هو التقرير عن مشاكل عربيته ببلاش انما عربون كمان ده over بصراحه و نوع من التدبيس في العربيه

[hplv]

حضرتك ممكن تعمل مشاركه تسعير للاستاذ شريف استشاري التسعير بالمنتدي و هو يفيدك في موضوع السعر المناسب لها
http://www.nilemotors.net/nile/329130-a-110.html (تسعيير السيارات المستعملة الجزء الخامس)


حاجه بس صغيره فيها تناقض في كلام البائع لفتت نظري و حاول تخللي بالك منها : هو أزاي متأكد ان عربيته مفيهاش مشاكل و ضامنها و في نفس الوقت عايز عربون قبل ما العربيه يتم الكشف عليها حتي بحجه ان الناس بتسيبها و تمشي علما بأن سعر البيع محدد مسبقا ؟ يعني المتغير الوحيد هو نتيجه الكشف الفعلي علي العربيه و في الحاله دي طبعا العربون هيضيع عليك ده غير ثمن الكشف . العدل بيقول انك تكشف علي العربيه الاول و تتحمل ثمن الكشف و لو طلع فيها مشاكل يبقي ياخد هو التقرير عن مشاكل عربيته ببلاش انما عربون كمان ده over بصراحه و نوع من التدبيس في العربيه

والله يا فندم انا عارف استاذ شريف ممتاز بس وانا اخدت برايه مرات عديده بس هوا للااسف بيتاخر وانا عايز اعرف السعر بسرعة
بالنسبة للبائع هوا قالى هات ميكانيكى وسمكرى يشوف العربية هنا من غير عربون مافيش مشكلة لكن لو عايز تروح تكشف فى مركز يعنى هحرك العربية يبقى انا عايز عربون علشان اتاكد انك جد فى الشراء وبعدين نروح نكشف وانا ضامن العربية
انا عارف ان موقفه غريب بس كان فى عضو فاضل هنا فى المنتدى قالى ان فى ناس فعلا مابتكونش عايزة تحرك العربية من مكانها
فانا كنت عايز اعرف لو السعر الى هوا طالبه مناسب ادفع عربون عادى وبعدين نروح نكشف

[aliabdo]

كون انك حتتدفع تمن الكشف ده نفسه اثبات جديه ؛ هو عايز ايه تانى و بعدين فى حاجات كتير بتبان فى التوكل مش حيعرفها ميكانيكى و لا سمكرى زى ايرباج او اى بي اس او ما شبه

تمسك انك تكشف فى التوكيل و ممكن مثلا لو سعر الكشف 500 جنيه اديهم له فى ايده عشان يطمن ان لو فى حاجه فى العربيه انك مش حتدبسه فى فلوس الكشف
عموما اتاكد هو تاجر و لا لا و الرخصه باسمه و لا لا و اتاكد من ورق العربيه

[reda elgohary]

لو عاوز نصيحتى البلد واقعة ومحدش بيشتري ويبيع ، أنت لو جاهز ممكن تجيب حاجة بقطة ، بسعر ممتاز ، بس دور كويس .

[Land_Cruiser]

والله يا فندم انا عارف استاذ شريف ممتاز بس وانا اخدت برايه مرات عديده بس هوا للااسف بيتاخر وانا عايز اعرف السعر بسرعة
بالنسبة للبائع هوا قالى هات ميكانيكى وسمكرى يشوف العربية هنا من غير عربون مافيش مشكلة لكن لو عايز تروح تكشف فى مركز يعنى هحرك العربية يبقى انا عايز عربون علشان اتاكد انك جد فى الشراء وبعدين نروح نكشف وانا ضامن العربية
انا عارف ان موقفه غريب بس كان فى عضو فاضل هنا فى المنتدى قالى ان فى ناس فعلا مابتكونش عايزة تحرك العربية من مكانها
فانا كنت عايز اعرف لو السعر الى هوا طالبه مناسب ادفع عربون عادى وبعدين نروح نكشف

موضوع الميكانيكي و السمكري ده يا فندم ينفع في العربيات القديمه علي اساس ان تمنها قليل و مفيهاش تعقيد و مش مستاهله فلوس كشف في توكيل او موديل قديم قوي او ملوش توكيل انما عربيه موديل 2010 ثمنها فوق ال ١٠٠ الف و فيها تكنولوجيا ووارد جدا يكون فيها لعب او مغيره نص او فيها لحامات في الشاسيه او حتي في مشكله في ورقها او فاتحه ايرباج او مشاكل ميكانيكا لازم لها أجهزه للكشف عليها لان المقلب فيها مشكله كبيره و الكشف يتم في التوكيل او مراكز صيانه معتمده و أيضاً يجب الكشف علي ملف العربيه . بعد التأكد من حاله العربيه الفعليه يتم تحديد السعر العادل لها و بكده تبقي ما ظلمتش نفسك و لا غيرك . دفع العربون معناه ان حضرتك التزمت بالسعر بتاع البيع فافرض بقي ساعتها انك دفعته و روحت كشفت في التوكيل طلع فيها مشاكل محتاجه فلوس كتير لتصليحها و انت قررت تشتريها المفروض تمن التصليح يخصم من السعر المتفق عليها لكن ساعتها هيقولك انا مليش دعوه احنا اتفقنا خلاص علي السعر و ان كان مش عاجبك سيبها و هو الكسبان لانه هياخد العربون . في حل تاني ممكن تقوله انك هتدفعله مثلا ثمن البنزين من عنده للتوكيل و بكده ما تبقاش دبست نفسك في حاجه و ان كان مش ده العرف بس معلش اهو حل وسط لحد ما تطمن هتدفع فلوسك في ايه. موضوع شراء المستعمل ده الاعيبه كتير و الاحتياط واجب

[hplv]

كون انك حتتدفع تمن الكشف ده نفسه اثبات جديه ؛ هو عايز ايه تانى و بعدين فى حاجات كتير بتبان فى التوكل مش حيعرفها ميكانيكى و لا سمكرى زى ايرباج او اى بي اس او ما شبه

تمسك انك تكشف فى التوكيل و ممكن مثلا لو سعر الكشف 500 جنيه اديهم له فى ايده عشان يطمن ان لو فى حاجه فى العربيه انك مش حتدبسه فى فلوس الكشف
عموما اتاكد هو تاجر و لا لا و الرخصه باسمه و لا لا و اتاكد من ورق العربيه

شكرا لرد حضرتك يا فندم
المشكلة انى هكشف على العربية فى مركز صيانة عادى لان العربية فى طنطا واقرب وكيل فى قليوب والكشف رخيص ب 100 جنيه وانا قولتله انى هدفع تمن الكشف قال ماشى بس نتفق الاول
المشكلة انى مش عايز اتفق الا لما اعرف السعر المطلوب ده مظبوط ولا ايه

[hplv]

لو عاوز نصيحتى البلد واقعة ومحدش بيشتري ويبيع ، أنت لو جاهز ممكن تجيب حاجة بقطة ، بسعر ممتاز ، بس دور كويس .

ايدى على اديك يا فندم لو قدامك حاجة كويسة وعداد قليل بلغنى

[hplv]

موضوع الميكانيكي و السمكري ده يا فندم ينفع في العربيات القديمه علي اساس ان تمنها قليل و مفيهاش تعقيد و مش مستاهله فلوس كشف في توكيل او موديل قديم قوي او ملوش توكيل انما عربيه موديل 2010 ثمنها فوق ال ١٠٠ الف و فيها تكنولوجيا ووارد جدا يكون فيها لعب او مغيره نص او فيها لحامات في الشاسيه او حتي في مشكله في ورقها او فاتحه ايرباج او مشاكل ميكانيكا لازم لها أجهزه للكشف عليها لان المقلب فيها مشكله كبيره و الكشف يتم في التوكيل او مراكز صيانه معتمده و أيضاً يجب الكشف علي ملف العربيه . بعد التأكد من حاله العربيه الفعليه يتم تحديد السعر العادل لها و بكده تبقي ما ظلمتش نفسك و لا غيرك . دفع العربون معناه ان حضرتك التزمت بالسعر بتاع البيع فافرض بقي ساعتها انك دفعته و روحت كشفت في التوكيل طلع فيها مشاكل محتاجه فلوس كتير لتصليحها و انت قررت تشتريها المفروض تمن التصليح يخصم من السعر المتفق عليها لكن ساعتها هيقولك انا مليش دعوه احنا اتفقنا خلاص علي السعر و ان كان مش عاجبك سيبها و هو الكسبان لانه هياخد العربون . في حل تاني ممكن تقوله انك هتدفعله مثلا ثمن البنزين من عنده للتوكيل و بكده ما تبقاش دبست نفسك في حاجه و ان كان مش ده العرف بس معلش اهو حل وسط لحد ما تطمن هتدفع فلوسك في ايه. موضوع شراء المستعمل ده الاعيبه كتير و الاحتياط واجب

المشكلة يا فندم انى مش عارف السعر العادل للعربية لحد الان وانا ماكنتش هاكشف فى التوكيل انا كنت هكشف فى ممركز صيانة عادى بس حضراتكم قلقتونى ومعظم الردود بتقول اكشف فى التوكيل

[monamize4]

و عليكم السلام و رحمة الله و بركاته
اخبارك ايه يا باشا ,, واضح انك لسه ملقتش حاجة كويسة

- فاكر لما قلتلك ( لازم تكون موضح لصاحب العربية من قبل ما تروح انك هتكشف عليها سواء ف التوكيل (الافضل) او ف بنزينة عشان فى ناس بترفض و يقولك العربية مش هتتحرك من تحت البيت) ,, واضح انك قابلت واحد منهم

- المهم انا عايز اقولك متدفعش مليم واحد عربون
و اساسا المشترى اللى بيدفع عربون دا بيبقى اتاكد ان العربية سليمة و ناوى يخلص بس مستنى يجمع الفلوس فا بيدفع مبلغ بسيط ربط كلام و قصاد كدة بيتكتب عقد ابتدائى و بيبقى فيه شرط جزائى انه لو فسخ العقد , بيرجعله المبلغ ناقص

- من حقك انك تكشف على العربية و تتاكد انها سليمة عند المكان اللى انت عايزة من غير ما تدفع عربون طالما انت اللى هتدفع مصاريف الكشف و ياريت تكشف عليها ف التوكيل لانه افضل مكان و ان كان من المستحيل ان الراجل يرضى ان يسفر العربية عشان يتكشف عليها

- و احب اقولك ان اضمن طريق للشراء ف الظروف اللى احنا فيها انك تكشف على العربية كويس و تكشف على ورقها و تتاكد انها مش مسروقة و بعدين تروحوا الشهر العقارى و تعملوا عقد مسجل و تدفع المبلغ كاملا هناك و تستلم عربيتك

- بالنسبة للتسعير ,, استاذ شريف هو افضل واحد يرد عليك و من خلال خبرتى الضعيفة ف التسعير , اعتقد ان سعرها دا كويس

واضح انك ملهوف اوى ع العربية يا باشا ,,
بس احب اقولك متخليش اندفاعك يوقعك ف مشاكل مع التجار (او البائعين عموما) او يخسرك فلوس او يدبسك ف عربية اى كلام لان ف الاخر دا نصيب و اللى بيتعامل ف البيع و الشرا عارف الكلمة دى كويس و احب افكرك اننا مش بنلاقى الفلوس ع الارض او بنطبعها

[hplv]

[و عليكم السلام و رحمة الله و بركاته
اخبارك ايه يا باشا ,, واضح انك لسه ملقتش حاجة كويسة
ازيك يا فندم انا فعلا لسه بدور

- فاكر لما قلتلك ( لازم تكون موضح لصاحب العربية من قبل ما تروح انك هتكشف عليها سواء ف التوكيل (الافضل) او ف بنزينة عشان فى ناس بترفض و يقولك العربية مش هتتحرك من تحت البيت) ,, واضح انك قابلت واحد منهم
انا فعلا نسيت لما اكلمه اقوله كدا خصوصا انه فى طنطا والوكيل فى قليوب اقرب حاجة فكنت مش مدقق على موضوع التوكيل ده اوى

- المهم انا عايز اقولك متدفعش مليم واحد عربون
و اساسا المشترى اللى بيدفع عربون دا بيبقى اتاكد ان العربية سليمة و ناوى يخلص بس مستنى يجمع الفلوس فا بيدفع مبلغ بسيط ربط كلام و قصاد كدة بيتكتب عقد ابتدائى و بيبقى فيه شرط جزائى انه لو فسخ العقد , بيرجعله المبلغ ناقص

- من حقك انك تكشف على العربية و تتاكد انها سليمة عند المكان اللى انت عايزة من غير ما تدفع عربون طالما انت اللى هتدفع مصاريف الكشف و ياريت تكشف عليها ف التوكيل لانه افضل مكان و ان كان من المستحيل ان الراجل يرضى ان يسفر العربية عشان يتكشف عليها

- و احب اقولك ان اضمن طريق للشراء ف الظروف اللى احنا فيها انك تكشف على العربية كويس و تكشف على ورقها و تتاكد انها مش مسروقة و بعدين تروحوا الشهر العقارى و تعملوا عقد مسجل و تدفع المبلغ كاملا هناك و تستلم عربيتك
بالنسبة للجزء بتاع كشف لورق يعنى اعمل ايه بالظبط اخد رقم العربية واشوف بيانتها فى المرور الى هيا نبعه ولا ايه

- بالنسبة للتسعير ,, استاذ شريف هو افضل واحد يرد عليك و من خلال خبرتى الضعيفة ف التسعير , اعتقد ان سعرها دا كويس

واضح انك ملهوف اوى ع العربية يا باشا ,,
بس احب اقولك متخليش اندفاعك يوقعك ف مشاكل مع التجار (او البائعين عموما) او يخسرك فلوس او يدبسك ف عربية اى كلام لان ف الاخر دا نصيب و اللى بيتعامل ف البيع و الشرا عارف الكلمة دى كويس و احب افكرك اننا مش بنلاقى الفلوس ع الارض او بنطبعها
يا فندم انا مقدر جدا للنصيحة الاخوية دى وانا تقريبا مش بعمل اى حاجة غير لما با استشير الاعضاء الافاضل والحمد لله لم يخيب ظنى فى اى مرة
وبجدد شكرى لحضرتك مرة اخرى
[/quote]

[monamize4]

بالنسبة للجزء بتاع كشف لورق يعنى اعمل ايه بالظبط اخد رقم العربية واشوف بيانتها فى المرور الى هيا نبعه ولا ايه

يا فندم انا مقدر جدا للنصيحة الاخوية دى وانا تقريبا مش بعمل اى حاجة غير لما با استشير الاعضاء الافاضل والحمد لله لم يخيب ظنى فى اى مرة
وبجدد شكرى لحضرتك مرة اخرى

[/quote]

لازم يا باشا تتاكد ان العربية ليها ملف ف المرور و تاكد انها مش مسروقه و لو هو مش اول مالك يبققى لازم تتاكد من تسلسل الملكية

[amz2011]

انا شاميم ريحة تناكة من البايع
فرائى سيبك منه نهائى

[hplv]

انا شاميم ريحة تناكة من البايع
فرائى سيبك منه نهائى

لسه مكلمه النهاردة قالى مستحيل اسافر قليوب عشان اروح التوكيل ولو عايز تكشف على العربية يبقى فى طنطا (مكان العربية اصلا )بعد دفع عربون ونكتب عقد علشان ابقى انا مطمن على العربون ولو فى حاجة فى العربية نقطع الورق ويرجعلى فلوسى .

[KABOKY_2010]

بقولك اية فكك منها خالص وكلمة قولة مفيش نصيب على فكرة يا صاحبى انا زيك كدة بالضبط متسرع وببقى عايز الحاجة تخلص فى يومها وبمسك فى الحاجة مش بسيبها بس مع النصية والراى الاخر بعفر ان التسرع مش حلو وانت فلوسك حلوة مش وحشة وهتلاقى حاجة كويسة ان شاء الله باذن الله دور على كل المواقع وحتى لو لقيت حاجة فى اى معرض بيبيع مستعمل روح بص وشوفها ومتفتكرش ان بتاع المعرض هيبغى غالى زى الفكرة الى احنا واخدينها من صغرنا دى لا هو بيوقع عربية بسعر قليل ويبعهالك بسعر السوق لانة مش مجنون يبيع عربية اغلى من تمنها لانها هتتركن ومش هتتباع فاهمنى ورنا يوفقك فى اى حاجة ان شاء الله