معايا 50 الف جنية ومش عارف اشترى اية وازى !

[clip0aldo]

السلام عليكم ورحمة الله وبركاتة

الحقيقة دى اول مشاركة لية فى اى منتدى سيارات ودة لانى فى قمة الحيارة وكل يوم من شارع لشارع بتفرج على العربيات والاسعار من بعض المعلنين فى المواقع .. والحقيقة انا كان معايا هيونداى اكسيل اول يد وكنت رافعها 8 سنين والحمد لله بعتها بسعر محترم .. دلوقتى بقى انا بدور على عربية فى حدود 50 الف جنية وبجد هموت واشترى عربية افيو بس لو ينفع يكون باقى المبلغ ودى مع صاحب العربية بدون بنوك او اى شى .. او ممكن اشترى عربية فى حدود 50 الف كاش وبجد مش عارف اشترى اية انا عارف ان مبلغ قليل جدا بالنسبة للعربيات دلوقتى بس معييش غير الفلوس دى للاسف :(

[tota_ys]

اكسنت 2006 عربيه جميله جدا وتكيف تلاجة وقطع غيار رخيصه وشكل عام جيد الكويسه منها هتعمل 44 45 وتوفر بقى 5

[aboomar22]

ممكن كمان فيرنا او لانوس--- الفيرنا تكييفها احسن وسحبها اسرع والتكييف مش بياثر على الاداء كتير عكس اللانوس ----- لكن فى المقابل اللانوس اثبت نوعا ما والفرامل احسن

[besso33]

نوبيرا عربية ممتازة
اوبل فكترا لغاية موديل 2000 زي الفل
رينو ميجان لغاية موديل 2005
كيا اسبكتراحلوة اوي
نيسان صني لغاية 2003 جميلة

[clip0aldo]

نوبيرا عربية ممتازة
اوبل فكترا لغاية موديل 2000 زي الفل
رينو ميجان لغاية موديل 2005
كيا اسبكتراحلوة اوي
نيسان صني لغاية 2003 جميلة

.

كلامك جميل جدا بس فين العربيات اللى اسعارها كدة وحالتها اية لان مفيش الاسعار دى دلوقتى

[clip0aldo]

ممكن كمان فيرنا او لانوس--- الفيرنا تكييفها احسن وسحبها اسرع والتكييف مش بياثر على الاداء كتير عكس اللانوس ----- لكن فى المقابل اللانوس اثبت نوعا ما والفرامل احسن

للاسف الشديد انا من وجهة نظرى المتواضعة فى السواقة بقالى 12 سنة سواقة شايف ان اسواء عربيتين فى التاريخ هما اللانوس والفيرنا .. وانا عاوز اشترى اى حاجة بعيد عن العربيات دى وشكرا لحضرتك

[besso33]

.

كلامك جميل جدا بس فين العربيات اللى اسعارها كدة وحالتها اية لان مفيش الاسعار دى دلوقتى

حضرتك كل الانواع اللي ذكرتهم واسعارها هي اسعار اليوم ولو عايز تتأكد تابع مواقع زي دوبيزل وكونتاكت كار وفور سيدان وانت هتلاقي كتير بس انت اهم حاجةتسال اذا كانت العربية رخصة ولا توكيل علشان بيبقي فيه تجار كتير ودول اللي بيرفعوا الاسعار علشان يكسبوا انما لو اشتريت من صاحب عربية هتلاقي السعر اقل علي الاقل ما بين 3-5 الاف جنيه وربنا يوفقك

[i_Am_Legend]

ماهى الافيو اللي حضرتك عايزها..هى نفس شاسية وموتور اللانوسهى لانوس اصلا والعربيتين كنننننب ....انسي الكورى وخليك في الاوروبي

[draboeyad]

انا برضه عايز اشترى حاجه فى نفس الحدود دى!!!!!!!!!!!!!1
فيه ناس رشحتلى اللانسر كريستاله والتويوتا موديل 1997 وبعدين النوبيرا واللانوس والفيرنا
واحد تانى قالى بلاش الفيرنا لانها مش ثابته خالص رغم ان سحبها عالى وهات الاكسينت افضل منها موديل 1999
ايه رايكم ياشباب لانى فى نفس الحيره

[alaaeldeinm]

نصيحه لوجه الله
انا معايا لانوس 2006 و قبلها كان معايا اكسنت 2001 وجربت فيرنا شهر و بعتها
العربيات الكورى كلها كتنفعش ركوبه تستمتع بيها وتعتمد عليها
والدى معاه كريستاله 2000
احسن عربيه ممكن تركبها اداء عالى موفره ف البنزين تكييف محترم
قطع غيار رخيصه جدا و اعتماديه - عيبها الوحيد انها قريبه من الارض و بتضايق شويه ف المطبات
اخر مره كنت مسافر بيها الغردقه امن كام شهر حسيت فعلا انى رااكب عربيه على الطريق

[S O P H O S]

كورولا عيون
او فيرنا لو كوري ..

[islambana]

كريستاله اوتوماتيك عربيه فيها كل اللي نفسك فيه واكتر
واعتماديه جداااا وحاجتها ببلاش وبياعه اووووووي

[ahmed legend]

لانسر كريستالة