سؤال عن الفولفو

[amrbaseem]

رجالة نايل موتورززز
عندي استفسار بسيط.....بفكر اجيب فولفو s60 2012 مستعمل بحالة كويسة بس عايز أعرف ايه نظام قطع الغيار و لو حد يعرفلها عيوب وكل عام و أنتم بخير

[monamize4]

يا راجل يا طيب
هو حد جربها عشان يطلع فيها عيوب ؟
دا الواحد بيشوفها كل فين و فين
و بعدين الفولفو مافيهاش عيوب اصلا
لكن لاحظت من الريفيوهات ان الناس بتشتكى من ضيق الكنبة الخلفية ف ال s60
و معتقدش انك هتلاقى حد بيفهم كويس ف قطع غيارها

ال s60 مواصفاتها ممتازة و خصوصا ف موضوع الامان
مشكلتها (دا لو لقيت منها مستعمل اساسا ) انها مش منتشرة خالص فا محدش هيفهم ف صيانتها الا التوكيل (اشك ف الحكاية دى ) و مش هتلاقى قطع غيار الا ف التوكيل و طبعا سعر اعادة البيع هيكون تحت الارض
لكن هى كعربية ,, لا غبار عليها

من الاخر متجيبهاش الا لو داخلة دماغك و مش ناوى تبيع
اما لو بيتدور على اى عربية بالسعر دا يبقى فكر ف ال c او الفئة التالتة عشان لو حبيت تبيع بعد كدة

و خلى بالك ان الشكل الجديد نزل برة مصر و قريب هينزل مصر و نازل بامكانيات تحفة

[amrbaseem]

أنا بصراحة العربية معششة في دماغي...بس مش عايز أجيب عربية البس في قطع الغيار اللي مش موجودة...بالنسبة للموديل الجديد الفرق في العدادات و الفانوس الامامي ...مش متأكد في ايه تاني.

[monamize4]

انزل و اسال بنفسك على مدى توافر قطع الغيار برة التوكيل و اسال على اسعار قطع الغيار ف التوكيل و برة التوكيل و شوف الكلام دا كله هيناسبك و لا لأ ؟

اما عن التعديلات ف الs60 الجديدة ,,
فا دى يطول الكلام عنها , دور على الريفيوهات بتاعتها عشان الامور تبقى اوضح

[i_Am_Legend]

متابع معاكم...