طلب تسعير بومة 2007

[motsh]

السلام عليكم
اعذرونى يا جماعه انا طلباتى كترت ... بس مش لاقى حد ممكن يفيدنى غير منتدانا الجميل
انا دلوقتى معروض عليا بومة 2007 خليجى( اير باج , ابة اس, سبويلر ) العربية رشة اكصدامين بس , اوتو عملة 149.000 ان شاء الله بكرة بعد معاينة العربية ان شاء الله ممكن اخلص فيها . بالمواصفات دى ممكن تعمل كام .. وسؤال تانى لو ربنا اراد اية اللى مفروض اعملة فى العربية كصيانة فى البداية كدة

[motsh]

يا جماعه ممكن تيفيدونى كدة انى العربية دى تعمل كام ولو فعلا حالتها كدة اخلص فيها .. هو الراجل بيتكلم فى 86000 ارجوكم يا جماعه انا رايح اشوفها تانى انهردة

[KemozTanta]

تنزل ياباشا عن 86 شوية .. لكن لو حالتها حلوة وكشفت عليها تمام لان خللي بالك اللانسر دي اكتر عربية المصريين بيلعبوا فيها تركيب انصاص وارباع وتغيير قنطرة وميكشفهاش غير صنايعي محترف
عموما لو حالتها تمام ومش محتاجة مصاريف يبقي 85 وارجع تاني اقولك اصرف 500 جنية علي الكشف عليها كويس اوي اوي اوي اوي اوي هيوفر معاك الالافات بعدين ! مش صنايعي وتديلة 100 ويقولك العربية تمام والكلام دا .. العربية تروح بيها التوكيل تاخد تقرير عنها او تلف بيها لسمكري و عفشجي وميانيكي وكهربائي وبالذات عفشجي وسمكري ..

[د.عماد صلاح]

اولا ماتبخلش عليها في الكشف خاصه الفتيس و حاله الموتور
ثانيا تغيير كل الزيوت و الفلاتر بمجرد الاستلام
السياره لها 6 سنوات في الشارع و عدادها 150 الف ...اعتقد 78 الي 82 الف كفايه عليها

[motsh]

للاسف الراجل ماسك فى السعر دة مش عايز ينزل ... بالاضافة لكدة هى محتاجة طقم كوتش جديد