تسعير بيجو 504 فابريكة

[eng.salama93]

عمي عنده بيجو 504 فابريكة برا و جوا و كانت مرفوعة 30 سنة .. و عامله 29 ألف كيلو
و مكيفه و باور الأتنين بتوع الفابريكه ... الفرش الأصلي و طقم السماعات الأصلي حتي اللمض و الفوانيس الأصلية ... مفيش مسمار أتفك فيها أبدا و الموتور عمره ما أتفك ولا اتعمله طقم شنبر ... كل الكلام دا انا متأكد منه عشان دي عربية عمي و انا عارفها كويس
تفتكروا العربية دي تعمل كام ؟؟

[eleanor]

على ما اعتقد تعمل 50 الف بس بصراحه لو بالحاله دى التمن ده انا عارف انه قليل عليها بس السوق بيحكم وهاتعوز شغل كتير فى العفشه وتغير كاوتش وكل الخراطيم
انا من راى حرام تتباع ده لو هو هايركبها

[aboomar22]

العربية دى عايزه واحد غاوى ال504 لان مش اى حد هيقدر قيمتها الا ناس معينة

[eng.salama93]

هي العربية من سنتين جابت 55 ... بس هي مش محتاجة أي حاجة هي بقالها سنه تقريبا بتمشي و مفيهاش أي مشاكل و كلها نعومة و زي الزيرو بالظبط
هي أتباعت قريب علي 47 ألف بس انا حاسس انه شوية عليها و زعلان عليها جدا
بس الراجل اللي أخدها اشترطنا عليه يرجع الفرش الأصلي و الكاسيت و السماعات الأصلية