فيات اونو 99 و لا كيا العصفورة 96

[sameh 81]

السلام عليكم
احب اعرف رأيكم في عربيتين معروضتين عليا
واحدة فيات اونو الميكانيكي اللي قاللي عليها محترم و قاللي انها كويسة اوي و ب 28 الف و هيه موديل 99
و واحد صاحبي قريبته معاها كيا برايد و هيه جابتها من شهر و مش عارفة تستريح مع الفتيس محتاجة حاجة اتوماتيك
قصتها كالتالي اول يد كانت دكتورة و قرببة صاحبي تاني يد و العربية فبريكة بره و جوه و اترش بابين بس من الخارج بسبب الاستاذة اللي كانت بتحاول تتعلم عليها و العربية عملت 100 الف كن بس
العربية موديل 96 و المطلوب 35 و حلفولي انهم اشتروها ب 33و نص بس هما اشترولها 4 فرد كاوتش و مساعدين جديدة و مينفعش ينزلوا عن ال35

انا رايح بكرة اشوف الاتنين و اكشف عليهم بس مبدئيا انا عايز عربية تستحمل معايا سفر بورسعي و اسكندرية و احب اعرف رايكم خاصة مع فرق 7 الاف و هل الفرق بين العربيتين يستاهل؟ ؟؟؟؟؟؟
يا تري مبدئيا حسب اللي قلته تشيروا عليا بايه؟ ؟؟؟

[hazoom2006]

كتيييير اوى للبرايد

[svneleven]

العربيتين أحسن من بعض و مشاكلهم مش كتير و قطع الغيار موجودة و رخيصة. خليك مع الحالة و السعر الأحسن.

[sameh 81]

فيه ناس كتير قالولي ان الاونو مش بتاعة سفر

يعني الاونو ضعيفة (و ده ناس كتير قالتهولي) يعني مش هتستحمل سفر كتير بالشكل المرضي

و سعر الكيا فيه ناس بتقول انه مبالغ فيه جدا (و صاحبها متمسك بالسعر)

رايكم اشوف حاجة غيرهم و لا ايه .؟؟!!

[elmkaneeki]

السعر عالي اوي بتاع العصفورة

[Hobgoblin]

العصفورة أحسن مليون مرة بس سعرها عالي شوية.

لو الحالة ممتازة توكل على الله...خسارة قريبة ولا مكسب بعيد.

[elmkaneeki]

العصفورة أحسن مليون مرة بس سعرها عالي شوية.

لو الحالة ممتازة توكل على الله...خسارة قريبة ولا مكسب بعيد.

تفكير حضرتك تفكير محترم والله
انت صح

[svneleven]

كان معانا أونو زمان لكن كانت زيرو و كنا بنروح أسيوط و نرجع في نفس اليوم.

[Chok00la]

انا كمان لسه بدور و دايما اسمع ان البرايد احسن .. لو حضرتك مش هتشترى الاونو قوللى :)

[tarekmomo]

هيونداى اكسيل 1500 سى سى موديل 97 فول اوبشن تعمل من 28000 الى 30000 دة الاختيار المناسب

[windofchange]

لو عايز هاتش باك هات ايبيزا 94ل99

[sameh 81]

بسمع ان الاكسل مش بتاعة سفر بشكل شهري و لو عندك تجربة احكيها لينا

[sameh 81]

بالنسبة للاونو هسأل عليها ان كانت لسه موجودة
حضرتك منين؟

[sameh 81]

بالنسبة للاونو هسأل عليها ان كانت لسه موجودة
حضرتك منين؟

[Chok00la]

بالنسبة للاونو هسأل عليها ان كانت لسه موجودة
حضرتك منين؟

من الجيزة - 6 اكتوبر

ألف شكر :)