ما هي أفضل سيارة في حدود 30,000 جنيه ؟

[داركوولف]

السلام عليكم

أنا عاوز اشتري سيارة مستعملة في حدود من 27,000 الي 30,000

ممكن تزيد الي 33 الف لو حاجه كويسة كحد اقصى

فيه ناس نصحوني ب الشاهين وغيرهم ب الاكسل واخيرا ب السوزوكي سويفت

ايه رأيكم انا مش بعرف في العربيات ودي اول تجربه ليا

ولو شايفين انواع تانية حلوة قولولي

والف شكر

[Mohamed_Hamid]

المبلغ اللى معاك تجيب بيه سويفت حالتها كويسة ان شاء الله

[hugan]

الشاهين افضل
هي الاقوي والامتن
مفيش مقارنه بينها وبين السويفت والاكسيل
السويفت والاكسيل بالنسبه للشاهين ورق
دي اول عربيه ليك
محتاج عربيه قويه قطع غيارها متوافره جدا ورخيصه
عاليه عن الارض
جر خلفي مش كبالن مفيش ميزه بعد كده
كل اللي محتاجه من عربيه لشخص بيشتري اول مره
موجود في الشاهين

[J A G U A R]

شاهين بس تكون نضيفه

[aboomar22]

اكسيل--- تكيف باور نعومة استهلاك بنزين مناسب قطع غيار رخيصة اعادة بيع ممتازة شكلها مازال له قبول

[Ahmadhamza84]

أنا استلقطت نوبيرا 1 موتورها تالف أخدتها ب 30 وعمرت الموتور وزبطتها ب 5
يعني بقت ب 35 !!!!!!!!!!!!!!
ممكن تيتلقط كمان برايد أوتو

[السريع]

لشاهين صاجها ناشف و قطع غيارها فى كل حته بس دركسيونها تقيييييل
الاكسيل مش ورق بس مقارنه بالشاهين ضعيف بس دركسينها ولا تقيل ولا خفيف و قطع غيارها متوفره بردو و اعاده البيع كويسه بردو
و فى الاونو دركسيونها خفيف و قطع غيارها موجوده
حضرتك حدد عايز حاجه شبابيه ولا لا, ليك لوحدك ولا ل عيله اغلب مشاويرك جوه البلد ولا طرق سريعه

[hugan]

لشاهين صاجها ناشف و قطع غيارها فى كل حته بس دركسيونها تقيييييل
الاكسيل مش ورق بس مقارنه بالشاهين ضعيف بس دركسينها ولا تقيل ولا خفيف و قطع غيارها متوفره بردو و اعاده البيع كويسه بردو
و فى الاونو دركسيونها خفيف و قطع غيارها موجوده
حضرتك حدد عايز حاجه شبابيه ولا لا, ليك لوحدك ولا ل عيله اغلب مشاويرك جوه البلد ولا طرق سريعه

كلام سليم
حسب احتياجه من العربيه

[داركوولف]

أنا العربية محتاجها عشان اروح بيها الشغل ولو احتجت اسافر تقدر تسافر معايا رغم ان سفري مرتين تلاتة في الشهر


بس كدا انتو حيرتوني اكتر انا اشتري ايه ؟

[Ahmadhamza84]

لو لقيت نوبيرا لقطة نفذ
أنا مريحاني جدا جدا جدا

[falcon44]

انا محتار زيك بالزبط وانا فى نفس الرنج بتاعك كمان
فى ناس نصحتنى بالكيا برايد وناس نصحتنى بالاونو والاكسيل ومش عارف اعمل ايه
واحتياجاتى للعربيه زيك تقريبا وعايز عربيه تسافر مرتين او تﻻته فى الشهر ومشاوير يوميه عاديه فى حدود 40 او 50 كيلو
وطبعا عايز استهلاك بنزين معقول وقطع غيار موجوده وسهولة صيانه
لو وصلت لحاجه او عندك راى تانى ياريت تعرفنى

[جيفارا]

لا حول ولا قوة الا بالله....!!!!
انتو عينيكو مجتش ع الفيليشيا سكودا خالص ؟؟؟؟

عربية بسم الله ما شاء الله .... كل ما اشوفها احترمها...
بحس انها عربية اصيلة وشيك جدا
ولو حد صاحب اسرة يجيبها كومبي
تبقى جبرت.... واتعشت

ولكن بالله عليك بلاش الفورد اسكورت
وللامانة مجربتهاش
بس عمري ما شفت واحدة ف الشارع محترمة...

[mohraga2y]

دوجان 96 اة فيات قرطبة السيارتين مفيش احلى من كده وفى حدزد السعر ده.

[ayam7]

إفتحلى صدرك وإعتبرنى أخوك الصغير انا هقول رأى مخالف للجميع ( بلاش ) طبعا انا عارف انك مخنوق من الزحمة وارفها والمواصلات والعطلة بس عربية بالسعر دة من وجهة نظرى المتواضعة هتتعبك وهتصرف عليها يبقى نستنى شوية فلوسنا تزيد ونتوكل على الله فى حاجة فى رينج افضل

[جيفارا]

حكاية تستنى ع الفلوس دي كانت طبق الاصل موضوع فيلم عربي اسمه السرعة لاتزيد عن صفر
بطولة احمد بدير وعبلة كامل
كان بيحكي عن قصة اتنين مجوزين حديثا وموظفين يعني محدودي الدخل وربنا يوسع ع الجميع
وكان عندهم طفل ومصاريف وكانوا على قدهم اوي وبيساعدو بعض
وكانت مشكلتهم ف بيتهم بعيد عن اشغالهم
وكل مكانو يحوشو مبلغ عربية جديدة زيرو يلاقوا سعرها يغلى كتير يحوشوا اكتر ببطء تغلى الزيرو
واتبهدلوا ف المواصلات والطفل اتبهدل معاهم يا عيني
ومكنش ينفع مراته تراعي الطفل ف البيت عشان مرتبها جوزها محتاجه تساعده بيه
فكان قرارهم يجيبو عربية مستعملة على قدها
وجابوها ومشيو بيها ولكن عشان على قد فلوسهم القليلة شوية عطلت منهم كتير
وكامو بيتاخروا على الشغل وياخد خصومات ويخلصو رصيد الاجازات ويضيعو كل وقتهم ودخلهم
على الصنايعية عشان يصلحوها وفضلو على كده لحد لما بداو يخسرو واتحولت حياتهم للاصعب
فكان القرار انهم يبيعوها .... وخسرو ف تمنها ده غير خسارة مصاريف التصليحات اللي فكرو انهم
لو مكنوش صرفوها كانو ممكن يتحملو لحد اما يجيبو عربية بخيرها
ولقو الفلوس قلت طبعا كتير عن الاول فاصبح مستحيل يجيبوا اي عربية لا بالتقسيط والا كانوا عملوها م الاول
ولا مستعمل ويعانوا زي اللي فاتت بل اكتر
فرجعوا تاني للبداية
من اول السطر
وكان قرارهم انهم اشتروا
عـــــــــــــــــــــــــــــــــــــــــــــــــ ـجــــــــــــــــــــــــــــــــلـــــــــــــــ ـــــــــة......!!!
ويركبوها سوا ورا بعض...
وعشان كده اتسمى الفيلم " السرعة لا تزيد عن صفر"
فيلم في منتهى الجمال ويوصف حال المواطن البسيط بكل دقة


الخلاصة : محدش يسترخص ف المستعمل ولا يطمح بطموحات اعلى من امكانياته خصوصا لو صاحب اسرة....