ياترى أسعار المستعمل نزلت ؟؟؟

[M_HaFeZ]

زميل لى فى الشغل قالى ان الاسعار للمستعمل نزلت كتر منها لانوس 2001 تقريبا فى التلاتينات !! وكمان الاكسيل حاجه وعشرين الف
حسب كلامه ان الاسعار للمستعمل نزلت اوى !!

ياترى حد عنده معلومه او بينزل السوق باستمرار ؟؟ طبعا المواقع هيبقى التحديث فيها ابطأ وبرضو بالنسبه للوسيط ... الناس كده كده بتطلب تمن المرسيدس فى عربيه 128

[M_HaFeZ]

محدش عنده فكره يارجاله ؟؟؟

[dr_winner]

خليه يجيب لنا عربيتين يا باشا
واحدة لانوس وواحدة إكسيل

[ramyfawzy]

سوري يا باشا
ده كلام في الهجايص
الاسعار زي ماهيه بس ماحدش بيبيع ولا حد بيشتري
وممكن حالات فردية فقط لاغير تلاقي عربية ةلا اتنين سعرهم واقع (ظروف مالية او عيب في العربية)
ويجعله عامر

رامي (ابو احمد و يوسف)

[hotboja]

ايوة السوق نايمممممممممممم من ساعات العربيات الصينى اللى نزلت السوق حسبى الله ونعم الوكيل

[hotboja]

هى الانوس اقل حاجة ب 42
والكسيل برضو اقل حاجة ب 32

فا اللى معة مش عايز ينزل وحتى لم بينزل محدش عايز يشترى

[M_HaFeZ]

طيب يأبو احمد انت متابع السوق باستمرار ولا اخر مره من فتره ؟
انا برضو استغربت لان مفيش حاجه بترخص ... ابدا

[aliabutaleb]

هو انا مجرب بس مش على مستوى الاكسيل والحاجات دي
عربيتي الـ 128 نزلت من 22 ألف إلى 17500 حالياً

[Ramy_Ali]

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!
5 نزلت 5 الاف مرة واحدة
تاكد من نفس السنة والموديل!!!1

[ramyfawzy]

انا متابع السوق اسبوعيا
مفيش بيع وشراء
حاجات يادوب تتعد على الصوابع
الكلام بتاع ان السعر نزل والكلام ده كله من التجار عشان يعملوا اي مصلحة
انا شخصيا كل يوم باسمع كلام واسعار غريبة
وكله في الاخر بالتراضي بين الطرفين (البائع والمشتري)

رامي (ابو احمد و يوسف)

[aliabutaleb]

الكلام بتاع ان السعر نزل والكلام ده كله من التجار عشان يعملوا اي مصلحة

باتفق مع حضرتك تماماً في اللي قلته
والدليل ان عربيتي المعروضة دي واللي كانت تجيب 22 مستريح وانا عارضها سمعت أرقام قمة في الغرابة.
تخيل فيه تجار قالولي 12 ألف وتانيين 14 الف؟

ده غير حالة الهلع اللي بيحاولوا يصوروها ان الناس خايفة تشتري موديلات التمانينيات عشان قانون المرور الجديد. ترد تقول ده يا جماعة عشان العربيات الاجرة يرد يقوللك لاااا ماهو هايتطبق على الملاكي بعدها
ولا حياة لمن تنادي لان الغرض الاساسي هو محاولة تنزيل سعر العربية لأقل من سعرها بقدر الامكان
عشان كدة نصيحتي هي البعد عن التجار قدر ما نستطيع

[ahmedezzat78]

السوق كله تجار بنسبه 90%

انا جربت ابيع لاقيت المشترى تاجر
جربت اشترى لاقيت البايع تاجر

وفعلا كله بيرمى سعر اى كلام و لا فيه بيع ولا شراء الا قليل جدا جدا

[A.samy]

كلام جميل والحقيقة ان فى ازمة سيولة فى البلد ودة كلة بسبب البنوك اللى بتدى قروض لمحدودى الدخل بعد مافشلت مع رجال الاعمال اللى خدو فلوس البنوك وهربو .والدليل
انا موظف تقريبا اكتر من 70% من اللى معايا فى الشغل عملين قرض ومش قدرين يسددو ودة كلة عشان يجيب عربية مستعملة اوجديدة وبعدين يكتشف انة مش قد الموضوع دة ..... يبقى فية حل من اتنين يا اما يبيع بخسارة ويفضل كام سنة مديون واما يمد ايدو للناس ويرتشى .
عشان كدة متستغربش من الفساد اللى موجود فى البلد دى اخرة اللى بيتعامل بالربا سواء مع بنك اوشخص فلقد توعد الله للمتعاملين بالربا بالحرب فى الدنيا والاخرة .
نصيحة.........
والله ياجماعة احنا مش حمل ان ربنا يحاربنا فى رزقنا .