سياره نصفين وارد الخارج .... يعني ايه ؟؟؟

[Mr_Mindy]

السلام عليكم ورحمه الله وبركاته

كتير أوي بشوف اعلانات عن سيارات " نصفين وارد الخارج " والحقيقه عاوز اعرف ايه حكايتها ومشاكلها ... لأني ملاحظ ان اسعارها في الارض

هل مشاكلها في الترخيص فقط ولا في التجميع ؟؟

وهل ممكن تكون مسروقه ؟؟؟ ووراها بلاوي ؟؟؟ ولا بيبقي معاها اوراق دخولها البلد ؟؟

[mohamedshawky230]

بص يا باشا على حسب معلوماتي عن الموضوع دة ولو فيه حاجة ممكن حد يصححلنا انه بناءا على ان الجمارك عاليه جدا على استيراد العربيات فالتجار او المستوردين بيعملوا ايه بيجيب العربية سليمه برة ويقطعها نصفين او اربع من اماكن قطع معينة ويستوردها على انها قطع غيار نتيجة لأن جماركها اقل بكتير من استيراد السيارة كاملة ويجي هنا في مصر يلحمها تاني بس هنا هتقابله مشكلة في التراخيص فبيروح مشتري عربية نفس النوع والموديل تكون حوادث وياخد بس النمرة ورقم الموتور والشاسيه ويحطهم على عربيته بس دة شغل كله شمال وغير قانوني وبالتالي العربية بتكون اقل من سعرها بكتير وفيه ناس وهي بتشتري متعرفش انها ملحومة واذا كنت بتتكلم على الامان الكل بيبعد عنها علشان لا قدر الله مع اقل حادثة او خبطة اللحامات ممكن تفك

[جيفارا]

فايدتها الوحيدة انك نشتري من مصر عربية اساسها سليم بس كل امكانيات موتورها وعفشتها وصاجها وتكييفها وكمالياتها وصالونها ف الضياع .... تجيبها بسعر قليل
وتقوم شاري نفس السيارة نصفين استيراد خارج وتاخدها تفضيها ف الهلكانة اللي معاك...
وتشد وتسقط وتعدل وتربيها على ايدك وتركب عربية انت عارف كل مسمار فيها
الشغل ده له مزايا وعيوب
الميزة انه ممكن لناس يكون ممتع جدا وتشوف نتيجة تعبك وصرفك عربية تكون محترمة وعلى قد شغلك وصرفك هتركب
العيوب الوقت والمجهود والمصاريف لان انت عاوز اعلى شغل فبتتعب عشان تعمله صح عند اللي بيفهم..
وعلى فكرة فيه مكسب احيانا ممكن يطلعلك لو صرفت وعدلت اذا بعتها شرط تكون عربية بياعة
وعن معرفة عامة كده
هما اربع عربيات لو سقطت وعدلت فيهم سعرهم مش بيقل بل بيزيد
الاربعة دول
اللانسر
الايبيزا
الجولف
الدايو جولييت
لو ناوي وعند استعداد تخوض التجربة
اللانسر افضل اختيار ببتراضى في شغلها وركوبتها وبيعها ومش هتزعلك
وبتلاقي اللي يقدرها حتى لو كانت عظم ف قفة....

[Mr_Mindy]

" بص يا باشا على حسب معلوماتي عن الموضوع دة ولو فيه حاجة ممكن حد يصححلنا انه بناءا على ان الجمارك عاليه جدا على استيراد العربيات فالتجار او المستوردين بيعملوا ايه بيجيب العربية سليمه برة ويقطعها نصفين او اربع من اماكن قطع معينة ويستوردها على انها قطع غيار نتيجة لأن جماركها اقل بكتير من استيراد السيارة كاملة ويجي هنا في مصر يلحمها تاني بس هنا هتقابله مشكلة في التراخيص فبيروح مشتري عربية نفس النوع والموديل تكون حوادث وياخد بس النمرة ورقم الموتور والشاسيه ويحطهم على عربيته بس دة شغل كله شمال وغير قانوني وبالتالي العربية بتكون اقل من سعرها بكتير وفيه ناس وهي بتشتري متعرفش انها ملحومة واذا كنت بتتكلم على الامان الكل بيبعد عنها علشان لا قدر الله مع اقل حادثة او خبطة اللحامات ممكن تفك

"
تسلم ياباشا علي الرد والافاده ... جزاك الله خيرا

[Mr_Mindy]

فايدتها الوحيدة انك نشتري من مصر عربية اساسها سليم بس كل امكانيات موتورها وعفشتها وصاجها وتكييفها وكمالياتها وصالونها ف الضياع .... تجيبها بسعر قليل
وتقوم شاري نفس السيارة نصفين استيراد خارج وتاخدها تفضيها ف الهلكانة اللي معاك...
وتشد وتسقط وتعدل وتربيها على ايدك وتركب عربية انت عارف كل مسمار فيها
الشغل ده له مزايا وعيوب
الميزة انه ممكن لناس يكون ممتع جدا وتشوف نتيجة تعبك وصرفك عربية تكون محترمة وعلى قد شغلك وصرفك هتركب
العيوب الوقت والمجهود والمصاريف لان انت عاوز اعلى شغل فبتتعب عشان تعمله صح عند اللي بيفهم..
وعلى فكرة فيه مكسب احيانا ممكن يطلعلك لو صرفت وعدلت اذا بعتها شرط تكون عربية بياعة
وعن معرفة عامة كده
هما اربع عربيات لو سقطت وعدلت فيهم سعرهم مش بيقل بل بيزيد
الاربعة دول
اللانسر
الايبيزا
الجولف
الدايو جولييت
لو ناوي وعند استعداد تخوض التجربة
اللانسر افضل اختيار ببتراضى في شغلها وركوبتها وبيعها ومش هتزعلك
وبتلاقي اللي يقدرها حتى لو كانت عظم ف قفة....

متشكر جدا لرد حضرتك والمعلومات الهائله دي

[جيفارا]

متشكر جدا لرد حضرتك والمعلومات الهائله دي

يا خبر ابيض... وردة حمرا ليا؟؟؟
انت تؤمر يا كبير
بس متخرجش عن الاربعة دول
وانصحك اللانسر والجولييت
ولو اختيار واحد.... اللانسر الكريستالة .. وبس..