مطلوب سياره في حدود 45000 جنية مصري

[moeltaher]

مساء الخير يا شباب
أنا محتاج أشتري عربية مستعملة في حدود 45000 جنية
في الحقيقة أنا بطلب مساعدة في اختيار السيار اللي هشتريها أنا مش أي ماركة بس انا محتاج عربية يتوفر فيها الاتي :
أولا تكون عربية عشفتها كويسة وتستحمل.
ثانيا قطع غيارها تكون متوفرة، بغض النظر عن سعرها حتى لو كانت غالية شوية
ثالثا تكون عربية تعيش معايا مدة طويلة دون الحاجه لتغيرها، طبعا دا انا أكيد هحافظ عليها
رابعا يكون شكلها شبابي وكويس وفيها باور وتكييف

خامسا يكون الفلوس اللي معايا مناسبه ليها

ممكن حد يساعدني وديني اقتراحات بالمبلغ دا؟

[lidosasa]

إنت وقعتنا فى حيرة زيك بالظبط
طيب نقلل الخيارات شوية
يعنى عايز موديل حديث ولا ممكن موديل تسعينات مثلاً
هاتشباك ولا سيدان ولا مش فارقة معاك
هل العربيات الصينى ممكن تدخل فى حساباتك ولا مستبعد الصينى

[moeltaher]

ههههههه اه فعلا حيرة
بص يا معلم، الصيني مستبعد
يفضل العربية تكون هاتشباك لكن مششرط
ويا ريت تكون حديثة طبعا، وممكن أزود ألفين ولا حاجه على الخمسة واربعين
ها قولي ايه ينفع بقى ؟؟ :)

[aboomar22]

متسوبيشى لانسر كريستاله

[aw2100]

خليك فى العربيات الأوروبى عندك الجولف 2 و الأبيزا عربيات مصفحة وعفشة قوية وثبات رهيب وشبابية وافضل من الكورى واليابانى ومبروك على العربية الجديدة !!!

[جيفارا]

متسوبيشى لانسر كريستاله

بلا منازع طبعا

[saddam]

صديقي المواطن
فيكترا 93 أو جولف 2 أم 4 فوانيس مدورة أو مرسيدس معدل 200 موديل 84 أو 230 حتعيش سنين وسنين وعندك كورولا 91 محترمة وعندك مازدا 920 موديل 91 وعندك كريسيدا موديل من 88 وحتى 92 وفيه عربيات كتير عندك نيسان ماكسيما 90 وعندك نيسان ألتيما 91 واﻹختيارات لا نهاية لها وتزود كام ألف وتجيب إسبرانزا 620 عربية خرافية
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[J A G U A R]

كورولا عيون او لانسر كرستاله او نوبيرا

[khaled_rafea]

هوندا سيفك 93 , و الزياده اللى حتتبقى خليهم مصاريف للعربية

[gade2]

بيجو 405

[M_SALLAM]

قفلهم 50 و اركب i10 عربية شبابى جدا و محترمة و هتكون موديل عالى 2008-2009 و بالتوفيق ...