سؤال مهم جدااااااااااااا الحقوني

[eska]

اشتريت عربية انهاردة بتوكيل وده التوكيل التالت الرخصة هتنتهي في 2015 المشكلة بقى ان التوكيل الاول ماكنش فيه" التعامل مع اجراءات المرور" والموظفة في الشهر العقاري قالت مش هيتكتب في التوكيل بتاعي ومكتبتهاش ...هل كده في مشكلة لما اجي ابيع لنفسي بعقد في الشهر العقاري وانقل الرخصة باسمي ...الرخصة تبع مرور السلام وانا مرور الوايلي او القوات المسلحة ياريت تقولولي عشان خايف احتاس
الحاجة التانية هل لازم كل التوكيلات يبقى فيها الختم الصغير اللي فيه ارقام كبيرة ده جنب ختم النسر لان التوكيلين الاول والتاني فيهم واللي عملناه انهاردة مفيهوش

[mido]

هتعرف تبيع و تشترى بس مش هتعرف تجدد الرخصة بالتوكيل و لا تجيب شهادة بيانات معرفش بالنسبة لنيابة المرور ايه النظام
روح بيع لنفسك و خد العقد اطلع على المرور القديم خد منه شهادة مخالفات بعد كده اطلع على مرورك و غير الرخصة باسمك

[eska]

انا خايف معرفش اطلع شهادة المخالفات ولا يرضو يعملوا مطابقة البصمة من الملف...
هل لو بيعت لنفسي بعقد مسجل هينفع اروح بيه مرور السلام اطلب شهادة المخالفات ومطابقة البصمة ولا هيقولو لازم المالك الاول هو اللي يجي

[eska]

ياجماعة حد يقولي انا كده في السليم ولا لازم ادور على المالك الاول للعربية

[aboomar22]

متقلقش قوى كده هتبيع لنفسك بدون اى مشاكل وهتجيب شهادة مخالفات عادى جدا هى بس هتفرق كلمة التعامل مع المرور لو الرخصة لاقدر الله اتسحبت او احتجت تعمل شهادة بيانات ساعتها هتروح تنقل ملكية لنفسك وهتعمل بالعقد كل الاجرائات من نقل ملكية والفحص والمخالفت وكل شيء بعقد البيع اما التجديد او الترخيص فكلمة التعامل مع المرور لا تجيز الترخيص او التجديد لان لازم يكون مكتوب صراحة التجديد والترخيص

[eska]

ربنا يطمنك حمدلله طب ايه الاحسن دلوقتي ابيع لنفسي وانقل الرخصة باسمي ولا افضل كده زي مانا ....في ناس بتقولي لو كده هخسر الباقي في الرخصة وفي ناس بتقولي هتتنقل الفترة دي في الرخصة الجديدة

[aboomar22]

لا مش هتخسر الباقى ولا حاجة هتنقل وتاخد الباقى اللى مدفوع فى الرخصة

[besso33]

لا تقلق حضرتك
اولا ينفع جدا تبيع لنفسك من غير اي مشاكل
ثانيا لما هتنقل ملكية في المرور هتاخد باقي الفترة الموجودة في الضريبة