عرضين اكسنت 2000و2006 ساعدونى فى اختيار الافضل .

[g h a l y]

شباب ،، معروض عليا 2 اكسنت وتقريبا نفس السعر وعليكم الفصل .
#أكسنت2006_موتور1300 رشه بره فابركه جوا ماعدا خبطه بسيطه فى الكبوت الخلفى واتسمكرت - جميع الكماليات - رخصة 3 سنين .
#أكسنت2000_موتور1500 فابريكه برا وجوا مش راشه - زجاج كهربا وباور ( متمونه صح) ومش محتاجة اى مصاريف.
- - - - - - - - - - - - - - - - - - - - - - - - - -
العربيتين بعد المناحية والفصال آخرهم 44000 ،، ايه رأيكم ؟ واخبار الاسعار ايه ؟
ياريت نساعدونى فى الاختيار . . .

[amoor89]

طب ما الاحسن من كل ده لانوس

[lada2010]

انا من راى تجيب 2006 لاسباب منها موديل حديث والتانية رخصة 3 سنوات بس سعر 44 الف كتير اوى

[g h a l y]

طب ما الاحسن من كل ده لانوس

انا من دمياط واللانوس مش متوفره اوى ،، عندنا مفيش اكتر من الاكسنت وسوقها ماشى واقدر اختار على كيفى .

[@Ahmed@]

انا مع amoor

ع ما اعتقد ان الانوس اكيد هتكون احسن من الاكسنت

وفكره انك من دمياط دى عادى انتا ممكن تشوف من ع النت وتنزل تخلص لو فى اى بلد جمبكوا او حتى القاهرة

بس يكون معاك حد يكشفلك عليها دة لو انتا حابب الانوس

[M.FOUAD]

الاثنين غاليين شوف فيرنا 2004 بنفس السعر و هيبقى فيها كمالييات اكثر و 1600

[g h a l y]

الاثنين غاليين شوف فيرنا 2004 بنفس السعر و هيبقى فيها كمالييات اكثر و 1600

عشان تجيب فيرنا نضيفه هاتبدأ من 48000 وتخش على الخمسينات .
والفيرنا غير مستحبه على الطرق السريعه للعيب اللى كلنا عارفينه ان ماتورها اقوى من جسم العربية .
المعيار أثناء الشراء هو حالة العربية حتى لو زادت الف ولا اتنين .

[srm]

الاهم حاله العربيه بغض النظر عن الموديل ....يعنى لو موديل 2000 احسن من 2006 فى الحاله العامه ....توكل على الله واشتريها

[mostafagaber]

انا مع الرائي السائد ان العربيه الاحدث احسن بس الاكسنت ال1500 احسن ده اولا وثانيا الرائي في الاخر ليك يعني ممكن يكون ال2006 ىصاحبها مكنش بيحافظ عليها وهاينها وال2000 محافظ عليها يبئي توكل علي الله وخد الحاله الافضل مع وضع رائيي في السعر جانبا