أستفسار عن معرض النور للتقسيط المستعمل

[Mohamed.Yahia]

السلام عليكم

أنا شوفت على الفيسبوك معرض النور لتقسيط المستعمل و كنت عايز أسأل علية لو في حد يعرفهم ياريت يقول لنا علشان نستفيد هل هم ناس محترمين و لا في عنهم مشاكل اللينك اهو

https://www.facebook.com/pages/El-NOUR-Motorsused-CARS/211287945672658

انا بصراحة شايف عندهم عروض كويسة. ياريت أسمع رأي الخبراء فيهم و في أسعارهم.

عندي كمان أستفسار

أنا أصلا من بورسعيد و سمعت كتير عن ناس أشتروا عربيات من القاهرة من ناس او معارض و لما راحوا يرخصوا العربية في المرور تم الكشف على أن السيارة مسروقة و طبعا تم مصادرة السيارة و راحت الفلوس اللي دفعوها علشان يخرجو من القضية السؤال هنا ازاي أتأكد ان العربية مش مسروقة و ورقها سليم و مافيش فية أي تلاعب و دا سؤال عام مش مرتبط بالمعرض دا أو أخر أو أي شخص دا بشكل عام و أرجو المعذرة للأطالة

[mahmoud.69]

معرض معفن ابعد عنهم
انا اتصلت بيهم واتفقت مع الراجل تروح اتفرج علي شيفرولية اوبترا
الراجل قالي موجودة وكده المهم اتفقت معاه علي تاني يوم اتصلت بيه قالي فاتح وتعالي اتفرج المهم ضربت مشوار كبير جدآ
ورحت لقيت عامل بيكنس الشبه معرض وهو مش معرض اصﻵ ده جايب يفطة ومعلقها علي بوابه عمارة شكلهم كده مش مريح
المهم وصلت بعد عناء فين ياحج الاوبترا للعامل قالي اتباعت امبارح امال الي كنت بكلمة من امبارح بيقولي موجودة ليه؟
قالي اصلة شريك في المعرض وهو سعات بيجي وسعات لا يعني من الاخر تلي هيشتري منهم حاجة ممكن يلبس في حيط شكلهم شوية حرامية علي نصابين

[insurancebroke]

اي عربية عاوز تشتريها خد صورة رخصتها وروح المرور بتاعها اسال عليها
وشوف اتباعت قبل كده كام مرة وهات كل حاجه عنها

[Mohamed.Yahia]

أشكركم للرد على الأستفسار :)

[mxz911]

متابع وهل فى معارض تانيه زيها