البيع و الشراء بتوكيل رسمى عام

[islamawe]

ياريت حد يفيدنى علشان انا بشترى عربيه
صاحب السياره عامل توكيل رسمى عام لوالده
و والده باع بالتوكيل الرسمى العام لشخص اخر
و انا ان شاء الله هشترى من الشخص الاخر

و طبعا كده يوجد توكيلين
الاول الرسمى العام و ده بيقولولى انى هاخد صورته بس ينفع الكلام ده ؟؟
التانى التوكيل الخاص العادى فى بيع سياره زى اللى كلنا بنبيع و بشترى بيه

هل فعلا يكتفى بصوره التوكيل الرسمى العام ولا انا لازم اخد الاصل ولا ايه الحكايه ؟؟؟؟

[Mohyeldin1974]

والله انا تقريبا فى نفس موقفك مع اختلافات بسيطه
انا اشتريت من واحد واضطر يسافر قبل ما اهلص معاه فعمل توكيل لوالده بس نسى يكتب حاجه فى التوكيل تخليه يبيع للغير يعنى مسموحله يليع لنفسه بس ، وانا دفعتله الفلوس فراح عملى توكيل بس انا كده برده يعتبر مشترتش رسمى راح الراجل سايبلى اصل التوكيل العام معايا كضمان لحين عودده ابنه من السفر ويبعلى او يوكلنى رسمى
فى الحاله بتاعتك يفضل اللى هتشترى منه يكون مسجل العربيه باسمه والرخصه تكون باسمه عشان تلغى صله المالك الاول وبعد كده يبعلك او يوكلك ، ومصاريف التسجيل تتفاوضوا سوا عليها،واللهاعلم

[islamawe]

للاسف العربيه مع تاجر حاليا يعنى مش هيصرف جنيه ولا هينقلها باسمه

[muhmado_furp]

توكيل رسمي عام بكل الممتلكات يبقي تاخد صوره مفيش مشكلة
لو توكيل رسمي عام بس يخص المركبات الي باسم الراجل يبقي لازم تاخد الاصل
وعموما متغلبش نفسك مشوار للشهر العقاري يقولك الصح
بس كلامي ليك عن تجربه

[ahmednabeel]

انا لسه مشتري عربيه من استاذ محترم جدا

ويوم التنفيذ المدام بتاعته هي اللي جت معايا الشهر العقاري

وباعت لي العربية بتوكيل عام رسمي من الاستاذ وليد زوجها ليها

واخدت صورة من التوكيل مرفقه مع التوكيل اللي كلنا بنعمله في البيع والشراء اللي حضرتك قالت عليه

وانا قالت بما ان العربيه رخصتها فيها سنتين امشي بالتوكيلات

اللجان المرورية بيوقفوني

الرخص بديله رخصة العربية والتوكيل والصورة بتلعت التوكيل العلم

اتفضل يا باشا شكرا وبعدي من غير ولا كلمة



متقلقش من موضوع التوكيلات بس انت كده كده هتسجل لان مش هينفع تبيع بتوكيل تالت منك

ومبروك مقدما يارب اكون قدرت افيدك