سوق السيارات ده فين؟؟؟؟

[goodwave]

السلام عليكم
والله انا مازلت في رحلة البحث عن سيارة معقولة لي وللاسرة ولسة لم اجد شئ مناسب! جربت اعلانات الوسيط ودخت وطلع عيني مواصلات ومشاوير واللي يقولي حالة ممتازة جدا وحالة فابريكة واروح الاقي مشرحة! واللي يطلب اسعار خيالية استنادا لما يراة في الاعلانات بغض النظر عن حالة السيارة الخ الخ.....

بصراحة تعبت ادور والف وبعدين اجيب حد عندة خبرة يبص على العربية وبعدين يطلع فيها حاجة والبيعة ما تتمش!

المهم انا فعلا محتاج عربية وتعبت من اللف مع الوسيط! فقلت لنفسي طب ماتروح سوق السيارات اللي في القاهرة اللي الاخوة الاعضاء بيتكلموا علية!؟ لعل الله يجعل بعد عسر يسرا ويوفقني.

بس انا طالب من الاخوة الاعضاء يدلوني على مكان سوق السيارات ده فين وميعادة امتى؟ اية الي اعمله؟ اخد معايا فلوسي كلها ولا اية؟ هل بيكون هناك حاجات لقطة وناس ولاد حلال ولا كلة تجار ونصب زي السوق اللي عندنا في اسكندرية؟؟؟

يا ترى اطمع في ان حد من الاعضاء اصحاب الخبرة في هذا السوق يقابلني (لو هو اساسا رايح) واهو بردة يدلني في البلد الغريب اللي انا رايحه معلش اصل انا اخري اسكندرية
:lol:

انا اخري 38000 وبدور على بولو او فليشيا او ابيزا بس حالة ممتازة علشان مش حمل مصاريف تانية فوق اللي حدفعه!

وشكرا وياريت ما تبخلوش عليا بالرد

goodwave

[إسلام شاهين]

عزيزي الفاضل :-
سوق العاشر في مدينة نصر الحي العاشر بيكون يوم الجمعه كل أسبوع ، بيكون فيه عربيات كثيره منها تجار ومنها ناس عاديه بس لازم يكون معاك حد بيفهم كويس قوي وخد العربية واطلع على البنزينة اللي في آخر عباس العقاد ( زيادة تأكيد ) بيكشفوا على العربية هناك كويس ، بالنسبة لموضوع فلوسك كلها ديه لأ طبعا هتاخد معاك عربون بس لحد ما يتم تسجيل السيارة بعقد بيع .
وتقبل تحياتي .

[memo_hefnawy]

ذى ما قالك إسلام بيك :) بس أحب أضيف إن السوق مش هاتلاقى فيه الأسعار كويسه لأن أغلبهم تجار أو ناس واهمانه فى السعر فممكن تروح بس متحطش أمل كبير أوى يعنى

و عن الفلوس الفلوس بتدفع كامله فى الشهر العقارى أثناء التسجيل يعنى و هو بيسجل الموظف هايقوله أخدت فلوسك تقوم إنت مديله الفلوس و تاخد العقد فلو هاتسجل فى نفس اليوم عشان المشوار خد الفلوس بس بتعربن الأول ب 3 -5 ألاف جنيه و الباقى وقت التسجيل و بتروحوا سوا

و طبعا تاخد معاك حد بيفهم فى العربيات يفضل سمكرى واعى و بعد ما يأكدلك إن الشاسيه و العربية سليمه إكشف عليها فى محطة بنزين زى ما إسلام قالك فى أول عباس

[شريف]

عايز اضيف كمان ان السوق شغال يوم الاحد من كل اسبوع و البيع الاحد احسن من الجمعة كمان
بس بلاش تروح بنزينة جنب السوق لانك لو اشتريت من تاجر ممكن يكون مظبط مع العامل فى البنزينة
ممكن تروح بنزينة كالتكس اللى فى مساكن شيراتون (مش يعيدة 15 دقيقة بالكتير بالعربية)
وهما هيرفعو العربية و يشوفو كبس الموتور
و خلى بالك الف قلبة ولا غلبة ومتتغرش بالعربيات اللى سعرها اقل من السوق لان الفرق هتدفعة تصليح فيها
وربنل يوفقك وتلاقى حاجة كويسة.

[Nader]

السوق شغال يوم الجمعة والاحد كمان

[goodwave]

شكرا على التعاون والردود السريعة
الحمد لله اشتريت بولو 99 النهاردة

وشكرا

[gmgoom]

انا لسه قاري الموضوع وكنت عاوز ارد عليه بس ما لحقتش
عالعموم يا ياشا الف مبروك عاعربية وربنا يباركلك فيها ويكفيك شرها

[memoo_1st]

يا باشا الف مبروك عليك العربيه وربنا يباركلك فيها
لو ممكن حضرتك تقولنا سعرها و حالتها و كدا علشان انا واحد صاحبي عاوز يجيب واحده زيها انشاء الله

والف مبروك مره تانيه لحضرتك

[محمدايهاب]

ألف مبروك على العربية بس ممكن أعرف من حضرتك اشترتها بكام و عاملة كام ألف و أيه مواصفاتها

[mkah21]

الف الف مبروك
ربنا يديك خيرها ويكفيك شرها

[mkah21]

الف الف مبروك
ربنا يديك خيرها ويكفيك شرها

[exelence]

موضوع فات عليه 6 سنين لا افهم الداعى لرفعه مرة أخرى