سؤال ضروري جدا بخصوص 127

[omarsaied123]

معلش يا جدعان ضروري , الإيام الحالية دي
لو قدامي 127 توب ألماني مو 79 أول إيد !!!!! يعنى أنا اللى هبقا تاني إيه عليها ؟؟ آخدها على كام ؟
ولو عايز أشتريها من السوق بحيث نفس المواصفات بس تكون حالتها طبعا كويسة جدا مفضلش بايت عند ميكانيكية , تبقا بكام ؟؟
شكرا

[hugan]

المهم الحاله
مش اول يد وتاني يد

[omarsaied123]

لأ اللى قدامي دي حالتها فوق الممتاز !! آخدها على كام ؟؟
ولو حبيت أجيب حاجة من برا برده حالتها زيها بحيث اني نادرا لو حبيت أعمل زي ريفيرش للعربيه مش أكتر
مش عايز أبيت عنك ميكانيكي :d :d
لو فيه حالة كده أخدها على كام ؟

[hugan]

لأ اللى قدامي دي حالتها فوق الممتاز !! آخدها على كام ؟؟
ولو حبيت أجيب حاجة من برا برده حالتها زيها بحيث اني نادرا لو حبيت أعمل زي ريفيرش للعربيه مش أكتر
مش عايز أبيت عنك ميكانيكي :d :d
لو فيه حالة كده أخدها على كام ؟

التوب لو رايقه قوي
ومافيها ش شغل
وان كنت اظن ان مفيش عربيه قديمه مافيهاش شغل
مش هاتزيد عن 10

[eng محمد]

لو ايه وان وعالشعرة اخرها 12ونص او 13
اكتر من كدا يبقى احسن منها ال128 بحالة ممتازة وخلىبالك لانك لما تيجى تبيعتها تبيعها اقل من كدا

[amr011111]

اى عربيه قديمه حتى لو حالتها حلوه بتصرف كتير لانك طول ما انت ماشى بتبقى فاتحه بقها
لو تقدر تدفع الـ10 دول
فى مقدمه عربيه زيرو ولتكن ماروتى او التو
وتقسط الباقى يبقى كويس
لان القسط هيبقى هوه مصروف العربيه القديمه الشهرى عند الميكانيكى والكهربائى و ...و...
مكانش يبقى هات عربيه حالتها كويسه واتعلم فيها لحد ما تجيب حاجه احدث

[S O P H O S]

ما تشوفلك حاجة 84 + فيورا ويا سلام لو سيات
عربية ممتازة

[omarsaied123]

اانا الفكرة كلها نفسي ف توب شكلها شبابي جدا وف السعر المتناول يعنى قصدي