لانسر 2005 اتوماتيك 1300 cc

[travel]

السلام عليكم ورحمة الله
قدامى عربية لانسر 2005 اتوماتيك 1300 سى سى فبريكة بره وجوه ما عدا الاكصدامين وفيها رخصة سنتين
صاحبها بيتكلم فى 77 الف
عايز اعرف سعرها فى حدود كام
ــــــــــــــــــــــــــــــــــــــ
كمان فى عربية تانية لانسر 2007 كاملة مانيوال 1300 سى سى فبريكة بره وجوه ما عدا الاكصدامين ورفرف
صاحبها بيتكلم فى 75 الف
عايز اعرف سعرها فى حدود كام

[mahmoud_ali]

لو العربيتين حالتهم كويسه وانت كشفت عليهم كويس يبقى تاخد ال 2007 المانويل لان ال 1300 سى سى مع الاوتوماتيك مع التكييف اداء العربيه مش هيبقى مرضى ليك

[travel]

شكرا لك
بالنسبة لتسعيرهم هل تقدر تفيدنى

[mahmoud_ali]

والله العربيتين مش يسوا السعر ده بس هوا ده السوق المصرى بس فى حالتك دى ال 2007 سعرها معقول

[travel]

شكرا لك على النصيحة
سألت بعض التجار سعروا المانيوال ب 70 الف جنيه
وسعروا الاتوماتيك ب 70 الى 72 الف جنيه

[mahmoud_ali]

متاخدش كلمه من تاجر انت شوف ميكانيكى ثقه وسمكرى ثقه واطلع شوف العربيتين وهما هيقرروا بكام لان ممكن اى واحده فيهم تكون فيها شغل وهتكلفك

[S O P H O S]

العربيات دي ماشية قد ايه
وهل متأكد انهم تمام وحالة نظيفة

[J A G U A R]

الاسعار عاليه

الاتنين مش اكتر من 70 الف لكل واحده

[Mohamed_89]

يا أستاذ إحنا في بلد كل واحد ماشي بمزاجه مفيش قوانين ولا اصول لحاجة للأسف


مبدايا انا من سنتين بايع لانسر 2005 اوتو 1300 سي سي فابريكة بالكامل ما عدا الاكصدامين كانت عملة 70000 كيلو بعتها ب 68500 الف جنيه المفروض العربيات بترخص كل ما يعدي علي الموديل بتاعها سنه

عيب ال 1300 مع التكييف و انت محمل السحب بيكون ضعيف

أهم حاجه في العربيات الحديثة تكشف في التوكيل متتنازلش عن كده وتتأكد ان المالك صياناته في التوكيل

وربنا يوفقك لحاجة كويسه

[travel]

المانيوال ماشية 157 الف
مفيهاش بويه غير فى الاكصدامين والرفرف
صاحبها ايده فيها على طول ولسه مظبط العفشة
والرخصة هتتجدد ب 3 سنوات هو اللى هيتحملهم
وانا شبه انهيت فيها على 70 الف
رأيكم كده ايه

[J A G U A R]

كده معقول

شوف برضه رأي باقى الاعضاء