نصيحه فى شراء سياره

[fido2121]

السلام عليكم ورحمه الله وبركاته

بصو يا جماعه انا فى حيرا شديده
اولا دى اول عربيه هشتريها واول عربيه هسوقها
انا معايا مبلغ 50 الف وطبعا المبلع دا يخلينى اشترى مستعمل
وصلت ان اشترى يا دايو لانوس او شفروليه لانوس او فيرنا
ابتديت ادور على كل المواقع للشراء لقيت الهربيه المحترمه فى كل هذه الفئات عشان نشتريها مش هيقل عن 60 الف .. عشان مصرفش عليها بعد الشراء .. والمبلغ الى معايا 50 ممكن اوصله الل 55
الكل نصحنى وقلى الى هيخليك تشترى عربيه بالمبلغ دا زز اشترى جديد ورايح نفسك ومعاك ضمان ومعاك تأمين .. وانت جديد فالسواقه بصراحه الكلام اقنعنى واخويا كمان رببنا يباركله قالى هذودلك المبله وابقى قسطهم براحتك بدل فايده التقسيط
المهم جيت ادور على الجديد لقيت الااغلب بيجمع على الجيلى امجراند والباقى بيقولى بلاش وهات فرنا
انا بصراحه محتار من وخايف من الصينى بس بضه الفيرنا والشيفروليه مفهمش اوبشنس انا اصحابى معاهم الجيلى والفرنا وكل واجد بيشكر فعربيته ياريت نصحيه انا مبقتش عارف اعمل ايه
انا مردتش اكتب الموضوع فالمنتدى الصينى عشام ميبقاش فى توجه للصينى

من كثر حيرتى قلت اشترى مستعمل وامرى لله ويبقى حتى مدينتدش

اسف للاطاله
واتمنى النصيحه

[engahmed29]

ابعد عن الصينى و غنيله

[ahmed_moeaz]

ابعد عن المستعمل السوق كله غش ونصب ، الجديد يستاهل كل جنيه فيه

[Mohamed Saber]

خليك فى المضمون والفيرنا مش وحشه

[Omar Mahmoud]

الجديد طبعا احسن
يكفي إن في ضمان و تأمين ضد الحوادث لا قدر الله
الإمجراند ب84400 و 85400 و بالمبلغ ده تقدر تشتري نيو لوجان فئة تانية

[georgedada82]

اللوجان الجديدة انا ارشحها لحضرتك عربية محترمة وعفشة وموتور اللوجان القديمة واثبتت كفاءة فعلا

[J A G U A R]

جديد لوجان

ولو قدامك حاجه استعمال نظيفه ومضمونه يبقى فيرنا

[hesham fawzy h]

ابعد عن الصينى

لو قدامك لانوس او فيرنا مستعملة حالتها كويسة جدا خدها (و الاحسن تكون شاريها من واحد ثقة )

طبعا الجدييييد افضل من المستعمل ، رأى ابعد عن اللوجان واشترى لانوس او فيرنا فى الجديييييد

نصيحة : بما انها اول عربية ليييك ولسا هتتعلم هتلك لانوس او فيرنا مستعمل وانا افضل اللانوس لان صاجها انشف من الفيرنا بس شوفلك حالة كويسة ( المبلغ الى معاك مش قليل)

و بالتوفييييق

[hesham fawzy h]

الرجالة الى رشحت لوجان

اييييية نظام قطع غيارها

[ahmedfouad]

الرجالة الى رشحت لوجان

اييييية نظام قطع غيارها

لوجاااان القديمة اوتو او الجديدة مانوال
وكل حاجتها موجودة وهتدعيلى
كفاية التوكيل المحترم
مش زى التوكيلات اللى بتفك الحاجات السليمة
اللى عندك تجامل بيها!!

[fido2121]

اولا متشكر ليكو جدا .. الشىء الى عجبنى انى لما بعدت على منتدى الصيينى .. الكل رفض الصينى
الغريب ان الى بيركب الصينى .. مقتنع بشده ليها وخصوصا الجيلى
كدا انا هفكر فاللانوس جديده او استنى الاقى حاجه كويسه من حد معرفه

[S O P H O S]

عاوز زيرو ممكن لوجان

[hhhhhm]

أنصحك بالزيرو والغالى رخيص