عايز اشترى عربيه ضرورى

[fares_mbc]

عايز اشترى عربيه ومعايا من 30000 الى 35000 ومش عارف اجيب ايه ومش معايا غيرهم ومحتاج مساعدتكم وارائكم القيمة انا بثق فيكم جدااااااااااااااا وفى خبرتكم مع العلم انى مش هاقدر اصرف عليها قبل سنه علشان دول كل الفلوس اللى معاى
وتكون عائليه وتستحمل السفر اانا بسافر 4 مرات في الشهر وموفره في البنزبن
معلش عارف انى تقلت عليكم

[fido2121]

كملهم ل 40 وهات كيا سيفيا او دايو لاانس 1
بالتوفيق ان شاء الله

[fares_mbc]

اشكرك جدا على الرد والاهتمام بس انا ممكن اكملهم 37 بالعافيه لكن 40 صعب اوى

[ENG.MaRk]

-هيونداي اكسيل ... لو عرفت توصل ل 37000 يبقي كده هتجيب حالة محترمة جدا
-ممكن سكودا فليشيا
-ممكن تحط المبلغ ده مقدم زيرو في حدود 82000 زي جيلي امجراند مثلا و تقسط الباقي علي 5 سنين و هيبقي القسط في حدود 900 جنيه

[ahmed.magdy]

بص نصيحة خليك مع الدايو لانوس هتكون حالتها معقولة و فيها تكيف و تستحمل السفر ، اهم حاجة اهتم بالعربية مثلا غيار زيت الموتور في معاده و دايما و انت ماشي عينك على عداد الحرارة خصوصا ان موتور الدايو محتاج شوية اهتمام عشان يعيش معاك

[fares_mbc]

اولا ..... اشكركم اوى اووووووووووووووووووووووووى على اهتمامكم وردودكم
ثانيا ..... بالنسبه لموضوع الزيرو ده صعب اوى لأأنى مابحبش ازنق نفسى
اما بخصوص هيونداى اكسنت هيا مشكلتها معاى انها واطيه والمطبات في طنطا مطبات غبيه اوى
كانك طالع رصيف مش بتاخد مطب يعنى مع حمولتها القصوى ممكن الاقيها على الارض محتار اوى
ومش عارف ايه اللى خلى الأسعار تضرب اوى كده وممكن المبلغ ده يجيب لانوس كويسه .
واشكركم

[J A G U A R]

تيمبرا

[Delta Force]

أنا فى نفس المصيبة
و الفلوس كل يوم بتتصرف اكتر على المواصلات
دول العربيات الى وصلت سعرهم من 30 ألف جنيه إلى 33 ألف جنيه
بص انا اخر ما توصلت اليه انه ممكن فيات سيينا و رينو كليو و رينو ميجان 99 و بروتون ويرا 2000 و سيات كوردوبا من 1996 إلى 2000و هوندا سيفيك si و فيات برافو 2001
لكن الكارثة اننا عملت مواضيع بطلب فيها العربيات دى رغم انها كانت من شهرين اعلاناتها مليانه المنتدى و المواقع
و حاليا مفيش حد عايز يبيع ولا ايه بالظبط

[محمد عونى]

والله زى اللى بيحصل معايا مكنتش ناوى وكان فية عربيات على قفا من يشيل واما جمعت مبلغ ا

أنا فى نفس المصيبة
و الفلوس كل يوم بتتصرف اكتر على المواصلات
دول العربيات الى وصلت سعرهم من 30 ألف جنيه إلى 33 ألف جنيه
بص انا اخر ما توصلت اليه انه ممكن فيات سيينا و رينو كليو و رينو ميجان 99 و بروتون ويرا 2000 و سيات كوردوبا من 1996 إلى 2000و هوندا سيفيك si و فيات برافو 2001
لكن الكارثة اننا عملت مواضيع بطلب فيها العربيات دى رغم انها كانت من شهرين اعلاناتها مليانه المنتدى و المواقع
و حاليا مفيش حد عايز يبيع ولا ايه بالظبط

[SadSoul]

والله نصيحة اخ انا كان عندى عربية اونو وبعتها وهية عربية جميلة وتقريبا مش بتاخد بنزين اصلا
وقطع غيار متوفرة وسعرها من 25 ال 30
واكيد انت صاحب القرار الانوس مصاريفة بالنسبة ليك كتير

[fares_mbc]

اشكركم جدااااااااااااا
بس المشكلة الفلوس عمالة بتنقص وبيتصرف منها زمش لاقى حاجه تشدنى اشتريها
والمشكلة الاكبر انى خايف اجيب حاجة تخرب بيتى لانى مابعرفش في العربيات والمبلغ دة شقى عمرى
انا محتار
محدش خبير يقولنا المتوقع الأسعار تنزل ولا ايه ولا هاتنيها كده تولع
انا تعبت