استفسار بخصوص شراء ومحتار

[dragon1]

بسم الله الرحمن الرحيم

بعد التحيه :

انا طبعا لسه بسوق جديد وملوماتي عن العربيات ضعيفه حابب اشتري عربيه ادرب عليها سنه او اتنين وبعدين ابعها واجيب حاجه جديده لاني اكيد هبهدلها الميزانيه 45 الف هتعلم على الاوتومتيك لاني مش

حابب موضوع المانويل ده اتعرض عليا كيا شوما اوتومتك وهونداي ورينو بصراحه مش عارف اختار ايه المعلوماتي فقلت اخوتنا هنا مش هيقصروا معايا اجيب ايه احسن يا ريت يكون اسم معروف وعربيه عاليه

تاخد مطبات متتبهدلشي وموديل يكون حديث مش قديم اوي واسف على الاطاله عشمي فيكم كبير

[S O P H O S]

فكرت فالكورولا عيون

[dragon1]

دحنا حلوين وبنقلش اهو بس الاحلى لو تقول جمله مفيده ولا ايه انا طلب عربية مستعمله ولما بقول حديثه مش يعني موديل السنه يا خفيف

[J A G U A R]

زود وشوف كورولا عيون

[dragon1]

دي اول عربية هركبها وهتتبهدل منى هجيب عربية سنه ولا اتنين وبعدين هبيعها واجيب عربيه محترمه انشاء الله بس دلوقتي اجيب حاجه في حدود 45 وتكون اتومتك كمان الكرولا هتلاقيها عاليه دلوقتي ولا قريبه من 45

[J A G U A R]

المبلغ هايزيد 7 كمان

[dragon1]

طيب هيكون موديل كام لوسمحت

[hesham fawzy h]

كرولا 98

زود المبلغ الى معاك و مش هتندم ان شاء الله

عربية بعربيات كتير جديدة

[hesham fawzy h]

انا معايا المانوال منها عربية حلوة جدا

[J A G U A R]

هاتبقى 98

[dragon1]

انا سالت العربيه تمام بس قديمه اوي يا جماعه الشكل ده طلع عليه حجات كتير يا ريت لو في حاجه شكل حديث شويه سمعت عن الهوندا سيفك او الرينو الجديده سعرها منافس برده ولا رايكم ايه

[J A G U A R]

فى مانع تركب مانيوال ..
ولا لازم اوتوماتيك ..

[dragon1]

اوتومتك يا غالي

[J A G U A R]

السيفيك هاتبقى قديمه برضه وهاتبقى اكتر من كده واللوجان اكتر من كده برضه

ممكن فيرنا 2004 اوتوماتيك ومفيش حد اشتكى من الفتيس بتاعها وفى اى وقت عاوز تبيعها هاتتباع

[dragon1]

طيب يا لوسمحت سمعت عن الكيا شوما ايه رايك فيها