المساعده فى شراء عربيه جديده ومعايا بالكتير من 30 الى 35 الف

[هاله محمود]

مجبتش لحد دلوقتى توك توك حتى
البوينتر دى دهبى صح ؟
شكلها حلو بس اخبار قطع غيارها لازم تتاكدى منها فى قسم فولكس فاجن

ايوة الدهبي وقطع غيارها بيقولو متوفره ف كام مكان وانها ف سعر قطع الغيار الكوري العادي انما في ناس بيقولو هي حلوة ف كل حاجه لكن الصاج بتاعها زي الصيني بالظبط
الواحد ينزل يشتري اي حاجه وخلاص بقا

[Delta Force]

ايوة الدهبي وقطع غيارها بيقولو متوفره ف كام مكان وانها ف سعر قطع الغيار الكوري العادي انما في ناس بيقولو هي حلوة ف كل حاجه لكن الصاج بتاعها زي الصيني بالظبط
الواحد ينزل يشتري اي حاجه وخلاص بقا

اوعى تعملى كدة و تشترى اى حاجه
انا واحد من الناس مش عايز اعمل كدة لان انا مش هغيرها الا بعد عشر سنين مثلا
و شكلك نفس حالتى فبلاش تستسلمى و اعملى زيى
دورى و دورى و دورى لحد ما هتاخدى خبرة لما تجيبى حاجه ساعتها هتبقى كويسه

[هاله محمود]

في عربيه فولكس فاجن باراتي بتتباع رخيصه اوي!! وهي عربيه كبيره وواسعه يعني في واحد كان عارضها ب 39000 وفي منها ب 40000 مع انها كبيييره حد عنده فكره عنها

[م.أحمد الدسوقي]

امبارح بقا لقيت على دوبيزل ده فولكس بوينتر 2006 وب34000 وصورها تدل انها عربيه كويسه لكن طبعا ممكن الشكل يكون حاجه والعربيه من جوا حاجه تانيه خالص
حد عنده فكره عن فولكس بوينتر دي

كويس انك فتحتي الموضوع هنا قبل ما تتدبسي

بصي يا سيتي في قواعد مجتمعيه لا تخالف وتحديدا في مصر لانها فقيره نسبيا والمعاملات بين الاشخاص في الاسواق حاده شويه

وبيزودها بله ان العربيه سلعه كماليه فبيكون البياع او السمسار او المتطفل علي السوق طمعان في مكسب اكبر حتي لو حينهش في لحم اللي بيبع له.

وفي موقفك ده اقولك لو كان فيها الخير ما كان رماها الطير ..... قولي ورايا مكنش رماها ميييييييييين..............

شاطرة

العربيه دي حتمرمطك بكل ماتعني المرمطه من معني

العربيات دي وبعض البولو فيهم مشاكل معقده نظرا لانها الماني وعفا عليها الزمن ومش متاحه قطع غيارها وعيوبها سعات بتغلب الكل والمحترفين ساعات

وليها عيوم مريره ممكن تخلي صاحبها بيدور علي حد مش فاهم حاجه عاوز يركب عربيه ويلبسه فيها ويطلع بأي قرشين

كمان العربيه دي بطه بلدي بطيئه جدا والمحرك بتاعها متحف لوحده ومنجحتش اصلا في المانيا

والله حتندمي والله الشكل مش كل حاجه

الماروتي نعمه والله نعمه بس للي يفهم

[هاله محمود]

كويس انك فتحتي الموضوع هنا قبل ما تتدبسي

بصي يا سيتي في قواعد مجتمعيه لا تخالف وتحديدا في مصر لانها فقيره نسبيا والمعاملات بين الاشخاص في الاسواق حاده شويه

وبيزودها بله ان العربيه سلعه كماليه فبيكون البياع او السمسار او المتطفل علي السوق طمعان في مكسب اكبر حتي لو حينهش في لحم اللي بيبع له.

وفي موقفك ده اقولك لو كان فيها الخير ما كان رماها الطير ..... قولي ورايا مكنش رماها ميييييييييين..............

شاطرة

العربيه دي حتمرمطك بكل ماتعني المرمطه من معني

العربيات دي وبعض البولو فيهم مشاكل معقده نظرا لانها الماني وعفا عليها الزمن ومش متاحه قطع غيارها وعيوبها سعات بتغلب الكل والمحترفين ساعات

وليها عيوم مريره ممكن تخلي صاحبها بيدور علي حد مش فاهم حاجه عاوز يركب عربيه ويلبسه فيها ويطلع بأي قرشين

كمان العربيه دي بطه بلدي بطيئه جدا والمحرك بتاعها متحف لوحده ومنجحتش اصلا في المانيا

والله حتندمي والله الشكل مش كل حاجه

الماروتي نعمه والله نعمه بس للي يفهم

الماروتي دي كانت مع صاحبتي وادام عيني كنت بشوف الي بيحصلها منها والاعطال الي كل كام يوم رغم انها اول ايد ليها ولما نطلع مطلع بنبقى بنعافر كانت موتوسيكل بمعنى الكلمه
بس لولا اختلاف الازواق لبارت السلع :)

[shiko85]

الماروتي دي كانت مع صاحبتي وادام عيني كنت بشوف الي بيحصلها منها والاعطال الي كل كام يوم رغم انها اول ايد ليها ولما نطلع مطلع بنبقى بنعافر كانت موتوسيكل بمعنى الكلمه
بس لولا اختلاف الازواق لبارت السلع :)

ممكن تكون كانت بتهمل فالصيانه

[fepsceasar]

ستروين زد اكس او اكسارا، المهم الكشف عليها كويس
لو حضرتك من القاهرة مش هتبقى مشكلة فى الصيانة وقطع الغيار

[هاله محمود]

ستروين زد اكس او اكسارا، المهم الكشف عليها كويس
لو حضرتك من القاهرة مش هتبقى مشكلة فى الصيانة وقطع الغيار

فعلا اسعارها رخيصه وموديلاتها قريبه
الف شكر

[أحمد جودة]

بصي حضرتك علشان متحيريش نفسك على ما اعتقد دي أول عربية ليكي يعني لو حتي بتعرفي تسوقي يبقي لسة هتكملي تعليم السواقة على عربيتك

يبقي انتي محتاجة عربية ناشفة وصاجها متين علشان لسة هتاخدي خبرة أنا كنت فى نفس حيرتك وعملت مقارنات كتير وكانت لصالح الفليشيا

وبعدين حضرتك لما تشتري العربية هتفضل معاكي زمن طويل ولا مجرد ماتتمكني من السواقة هتجيبي حاجة احسن لو العربية هتفضل معاكي فترة طويلة خدي راحتك فى التفكير انما لو هتغيري على طول يبقي اى حاجة تفي بالغرض وأقترح عليكي بعض العربيات بالترتيب على حسب الاهمية

+++ الفليشيا ( عربية جامدة صاج متين ينفع لمناورة التكاتك والميكروباصات ) بس تقيلة شوية
+++ فيات أونو ( عربية شبابي وناعمة وسريعة ) ودي معرفش عيوبها بصراحة
+++ الاكسيل ( عربية ناعمة ومكيفة وسحبها كويس ) بس خفيفة على الطريق وصاجها خفيف
+++ الاسبرانزا ( عربية شياكة وباور وتكييف ) بس صيني ومتستحملش مطبين على بعض
+++ كيا برايد ( عربية بردو شكل كويس بس معنديش معلومات كتير عنها )
+++ سوزوكي ماروتي (( توكتوك متقفل سقف ))

حددي لنفسك موديل أو 2 بالكتير وفكري فيهم كويس وبالتوفيق إن شاء الله

[هاله محمود]

بصي حضرتك علشان متحيريش نفسك على ما اعتقد دي أول عربية ليكي يعني لو حتي بتعرفي تسوقي يبقي لسة هتكملي تعليم السواقة على عربيتك

يبقي انتي محتاجة عربية ناشفة وصاجها متين علشان لسة هتاخدي خبرة أنا كنت فى نفس حيرتك وعملت مقارنات كتير وكانت لصالح الفليشيا

وبعدين حضرتك لما تشتري العربية هتفضل معاكي زمن طويل ولا مجرد ماتتمكني من السواقة هتجيبي حاجة احسن لو العربية هتفضل معاكي فترة طويلة خدي راحتك فى التفكير انما لو هتغيري على طول يبقي اى حاجة تفي بالغرض وأقترح عليكي بعض العربيات بالترتيب على حسب الاهمية

+++ الفليشيا ( عربية جامدة صاج متين ينفع لمناورة التكاتك والميكروباصات ) بس تقيلة شوية
+++ فيات أونو ( عربية شبابي وناعمة وسريعة ) ودي معرفش عيوبها بصراحة
+++ الاكسيل ( عربية ناعمة ومكيفة وسحبها كويس ) بس خفيفة على الطريق وصاجها خفيف
+++ الاسبرانزا ( عربية شياكة وباور وتكييف ) بس صيني ومتستحملش مطبين على بعض
+++ كيا برايد ( عربية بردو شكل كويس بس معنديش معلومات كتير عنها )
+++ سوزوكي ماروتي (( توكتوك متقفل سقف ))

حددي لنفسك موديل أو 2 بالكتير وفكري فيهم كويس وبالتوفيق إن شاء الله

والله يا أستاذ احمد انت جبت تقريبا العربيات الي ف دماغي باستثناء السكودا والماروتي وكنت استقريت يا على أونو يا على بونتو والعربيه هتفضل معايا شوية كام سنة على ما أغيرها إن شاء الله ولكن في حاجة دلوقتي ان رجلي الشمال اتبهدلت من الدبرياج وكل الناس قالتلي الاوتوماتيك اريح فهل في حاجة بالسعر ده اتوماتيك. انا شوفت دايو رايسر ب30000واتوماتيك حد عنده عنها فكره

[أحمد جودة]

والله يا أستاذ احمد انت جبت تقريبا العربيات الي ف دماغي باستثناء السكودا والماروتي وكنت استقريت يا على أونو يا على بونتو والعربيه هتفضل معايا شوية كام سنة على ما أغيرها إن شاء الله ولكن في حاجة دلوقتي ان رجلي الشمال اتبهدلت من الدبرياج وكل الناس قالتلي الاوتوماتيك اريح فهل في حاجة بالسعر ده اتوماتيك. انا شوفت دايو رايسر ب30000واتوماتيك حد عنده عنها فكره

عموما مهما كان اختيارك لنوع العربية اكيد هيكون ليها ميزات وعيوب واتمنالك التوفيق

أما موضوع الاوتو بلاش دلوقتي لسببين الاول ان حضرتك لسة بتتعملي السواقة والافضل إتقان السواقة على مانيوال والاوتو بعد كدة تيجي أوبشن ورفاهية
أما السبب التاني والاهم أن الفتيس الاوتو لازم تكون حالته كويسة لان العربية لو اتعطلت هتبقي مشكلة ومش اى صنايعي يقدر يشتغل فى الفتيس الاوتو وكمان عربية موديلات التسعينات مثلا أو مابعد ذلك هتلاقي الفتيس متهالك وحالتة مش حلوة .... وعموما دي وجهات نظر بس المفروض اوضح لحضرتك رأيي

بالمناسبة معروف ان السواقة فى وسط البلد مقرف مع العربيات المانيوال ودي مش مشكلتك لوحدك بس مع الوقت هتتعودي دة بالاضافة الى أن العربية اللي حضرتك اتعلمتي او بتتعلمي عليها دلوقتي الدبرياج بتاعها مش مظبوط والدواسة تقيلة ومحتاجة تعديل


أتمنالك التوفيق فى الاختيار ..... تقبلي تحياتي

[pepo2011]

اولا مرحبا بحضرتك عضوة جديدة
ثانيا هناك اسس وقواعد عند قرار شراء سيارة جديدة
اولا لازم حضرتك تحددي امكانياتك المادية بالظبط مع الوضع في الاعتبار ان اي سيارة مستعملة سوف تحتاج مصاريف سيرفيس اول ماتشتريها
ولازم حضرتك تحددي نوع السيارة او علي الاقل امكانياتها يعني تكيف باور سنتر ازاز كهربا كام سي سي هاتشباك ولا سيدان
الماركة اذا كان هناك ماركات مفضلة عند حضرتك
غير كده ابعدي عن الماروتي والصيني خالص
وانا تحت امر حضرتك وفي خدمتك

[pepo2011]

الاونو عربية جميلة واقتصادية وموفرة لكن مش اوتوماتيك
الاسكودا قطع غيارها غالية
الدايو الريسر جميلة وفعلا بتعمل 35000 والنوبيرا 1 برضو لو حضرتك بتحبي الدايو
وانا تحت امر حضرتك

[elkingg36]

اناكمان بدور من شهور علي عربيه تقريبا بنفس السعر ولاقيت ان المشكله ان الواحد بيجيب عربيه بكل فلوسه اللي معاه علشان كده الواحد بيخاف انه يضيع فلوسه في عربيه تكون معيوبه وتكرهه في العربيات كلها

[shiko85]

انا كمان بدور من شهور علي عربيه تقريبا بنفس السعر ولاقيت ان المشكله ان الواحد بيجيب عربيه بكل فلوسه اللي معاه علشان كده الواحد بيخاف انه يضيع فلوسه في عربيه تكون معيوبه وتكرهه في العربيات كلها

هو طبعا اكبر غلط شراء عربيه بكل الفلوس لان حتى بفرض ان العربيه سليمه هيبقى فيه مصاريف كتير زى الترخيص و الصيانه الكامله بعد الشراء
و الشراء مش بالأمكانيات الحاليه فقط لازم تفكر فالمستقبل كمان بمعنى ان حضرتك معاك 30 الف بس ده مش معناه ان اى عربيه بـ 30 الف هتكون مناسبه
لازم حضرتك تفكر فعربيه سعرها مناسب و مصاريف تشغيلها و صيانتها مناسبه
بس فرأى الشخصى ان المشكله فشراء عربيه مستعمله ان اللى بيشترى مش عارف يحدد هو عايز ايه و عايز يشترى عربيه فيها كل حاجه و ده طبعا صعب جدا لان الكمال لله سبحانه و تعالى و مفيش حاجه بدون عيوب كل حاجه لها مميزات و لها عيوب و المفروض كل واحد يحدد ايه الأهم و ايه المهم و ايه اللى ممكن الأستغناء عنه