أستطلاع رائ حول أسعار السيارات في الفترة القادمة

[sherifbm]

انا شايف ان العربيات الجديدة مش هترخص و لو رخصت هتبقى حاجات بسيطة لكن ممكن يبقى فى تسهيلات فى الدفع و التقسيط اكتر و السبب فى كدة ان خفض الجمارك تدريجى يقابلة التضخم السنوى, و موضوع العربية المغربى دية مش هتبقى رخيصة زى ما الناس فاكرة, العربية هتيجى غالية من بلادها و مش هيبقى المتوفر منها كتير يغطى احتياجات السوق و التجار هيغلو عشان يكسبو اكتر فيها.

القديم ممكن يرخص عشان العربيات الصينى و عشان التقسيط انتشر و الخوف من موضوع تجديد التكسيات دة, بس مش كل المستعمل يعنى الماركات و الموديلات الحديثة هتحتفظ بسعرها و الله اعلم

[zizophone]

انا شايف ان العربيات الجديدة مش هترخص و لو رخصت هتبقى حاجات بسيطة لكن ممكن يبقى فى تسهيلات فى الدفع و التقسيط اكتر و السبب فى كدة ان خفض الجمارك تدريجى يقابلة التضخم السنوى, و موضوع العربية المغربى دية مش هتبقى رخيصة زى ما الناس فاكرة, العربية هتيجى غالية من بلادها و مش هيبقى المتوفر منها كتير يغطى احتياجات السوق و التجار هيغلو عشان يكسبو اكتر فيها.

القديم ممكن يرخص عشان العربيات الصينى و عشان التقسيط انتشر و الخوف من موضوع تجديد التكسيات دة, بس مش كل المستعمل يعنى الماركات و الموديلات الحديثة هتحتفظ بسعرها و الله اعلم

تصدق وتأمن بالله أنت كدة جبت الي في دماغي كلة وهو دة رئيي برضة والف شكر على ردك

[ToYoTa]

انا شايف ان العربيات الجديدة مش هترخص و لو رخصت هتبقى حاجات بسيطة لكن ممكن يبقى فى تسهيلات فى الدفع و التقسيط اكتر و السبب فى كدة ان خفض الجمارك تدريجى يقابلة التضخم السنوى, و موضوع العربية المغربى دية مش هتبقى رخيصة زى ما الناس فاكرة, العربية هتيجى غالية من بلادها و مش هيبقى المتوفر منها كتير يغطى احتياجات السوق و التجار هيغلو عشان يكسبو اكتر فيها.

القديم ممكن يرخص عشان العربيات الصينى و عشان التقسيط انتشر و الخوف من موضوع تجديد التكسيات دة, بس مش كل المستعمل يعنى الماركات و الموديلات الحديثة هتحتفظ بسعرها و الله اعلم

اتفق مع كلامك 100%

[Komostrano]

عارف يا flyldmedo انا لما قرات كلامك ده جانى هاجز كده قولت يعنى شوف انت تعبت اد ايه فى اللف و التدوير على عربية و للاسف نسبة كبيرة من الناس تقول لها ايه اخبار العربية تقولك كلمة (فبريكة)و هو حاجة من اتنين يا بيكدب او مش عارف اصلا معنى الكلمة عارف انا عانتيت ذيك و مش متخيل انى فى الآخر بعد ما اشتريها و ادفع فيهاالتحويشة يجى ضابط مرور و ينتشنى مخالفة آه بتلكيكة

[flymido]

انا الحمد لله ربنا وفقنى وجبت سيارة فليشيا 95

عقبال كل من يبحث على سيارة

[mohmdy]

السلام عليكم
والله انا عندي رأيي وقبلتة اليومين الي فاتو دول بعت عربيتي وحبيت ااحدث في وسط الهوجة دي وشفت الويل وبعد معاناة اتضح ان الاسعار احنا الي بنحددها اقصد التجار ولمهمش دعوا بالسوق وكل واحد يقول الي علي كيفة الواحد سمع اسعار غريبة فأنا شايف ان احنا الي بنعمل كدا في بعض كل واحد معاه عربية كويس يطلب الي هو عيزة ولو العربية مش اد كدا يلصمها ويطلب فيها سعر رخيص ويقولك بدل ما اصرف عليها ابعها بسعر رخيص واقول السوق كدا وانت وحظك فيها .
واسف للأطالة .
وشكرا

[gabarocky]

شوفوا يا جماعة دة راى الشخصى و بصراحة انا شايف ان المشكلة الرئيسية فى الجمارك والضرائب المرتفعة و ان سعر السيارات لن يتأثر فى مصر لا بالعملة و لا بالركود العالمى ولا اى حاجة فقط الجمارك والضرائب لان دول سبب الارتفاع الوهمى فى سعر السيارات فى مصر المهم نصيحتى ليك كمشترى توكل على الله لانك اكيد محتاج العربية و بعدين يعنى حتى لو رخصت هترخص اية الف ولا اتنين مش مشكلة ما انتا لو هتغيير هتبيع برخيص وتشترى برخيص يعنى الفرق ثابت وبالسعر دة تقدر تشترى فليشيا _ هيونداى اكسيل _ فورد فيستا_ كيا برايد دول احسن عربيات فى السعر دة والله الموفق

[amrbakly]

لية العربيات مش حترخص؟
1. لأن لو حترخص كانت رخصت لما البنزين غلي زي ما بيحصل في أي بلد في الدنيا.
2. لما تبقي الماروتي تمنها حوالي 7000 دولار و اللانوس 13000 دولار و الميرسيدس السي كلاس حوالي 100000 ألف دولار و الناس برضة بتشتري تعرف أن السوق في مصر لسة مش متشبع و الناس تقدر تشتري كمان.
3. طبعا لو العربيات رخصت توقعوا ارتفاع أسعار البنزين و العقارات طوالي بدون نقاش مما سيتبعة ارتفاع في اسعار كل السلع.
إشاعات حمضانة زهقنا منها:
1. الجات حتتطبق السنة الجاية: و الله الإشاعة دية بسمعها من سنة 1998 من أول ما فكرت أجيب عربية، و فضلنا مستنيين الجات الجات، كان وقتها اللانوس زيرو بـ 36000 و اللانسر زيرو بـ 48000 و كانت الجولف زيرو بحوالي 72000، طبعا أخدنا أجدع خازوق و دلوقتي كل عربية فيهم علي الأقل سعرها ضارب في الضعف.
2. الصيني نازل و حينزل أسعار كل العربيات: طلعت عربيات منيلة بستين نيلة و بالعكس رفعت أسعار العربيات التانية لأنها عربيات كماليات و بس، لا شاسية و لا بادي و لا مواتير و لا اي نيلة في أي نيلة و بقت النهاردة عربية زي الأكسيل الناس بتجري وراها بعد ما كنا بنتريق وقتها علي الكوري و اللي عمل الكوري و قال أركب عربية كوري قال.
3. حيخفضوا الجمارك علي العربيات: سلامات يا جمارك، طيب الجمارك فعلا نزلت عن سنة 2000 ، حد فيكم يقدر يقولي علي عربية توحد ربنا سعرها نزل عن سنة 2000؟ رغم أنهم تقريبا لازالوا بنفس الشكل و الكماليات.


نصيحة من الأخر بلاش تضحكوا علي نفسكم لأن إقتصاد مصر مش إقتصاد كوكبي قوي كدة و حيتأثر بالأقتصاد العالمي و اللي عايز يشتري يروح يشتري و اللي عايز يبيع أنصحة يصبر شوية.

[samoevil911]

بس انا عندى رأي تانى مع احترامى ليكم كلكم... انا لفيت في دول كتير و سافرت كتير , لقيت ان اللى بيشتروا اللي هما المواطنين زينا هما اللي بيتحكموا في الاسعار.. يعني مثلا لو سلعة سعرها زاد اوي زي عندنا كدة الاسعار مولعة , المواطنين يضربوا عنها وميشتروهاش وبالتالي البايع بيتطر يخفض يأما هيفلس... وبالتالي هما المشتريين اللى بيتحكموا..
اما عندنا في مصر مفييييش رخيص يشتروا ..غالي نجري ونشتري بردوا عشان احنا معندناش عزيمة ومبنعرفش يكون لينا رأي او نتحكم في السوق بتاعنا ... احنا بجد نستاهل اللي بيحصلنا دا .. اومال حملة خلوها تصدي دى عملنها منظر بس.... محنا لو مشترناش مأكيد هينزلوا السعر , اومال هيقفلوا ويبيعوا ترمس يعني...
احنا والله منقصنا غير صبر... عايوين نطبق الحملة دي بجد..
و عموما انا سمعت ان شركت فولكس رخصت البولو 10000 و البي ام رخصت العربيات 40000:10000 عايزين نستنا و هنخصر ايه .......

[m_elsabah]

بس انا عندى رأي تانى مع احترامى ليكم كلكم... انا لفيت في دول كتير و سافرت كتير , لقيت ان اللى بيشتروا اللي هما المواطنين زينا هما اللي بيتحكموا في الاسعار.. يعني مثلا لو سلعة سعرها زاد اوي زي عندنا كدة الاسعار مولعة , المواطنين يضربوا عنها وميشتروهاش وبالتالي البايع بيتطر يخفض يأما هيفلس... وبالتالي هما المشتريين اللى بيتحكموا..
اما عندنا في مصر مفييييش رخيص يشتروا ..غالي نجري ونشتري بردوا عشان احنا معندناش عزيمة ومبنعرفش يكون لينا رأي او نتحكم في السوق بتاعنا ... احنا بجد نستاهل اللي بيحصلنا دا .. اومال حملة خلوها تصدي دى عملنها منظر بس.... محنا لو مشترناش مأكيد هينزلوا السعر , اومال هيقفلوا ويبيعوا ترمس يعني...
احنا والله منقصنا غير صبر... عايوين نطبق الحملة دي بجد..
و عموما انا سمعت ان شركت فولكس رخصت البولو 10000 و البي ام رخصت العربيات 40000:10000 عايزين نستنا و هنخصر ايه .......

كلامك صح 100 % وأنا مؤيد لكلامك تماما

[samoevil911]

شكرا علي التأيد يا جميل ... وياريت كولنا نتعاون عشان نخليهم يتنازلوا عن الاسعار الباهظة دى

[elhoda]

يا جماعة عندنا فى دمياط المصرية للسيارات

نزلت سعرالسيزوكى ماروتى الى 500-35 ألف

بدل من 38000 وبعض السيارات عليها عرض 2جنية من الذهب
عندة الشراء

[د./اليشع ثابت]

يا جماعة عندنا فى دمياط المصرية للسيارات

نزلت سعرالسيزوكى ماروتى الى 500-35 ألف

بدل من 38000 وبعض السيارات عليها عرض 2جنية من الذهب
عندة الشراء

يا باشا 2 جنية دهب اية بس
بيكون واخد من حضرتك مكسب
مالا يقل عن قيمة 10 جنية دهب
ويجعلة عاااامر