عاوز اشترى فيات 127 ياريت اللى معاه العربيه دى يفدنى

[الحمادوى]

اولا كل سنه وانتو طيبين
انا عاوز فيات 127
والاسباب
اولا الميزانية لا تسمح بشراء اعلى
ثانيا اقتصادية فى البنزين وحجمها معقول
ياريت اللى معاه العربية دى يقولى
اخبار قطع الغيار ايه ورنج الاسعار؟
وايه الموجود فى قطع الغيار جديد؟ وصناعته ايه؟؟
زى اسبراتير والكاربرتير والموبينه والرداتير والمساعدين
وعمرة الموتور تتكلف فى حدود كام حاليا؟؟
والعربيه نفسها فى حدود كام ؟ مع العلم انا عاوز حاجة مش عالية فى السعر اشدها بنفسى

[Eng. Kamel]

نصيحة عن تجربة ما تجبهاش , عربية كلها مشاكل و مش بتاعة مشاوير و هتطلع عينك بالمعنى اللفظي إمشي على رجليك أكرملك

[mohmed011]

ok

سيارة ممتازة للاستخدام الشخصى كل قطع غيارها موجودة جديدة الردياتير جديد نحاس 400 ج نصيحة الشد مكلف جدا وعن تجربة بقىالها معايا 8 سنين وبصراحة نفسى اغيرها قطع غيارها متوفرة بس غير معمرة لازم ايدك تبقى فيها على طول والا هتعانى منها جدا على فكرة قطع الغيار الرخيصة مش ميزة لاستهلكها السريع

[الحمادوى]

ربنا يبارك فيكم
هو فعلا رخص قطع الغيار مش ميزة
ومعظم العربيات الفيات الموديلات القديمة قطع غيارها مش معمرة
بس اهم حاجة توفر ها
وانا غاوى العربيه كحجم مش كبير وسعر معقول بالنسبه لميزانيتى

[ياسر يوسف]

عربيه ممتازه واقتصاديه بشرطمعرفه امكانياتها وحالتها تكون جيده من البدايه ...فهي سياره غير سريعه وتؤدي الغرض

[الحمادوى]

عربيه ممتازه واقتصاديه بشرطمعرفه امكانياتها وحالتها تكون جيده من البدايه ...فهي سياره غير سريعه وتؤدي الغرض

شكرا ليك انا مش من هواة السرعة ربنا يكفينا شرها
يعنى ايه غير سريعة يعنى مش هتقفل ال100 كيلو يعنى
ولا تقصد ان العزم مش شديد
هو عدادها كام كيلو؟

[ياسر يوسف]

ممكن تمشي 100 ولكن علي حساب الموتور واهترائه وانا بصراحه اخري 80 للمحافظه عليها