استشارة عاجلة فيات سيينا

[Ahmed abdkarim]

سلام عليكم

معلش عاوز اخد رأيكم فى عربية معروضه عليا

معروض عليا فيات سيينا 1600 موديل 2001

راشة برة ماعدا السقف وجوه فابريكا

مطلوب 33000 قابلة للتفاوض

محتاجة تغير عوامة عشان مؤشر البنزين بيخرف


ده الكلام اللى قالهولى صاحب العربية


ايه رأيكم فيها وفى سعر العربية ان حاسس ان العربية سعرها معقول جدا فهل ممكن يكون فى حاجه فى العربية علشان سعرها ولا موديل 2001 سعره كده
ودى صور العربية

[Delta Force]

مفيهاش اى حاجه
طول عمر الفيات سيينا سعرها بيقل
انا شايف انك تاخدها ب30 و حلوة اوى عليها كدة
بس لو لقيت واحدة 1400 سى سى يبقى احلى

[svneleven]

هي سعرها كده ما تقلقش. السيينا عربية جميلة المهم تكون نضيفة و مش متهانة.

[Ahmed abdkarim]

مفيهاش اى حاجه
طول عمر الفيات سيينا سعرها بيقل
انا شايف انك تاخدها ب30 و حلوة اوى عليها كدة
بس لو لقيت واحدة 1400 سى سى يبقى احلى

متشكر جدا على مشاركة حضرتك بس انا شفت حاجات مطلوب فيها 37 و 38 وده طالب فيها من الاول 33
فمش عارف هل ممكن يكون فيها حاجه ؟؟؟
وبعدين لو حضرتك بصيت على الباب بتاع السواق مفارق فوق مع السقف فهل ده الكاوتش ولا مشكلة فى الباب ؟؟؟؟

هي سعرها كده ما تقلقش. السيينا عربية جميلة المهم تكون نضيفة و مش متهانة.

الف شكر لحضرتك

[Ahmed abdkarim]

صاحبها قالى انها راشه حته فى الدواخل عند الرفرف اليمين ومعاه ورق انها اتعملت فى التوكيل فهل ده يعيب العربية ولا لأ ؟؟؟

[svneleven]

صاحبها قالى انها راشه حته فى الدواخل عند الرفرف اليمين ومعاه ورق انها اتعملت فى التوكيل فهل ده يعيب العربية ولا لأ ؟؟؟

أيوه طبعا و بيعها بعد كده صعب. و يمكن هو ده سبب أنه منزل في سعرها عن باقي الناس.

[gade2]

خلى بالك قطع الغيار موجوده عند الكيلانى وكام واحد بس فى الحرفيين واسعارها حراقة
بلاش 1600 خليك 1400 ليه ؟
لان الجوض بتاعها ضيق على 1600 وبيقرف الصنيعى
خلى بالك من موضوع السخونيه لان دى حلها تغيير كوعه ترموستات وميه حضرا وتغيير المروحه بواحده بتاعة تمبرا
اخيرا تانى فى الشرا والسيينا كويسه بس يعيبها موضوع السخونيه وقطع الغيار الحراقه والجساسات فيها كتير
اخيرا خليك فى 1400

[Delta Force]

بص يا باشا الى كاتب 37 ده يا اما تاجر يا اما واحد عامل حسابه على فصال جامد
يا اما هيا حااه نادرة اوى فوق الوصف و فيها كماليات و مميزات بالفرق الزيادة ده و دة مش موجود فى مصر
لكن من خلال تجربتى بمئات الاعلانات
احفظ رقم حد من الى طالبين 37 الف و استنى كدة شهر ولا اتنين
اتصل بيه و اسئله عنها هيقولك اتباعت اسئل اتباعت بكام و انت هتعرف
بص من النهايه الى عايز يزود عى السعر اهلا و سهلا المهم هتتباع بالسعر دة ولا لا
ده بالنسبه للسعر يعنى السعر مش واقع عشان فيها عيب ولا حاجه ده هو سعرها كدة اصلا

بالنسبه للعيب بتاع الرش هتندم لو ناوى تغيرها و تبيعها
لانك فجأة مش هتعرف تبيعها حتى لو بنص تمنها
الناس فى مصر عندها عربيه واكلاها البارومة من كل اتجاه اشرف من المرشوشة دواخل و ان كانت نضافة

وخليك فى 1400 زى ما الاستاذ شرح لجنابك كدة