زيرو ولا مستعمل

[histone]

دلوقتى انا عايز اجيب عربيه فى حدود 50-60
هل الافضل يكون زيرو ولا مستعمل
وهل الرقم ده ممكن اجيب بيه حاجه اتوماتيك
انا ملقتش زيرو غير ماروتى وجيلى باندا والاتنين مانيوال
اى اقتراحات

[محمود بهاء]

انا عن نفسي طبعا مش بحب اشتري زيرو
بفضل دايما اشتري حاجه اشتري كسر زيرو
الفلوس دي ممكن تجيب بيها مثلا شيفورليه لانوس كسر زيرو
او ممكن فيرنا مثلا
وهيكونوا عمليين وليهم قيمه عن ده كله

[shiko85]

دلوقتى انا عايز اجيب عربيه فى حدود 50-60
هل الافضل يكون زيرو ولا مستعمل
وهل الرقم ده ممكن اجيب بيه حاجه اتوماتيك
انا ملقتش زيرو غير ماروتى وجيلى باندا والاتنين مانيوال
اى اقتراحات

هتلاقى مستعمل اتوماتيك بالسعر ده
لو هتقارن بين ماروتى او جيلى باندينو زيرو و عربيه مستعمله فحدود 50 لـ 60 الف اكيد المستعمل افضل
لو عايز ماروتى اشتريها مستعمله و احتفظ بفرق الفلوس

[histone]

طيب ايه كويس مستعمل اتوماتيك فى الحدود دى
يكون فيها باور وتكيف ومش ضيقه

[shiko85]

طيب ايه كويس مستعمل اتوماتيك فى الحدود دى
يكون فيها باور وتكيف ومش ضيقه

قبل الأجابه, عندى سؤال صغير
احتياجاتك ايه فالعربيه غير انها اوتوماتيك و فيها باور و تكييف و مش ضيقه ؟
زى اسعار قطع الغيار - الأنتشار - سعر اعاده البيع - السى سى - الموديل و هكذا
بعد كده ممكن نحدد العربيه المناسبه

[histone]

قبل الأجابه, عندى سؤال صغير
احتياجاتك ايه فالعربيه غير انها اوتوماتيك و فيها باور و تكييف و مش ضيقه ؟
زى اسعار قطع الغيار - الأنتشار - سعر اعاده البيع - السى سى - الموديل و هكذا
بعد كده ممكن نحدد العربيه المناسبه

قطع الغيار تكون متوفره وسعرها معقول
السي سي من 1300 وانت طالع
لما تتباع ميتخسفش بيها الارض
الموديل والانتشار مش فارق

[shiko85]

قطع الغيار تكون متوفره وسعرها معقول
السي سي من 1300 وانت طالع
لما تتباع ميتخسفش بيها الارض
الموديل والانتشار مش فارق

مفيش غير الفيرنا اللى فيها كل ده

[histone]

مفيش غير الفيرنا اللى فيها كل ده

طيب عشان تكون حالتها كويسه تكون عامله كام كيلو
وسعرها اد ايه

[shiko85]

طيب عشان تكون حالتها كويسه تكون عامله كام كيلو
وسعرها اد ايه

موضوع الكم ده مش مقياس لان ببساطه ممكن تكون العربيه عامله كم قليل بس كلهم فالزحمه و ده يعتبر استهلاك للموتور و ممكن تكون عامله كم عالى بس حاله الموتور (افضل المعدل الطبيعى حوالى 20 الف كم فالسنه)
اهم حاجه الكشف على كبس الموتور (كفاءه الموتور)
الحاله و الموديل هم اللى هيحددوا السعر
اللى اقصده ان لو حددنا سعر للعربيه بـ 50 الف مثلا ممكن تلاقى عربيه افضل منها بـ 52 و الفرق ده هتدفع ضعفه فالصيانات لو اشتريت اللى بـ 50
بس ان شاء الله هتلاقى عربيه فحدود المبلغ اللى معاك, اهم حاجه بلاش استعجال و خلى بالك من العربيات المانيوال اللى اتحولت اتوماتيك
تابع الأعلانات على النت - انزل السوق - اسأل المعارف و الجيران و اول ما تلاقى عربيه مناسبه كسعر و حاله اكشف عليها فالتوكيل او بنزينه و لو طلعت كويسه اشتريها لو لأ يبقى الحمد لله ان الخساره 100 جنيه بتوع الكشف مش اكتر من كده
و ربنا يوفقك ان شاء الله و تلاقى عربيه محترمه

[S O P H O S]

شايف الفيرنا الانسب كرأي