حاشتري عربية لوحدي ومش عارفه الاجراءات(مساعده سريعه)

[cocosamor]

السلام عليكم ورحمة الله

لو سمحتوا انا مش معايا محامي ولا حد اعرفه ، ورايحه اشتري عربيه من واحد
ممكن اعرف الاجراءات ايه؟
يعني اطلب منه شهادة مخالفات وادفعله عربون؟
والعربون كام؟
والعقد والتسجيل وكل حاجه لاني مش عارفه

وجزاكم الله خيرا

بس بسرعه لو سمحتوا رايحه بعد كام ساعه

[mnashat77]

ياريت يكون حد معاك لان الموضوع مش سهل قوي
تطلبي شهاده مخالفات وتروحوا الشهر العقاري يبيعلك العربيه وانت بعقد البيع تقدري ترخصها ف المرور ومعاها شهاده البيانات
موضوع الفلوس ده تتاكد انهم معدودين مظبوطين واهم حاجه يكون العد قدامك ممكن تديله اي جزء من الفلوس وبعد ما تستلم عقد العربيه ياخد الباقي
ده علي حد علمي بالاجراءات لو حد يعرف اكتر ياريت يفيد ،،بالتوفيق

[عرين الأسد]

يا ريت تتأني لحد ما يكون في راجل معاكي . خاصة اليومين الحلوين اللي إحنا فيهم دول . وأنت لو هتشتري بتوكيل مش ضروي عقد . بس يكون التوكيل فيه : توكيل بالبيع للنفس أو للغير وتوكيل الغير والتعامل مع المرور . والتوكيل بياخد خمس دقائق في الشهر العقاري فمش محتاجة عربون ولا غيروا . ده في حد علمي واللي عندو معلمومات اكتر يا ريت يفيدنا .

[shiko85]

السلام عليكم ورحمة الله
وعليكم السلام ورحمة الله وبركاته
لو سمحتوا انا مش معايا محامي ولا حد اعرفه ، ورايحه اشتري عربيه من واحد
ممكن اعرف الاجراءات ايه؟
المحامى مش مهم اصلا
يعني اطلب منه شهادة مخالفات وادفعله عربون؟
بعد الكشف الدقيق على العربيه و الأتفاق على السعر هتدفعى عربون مبلغ صغير 200 جنيه مثلا و فيه ناس مش بتاخد عربون خالص
المهم البائع يطلع شهاده المخالفات و حضرتك تروحى معاه الشهر العقارى و يتم عمل عقد بيع بعد دفع المصاريف طبعا (و دى بتختلف حسب سنه انتاج العربيه) و يمضى البائع (الأفضل حضرتك تحتفظى بصوره من بطاقته)
بعد الكده العربيه بقيت بتاعت حضرتك و بالعقد تتوجهى للمرور و تعملى فحص و نقل ملكيه و ترخيص جديد

العربون كام؟
العربون فيه ناس بتطلب 100 و فيه 500 و فيه 1000 بس خلى بالك فيه نصب كتير جدا فالموضوه ده تلاقى واحد بياخد العربون و يختفى بعد كده
والعقد والتسجيل وكل حاجه لاني مش عارفه
اللى هيحدد سنه الصنع و السى سى تقريبا
وجزاكم الله خيرا
بالتوفيق ان شاء الله و مبروك مقدما
بس بسرعه لو سمحتوا رايحه بعد كام ساعه
نصيحه بلاش حضرتك تروحى لوحدك

[cocosamor]

جزاكم الله خيرا
ومفيش والله حد معايا
الله المستعان

وياريت لو حد يقولي لانوس 1 موديل 99 اوتوماتيك حاله بيقول انها ممتازه
تعمل كام تقريبا؟
سعر السوق الحالي؟

[cocosamor]

جزاك الله خيرا

طب لانوس 1 اوتوماتيك 99 بكام تقريبا؟

[eng wael]

لازم الاول قبل شراء العربيه التاكد من ورقها فى المرور التابعه له ويستحسن عدم التسرع فى الشراء قبل التأكد من كل ورق العربيه وربنا معاكى

[eng wael]

جزاكم الله خيرا
ومفيش والله حد معايا
الله المستعان

وياريت لو حد يقولي لانوس 1 موديل 99 اوتوماتيك حاله بيقول انها ممتازه
تعمل كام تقريبا؟
سعر السوق الحالي؟

يا فندم مفيش حاجه اسمها بيقول انها ممتازة كلهم بيكونو نصابين الا ما رحم ربى لازم يتم الكشف الدقيق على العربيه علشان مانرجعش نقول ياريت اللى جرى ما كان
ممكن حضرتك تعتذرى عن اتمام الشراء حتى عرض السيارة على احد المختصين ورفعها فى البنزينه وشوفى رد فعل المالك فى الغالب لو العربيه فيها عيب هيرفض يعمل كده ولو وافق يبقى تمام وبعدين تروحى المرور تسألى على ملف العربيه
ارجوكى بلاش الاسراع فى الشراء مش اول ولا اخر عربيه المهم تكون الدنيا سليمه
تحياتى

[cocosamor]

يا فندم مفيش حاجه اسمها بيقول انها ممتازة كلهم بيكونو نصابين الا ما رحم ربى لازم يتم الكشف الدقيق على العربيه علشان مانرجعش نقول ياريت اللى جرى ما كان
ممكن حضرتك تعتذرى عن اتمام الشراء حتى عرض السيارة على احد المختصين ورفعها فى البنزينه وشوفى رد فعل المالك فى الغالب لو العربيه فيها عيب هيرفض يعمل كده ولو وافق يبقى تمام وبعدين تروحى المرور تسألى على ملف العربيه
ارجوكى بلاش الاسراع فى الشراء مش اول ولا اخر عربيه المهم تكون الدنيا سليمه
تحياتى

جزاك الله خيرا

انا اعرف ميكانيكي كويس من كام سنه وراجل كبير وحيشوفها ان شاءا لله
بس نفسي اعرف رينج السعر

[eng wael]

جزاك الله خيرا

انا اعرف ميكانيكي كويس من كام سنه وراجل كبير وحيشوفها ان شاءا لله
بس نفسي اعرف رينج السعر

بصراحه مش هقدر افيدك فى موضوع السعر بس ارجوك لازم تتأكد من الفتيس الاتوماتيك انه مفيش فيه مشكله

[shiko85]

مفيش والله حد معايا الله المستعان
طب لانوس 1 اوتوماتيك 99 بكام تقريبا؟
انا اعرف ميكانيكي كويس من كام سنه وراجل كبير وحيشوفها ان شاءا لله

ربنا معاكى
تعمل 43 : 47 الف على حسب الحاله (ده متوسط الأسعار على النت مؤقتا - مش تقييم شخصى منى)
حضرتك شوفى الميكانيكى هيقول ايه على العربيه الأول و لو قال تمام يبقى كشف فالبنزينه على باقى الأجزاء زياده فالأمان
و بلاااااااااااااااااش استعجال لان سوق المستعمل فيه نصب و غش كتير جدا و الأستعجال ممكن يخسرك كل فلوسك
و كل حاجه نصيب يعنى ليكى نصيب فالعربيه دى او غيرها فهى بتاعك حتى لو ايه حصل فنصيحه مره تانيه بلاش استعجال و خدى وقتك كامل و اسألى هنا تانى بعد تحديد السعر و الأفضل لو تصورى العربيه كام صوره من الداخل و الخارج لان ده هيساعد على تقييم حاله العربيه و تحديد سعرها

[amr011111]

اخرها 39 او 40 الف جنيه للحاله الممتازه

[cocosamor]

الاستاذ الفاضل A.saad

جزاك الله خيرا
خلاص مش حاخدها
والميكانيكي قالي على نوبيرا باشوفها راكنه في الشارع عنده
فابريكا بره وجوه اوتو ، بيقولي اكتر من ممتازه
حاسأله النهارده ماشيه كام كيلو وموديل كام
لان الراجل لو حيبيع يبقى ب 52
واحتمال بالعافيه ينزل ل 50 مثلا ، لسه مش عارفين
لانه مش عارضها للبيع

ربنا يكرمك
شكرا لحضرتك جدا

[cocosamor]

الراااااجل بتاع النوبيرا
مصمم على 58

موديل 2008

ماشيه قليل

[amr011111]

الراااااجل بتاع النوبيرا
مصمم على 58

موديل 2008

ماشيه قليل

بصراحه انا لو منك
هدفع الـ 58 الف جنيه مقدم لعربيه زيرو وأقسط الباقى واكون اول واحد اركبها وعارف ايه اللى فيها
انما مهما كشفتى على العربيه الله اعلم ايه اللى فيها