شراء عربيه تقسيط + التآمين (مش فاهم اي حاجه)

[th3Programmer]

صباحكو زي العسل
احم ، انا عايز نصيحه لاني حاسس اني هعك مش عارف ليه (مابفهمش اي حاجه في العربيات)
دلوقتي انا عايز اجيب عربيه قسط (٥ سنين)، وعايز ادفع نصف تمنها كاش (جميع الاسئله اختياري جاوب علي قد ماتقدر )
- كنت عاوز آآمن عليها من شركه كويسه (aig مثلا) ، هل لما آآقسط بيشترطوا عليا اني أأمن عند حد؟ وممكن انا اللي اختار منين؟
- هل التآمين ده بيعوض عن التآمين عند الترخيص (وهوا اصلا ايه لزمه التآمين عند الترخيص اللي ماحدش بيستفيد منه ده؟)
- لما ادفع نصف المبلغ ده ممكن يسهل في موضوع الاوراق والضمانات مش كده؟
- تفتكروا اجيبها من اي مكان؟ يكون تسليمه سريع واجراءاته سهله و مكان محترم كده ؟ (شراء كيا سبورتاج)

سؤال للي عنده معرفه بكيا سبورتاج،
- هيا مستاهله اني اجيب اخر فئه ولا فلوس علي الفاضي؟ لان ده هيرفع كمان قيمه القسط والتآمين


وشكرا جزيلا مسبقا

[hesham fawzy h]

متابع

[khaled_yehya]

بالنسبة للتقسيط فانا جربت الشركة العالميه المتحده للتجارة- المباشر(عبد اللطيف جميل)
واحسن نظام مقدم 50% بفائدة 8% لمدة 3 سنوات والتامين اجبارى (شركة التامين اللى انت تختارها)
أم أقل مقدم 25% بفائدة 10%حتى 5 سنوات والتامين اجبارى (شركة التامين اللى انت تختارها)
وبدون تأمين أقل مقدم 25% بفائدة 11.5%حتى 5 سنوات وبدون التامين

وده موقع الشركة أحدث عروض و خدمات التقسيط - المباشر

[khaled_yehya]

أما باقى اسئلتك مش أقدر أفيدك
لانى اختر بدون تأمين واشتريت بيجو 301
ربنا يوفقك للصح والاحسن