نصيحتكم سيارة مستعملة مشوار من الاميرية الي بدر

[msasm]

السلام عليكم ورحمة الله وبركاته
انا عضو جديد ومليش خبرة كبيرة
هعزل قريب لمدينة بدر وشغلي في الاميرية
ومحتاج عربية مستعملة
نصائحكم لسيارة مستعملة في حدود 60 الف
ادور علي اي ماركة
تكون موديل سنة كام
قاطعة كام الف كيلو
وشكرا

[shiko85]

وعليكم السلام ورحمة الله وبركاته
المفروض تحدد استخدامات العربيه ايه
هل هى للمشوار ده فقط ؟؟
هل العربيه لأسره ام فرد واحد ؟؟
هل فيه عربيه تانيه فالبيت فالحجم مش مهم؟
و ايه هى المواصفات المطلوبه من العربيه ايه ؟
مانيوال او اتوماتيك ؟
عوامل امان ولا لأ ؟
كماليات زى ايه ؟
قطع غيار غاليه ولا رخيصه ؟
سهوله البيع و سعر اعاده بيع مقبول ولا مش مهم ؟
الصيانه و مصاريف التشغيل تكون رخيصه ولا مش مهم ؟
صينى ولا الصينى مرفوض ؟؟
كل ما تحدد مواصفات اكتر الأختيار هيكون اسهل و اسرع
عموما مؤقتا المتاح فحدود 60 الف
# فيرنا 1600 و الموديل اعتقد بـ 60 الف ممكن تلاقى لحد 2010
بس اهم حاجه تكون full options مش half و الفرق بينهم ان الـ full فيها 4 زجاج كهرباء + عداد r.p.m + فتح الشنطه من الداخل + ساعه + لمبه استوب
# شيفروليه لانوس نفس الكلام لحد موديل 2010
# افيو تقريبا المتاح لحد موديل 2008
# دايو نوبيرا لحد 2008 او 2009
لكن لو عايز عربيه موفره فالبنزين
# كيا بيكانتو لحد 2009 او 2010

و كل ما الكم يكون اقل ده هيكون افضل طبعا لكن المعتاد او المتعارف عليه ان العربيه بتعمل من 20 لـ 30 الف كم فالسنه فحاول تبعد عن العربيات اللى عامله كم اعلى من المعدل ده
ملحوظه الكم مش مقياس لحاله الموتور اللى هيحدد كفاءه الموتور هو الكشف عليه سواء فالتوكيل او مراكز الخدمه او البنزينه

[msasm]

شكرا جزيلا
واسف علي عدم توضيح باقي المتطلبات
بالنسبة لي الصيني مرفوض
الاستخدام اسرة من 4 افراد يوجد عربية تانية
الناقل يدوي وجميع الكماليات زي ما حضرتك اشرت
عوامل امان ان وجدت
وبالنسبة لسعر إعادة البيع فاعتقد انه لصالح الكوري
بالنسبة لاقتراح حضرتك فيرنا 1600 اة اللانوس ايهما اوفر في قطع الغيار
شكرا لذوقك واستجابتك السريعة واسف علي الإطالة

[shiko85]

العفو, الشكر لله وحده
الفيرنا و اللانوس متقاربين جدا فأسعار قطع الغيار و سهوله الصيانه و مصاريف التشغيل و سعر اعاده البيع
اهم حاجه الكشف الدقيق على العربيه

[aboomar22]

نوبيرا 2008 -2009