اسعار السيارات

[Abo Sama]

لو سمحتو عاوز اعرف هى اسعار السيارات فعلاهتنزل فى اول واحد بسبب اتفاقية الاتحاد الاوربى ولا كلام وبس ؟؟
انا عاوز اشترى عربية مستعملة وخايف اشترى فاخسر كتير فعاوز حد يقولى تاثير موضوع تخفيض الجمارك ده هيأثر قد ايه على اسعار المستعمل .. وياترى هيأثر على اسعار قطع الغيار ولا هتفضل عالية زى ماهى .. وكمان ساعتها هيبقى انى اشترى اوربى بقى احسنلى ولا اخلينى ف الكورى واليابانى ؟؟!!
:b4_592:

[elkingg36]

انا سمعت ان الكلام ده فى 2019 يعنى بعد خمس سنين

[am74]

انا سمعت ان هتنزل عشرة فى المائة اعتبارمن1-2015

[Abo Sama]

اللى انا قريته انها هتنزل كل سنة بنسبه لحد 2019 هتوصل ل 0% بس بردو ماحدش رد علي تساؤلاتى ... اشترى ولا استنى ولا اعمل ايه ؟!!

[Hunting_Eagle]

لو محتاج .. اشتري طبعا

المفروض الاتفاقية بدأت من 2010 ..

اللي حصل ان العربيات الأوروبي و الياباني و الكوري كله سعره غلي .. يمكن بنسبة عدت ال 50 %

مصر عمرها ما يرخص فيها حاجة ابدا

[الدابودى]

سيارة 406 موديل 2003 اتوماتيك بحالو جيدة

[hamo81]

رأيي إنه مش هيبقى في تغيير ملحوظ في الأسعار بالعكس الأسعار ممكن تغلى بسبب الوضع الإقتصادي المتدهور وإرتفاع سعر الدولار مقابل الجنية المصري إلي لسه بيعوم لحد دلوقتي

[Mo Dayem]

من الاخر مافيش حاجه بترخص فى مصر الا المصريين

[Mo Dayem]

و لو نفتكر كده من كام سنه كده حصل ازمه اقتصاديه عالميه وسعر الدولار اتبهدل ونزل الارض و الدنيا كلها اتأثرت الا ام الدنيا اسعارها فضلت تغلى و تعلى

[Abo Sama]

ياعم سيبك من المصريين دلوقت انا بتكلم ف العربيات .... انا نفسى بس اجيب عربية مالاقيش سعرها نزل فجأة بعد ما اشتريتها .. قيمتها فيها ... تساعدنى وتستحملنى لانها هتبقى اول عربية ليه ومش عاوز البس ف الحيط .. وفى زيى كتير وبصراحة بعد ماكنت محتاج العربية ضرورى وقفت عملية البحث وقلت استنى وخايف استنى زيادة عن اللزوم وف نفس الوقت مش عاوز اتسك من حد بيبيع عشان عارف الاسعار هترخص فقال يلحق نفسه
فى حد فاهم اللى بقولة

[Mo Dayem]

عايز عربيه سعرها ماينزلش بعد فتره اركب كورى
عايز عربيه قطع غيارها متوافر وسعرها مش غالى اركب كورى
عايز عربيه تلاقى ناس كتير تفهم فيها ومش معقده اركب كورى
وطبعا ده مش معناه ان الكورى افضل من غيره ولكن ده السوق المصرى واحواله