عايز افكر بصوت عالي

[Mark20]

انا لسه مسجل في نايل موتورز بصراحه انبهرت من الاحترام و حرص الاعضاء انهم يفيدوا بعض من غير ما يكون لهم مصلحه و اشكركم مسبقا علي الرد


انا بفكر اجيب عربيه حاليا
محتار بين كذا عربيه
المستعمل تويوتا ياريس 1300
اولانسر 1300
الاتنين مانيوال
موديل 2007

انا بيتهيالي مش هيزيدو عن 80الف

او هيونداي ماتريكس بس طبعا هزود السعر شويه


و احتياري الاكبر اني اجيب زيرو و بالذات بعد موديل
رينو لوجان (عاجبني الصراحه )و بالذات الفئه التالته
اللي قالقني فيها اني من اسيوط التوكيل عندنا مش للدرجه و خايف ماستفيدش من ضمان الزيرو و كمان انا شخصيا مش بميل للوجان

محتار جدا

محتاج مساعده عن تجربه

اشكركم علي الافاده

[amr011111]

طبعاً هات مستعمل كفابه انك هتروح المعرض تختار العربيه واللون اللى انت عاوزه ومش هتبقى شايل هم كل عربيه مستعمله تروح تشوفها تكشف عليها وطبعاً مهما كشفت عليها مش هتعرف كل خباياها

ده غير اى عربيه مستعمله هتشتريها هتصرف عليها مبلغ وقدره فى الصيانه العاديه اللى بتتعمل لما تشترى اى عربيه مستعمله
هتلاقى نفسك بتغير كل السيور ( كاتينه وباور وتكييف ودينامو ) وهتغير كل الزيوت ( فتيس وفرامل وموتور ) وهتغير كل الفلاتر ( تكييف - زيت - هوا ) واحتمال تغير كاوتش كمان

يبقى الافضل ليك الزيرو وخاصة رينو لوجان عربيه واسعه من جوه جداً وشيك وهتعجبك ان شاء الله

لو عاوز مستعمل يفضل تخدها من حد معرفه تكون عارف تاريخ العربيه معاه ايه وانه بيبيع للتحديث مش علشان العربيه تعباه
وبالتوفيق

[J A G U A R]

لو اللوجان قطع غيارها متوفره عندكم والتوكيل كويس توكل على الله
غير كده شوف حاجه استعمال نظيف 1600 وبلاش 1300 خالص

[Mark20]

شكرًا لتجاوبكم السريع كما هو متوقع
بس انا حاليا قدامي كيا سيراتومانيوال موديل ٢٠١٠ راشه اكصدام و مرمات عشان الخرابيش نضافه يعني
صاحبها طالب ٩٢ و الزاجل التاجر في كذا حد مجربه و شكرولي فيه
انا فعلا محتار جدااااااً

[hugan]

ماتشتريش عربيه مستعمله
الا اذا كنت متاكد مبيون في المايه من ا العربيه سليمه ونضييفه ومش ملعوب فيها
غير كده اشتري زيرو وريح دماغك
ولا تثق في اي حد ولا اي تاجر حتي لو اقسم لك بجميع الايمان

[eng محمد]

انا ديما بنصح واقوووول ( هتشترى زيروو هتشترى دمااااغك ) وعن تجربة
الزيرو زيرو مهما كان ولو الفلوس قليلة ممكن تخليك فى الانوس او الفيرنا دول افضلو انظف اثنين وعن تجربة
الفيرنا بشواااتى سرعة سحب نعومة قوة قطع غيار وتبقى تمام لو جبتها اوتوماتيك علشان السواقة فى الزحمة

[M.Radwan]

اشتري اللوجان جديدة أحسن

[S O P H O S]

الافضل الزيرو طبعا
لو مستعمل الياريس

[MOODEE_848]

متابع