تسعير جين تو 2007 حادثه

[Delta Force]

كنت ببحث عن سيارة بسعر كويس لقيت جين تو 2007 كانت عامله حادثه قوية و مغيرة حاجات كتيرة و مرشوشة برة و جوة حسب كلام السمكرى الى اخدته معايا و من طرفى انا و ميعرفش صاحب العربيه قالى ان العربيه بقيت كويسه و لو مكانش الراجل قال انها عامله حادثه مكناش عرفنا و مش هتأثر على السواقة خالص دى تعمل كام ؟
و حد ادامه حاجه متصلحه كدة و مش باين فيها بس بسعر كويس ؟

[Ahmed emad has]

العربية زي دي في حدود 45 بس العربية حتحتاج تصرف عليها كل شويه و في المستقبل هيحصل فيها مشاكل كتير بس عموما اي عربية في السعر ده هتبقي كده . وعلي فكرة اي عربية رشه جوه تبقي عامله حادثة . و رشه جوه دي بتتعرف بمنتهي السهوله من شكل الدهان

[J A G U A R]

25 الف

[Delta Force]

الراجل بيقول 33 الف اول كلام
مش عارف لو فاصلت هاخدها بكام

[mohammedabdallh]

ابعد عن الشر وغنيله

[eng.m7md.ali]

العربية لونها اسود وجنوط دهبي؟

[Samir_Adel]

نصيحة، ابعد عن اي عربية في الدنيا راشة دواخل.. بمعني ان اساسها انتهي! لو راشة برة بس، يبقي اساسها سليم و ابني عليها.. بس منصحكش بعربية راشة دواخل.

[Delta Force]

انا نفسى ابعد عن الشر و اغنيله بس المبلغ الى معايا عمرة ما يجيب حاجه كويسه زى جين تو و غير كدة انا مش بسافر كتير و بالنسبه لاعادة البيع مبفكرش اغير و لو غيرت مش هخسر كتير كدة كدة رخيصه و العربيه فعلا سودا و بس جنوطها فضى هوا ادامك واحدة جنوطها دهبى للبيع ؟

[EgyArmy]

اشترى ولا لا ؟

[Maun00]

اشترى ولا لا ؟

ممكن تفتح معاك و تخسر اكتر من العربيات التانية
ياعم متشوفلك عربية قديمة شويتين و مد رجليك على قد غطاك

[eng.m7md.ali]

لا شوفت اعلانها قبل كدة بس العربية اللي بقولك عليها فعلا كنبة شكلها كانت قلبة جامدة كمان مش حادثة عادية ومعمولها بطريقة مش ظريفة

[Eslam.Elrefaey]

فعلا تعمل حدود ال 25 وجيبها لو مظبوطه اصل بالرقم ده هتجيب ايه غيرها وعربيات مصر بقت كلها مشمومة اصلا واهو تبقا عارف الى فيها

[hazoom2006]

الحادثه كانت اية مقلوبه ولا خبطة فى الشنطة .. مغيره نص امامى اعرف برده فيها ايه
كل اللى بيبيع عربيه دلوقتى بيقول فبريكة جوه طب والعربيات اللى عندى السمكرية كل يوم اللى بترش دواخل دى بتروح فين

[Delta Force]

انا كلمت صاحبها و قولتله اخر كلام عندى 25 الف و قولتله سئلت بره قالولى السعر ده و هوا موافق بس معرفش اتوكل على الله ولا لأ لأن فيه صاحبى عايز يشتريها كمان
و بالنسبه للحادثه نوعها ايه معرفش بس هيا حاليا تمام التمام
حد ادامه برضه حاجة زى كدة و متصلحه بالشكل دة ؟ و بكام و اتباعت ولا لسه ؟ و فين ؟

[eng.m7md.ali]

اتكل علي الله وهاتها مدام بالسعر ده

حتي لو فكرت تبيعها بعد كدة هتعرف تبيها بسهولة بنفس السعر يعني مش هتخسر وممكن تكسب كمان

بس اعرف فيها ايه بالظبط او حصل فيها ايه وقولنا