الاعلانات دى نصب ولا ايه ؟

[EgyArmy]

بقالى فترة بدخل على النت بلاقى عربيات متصورة من برة و جوة و صور لاول مرة تتعرض على النت و عربيات متعدله كويس جدا يعنى توحى بأنها بتاعة واحد اجنبى بس بنمر مصرية و السعر بيبقى قليل جدا يعنى مثلا جين تو 2012 ب30 الف و فابريكة كل حاجه
المشكلة ان مفيش ارقام تليفونات
و كمان صيغه الاعلان فى الوصف اما بالانجليزى او عربى مكسر كأنه مترجم من جوجل
الاعلانات دى منتشرة فى موقع دوبيزل و اوبن سوق ايه الحكايه ؟
زى كدة مثلاhttps://egypt.dubizzle.com/ar/cars/h...NlX19ndGU9MQ==

[mikho83]

نفس القصة بشوفها، بس لما بلاقي ارقام مش زي السوق بطنش

[muhmado_furp]

في ناس كتير بيعملوا مقالب في ناس بحط اعلان وهمي ورقم تليفون حقيقي
لواحد متغاظين منه او واحد صحبهم عملين فيه مقلب او كده
وهتلاقي الصيغه متكررة في كذا اعلان
وكمان معظمهم مش بيغطوا رقم النمر
وكذا حاجه هتكشف انه تهريج او نصب

[abokoko]

ممكن يبقي مش حقيقي
ولو حد اتاكد يبقي يعمل تقرير في الموقع المعلن به لينقذ الاخرين من النصب


لكن احيانا بتكون عربيات داخله تربتك او عربيات بدون افراج جمركي طلبه او دبلوماسيين
واللي هيشتريها عليه ان يتصرف مقابل السعر المنخفض جدا

[eng-mohamed]

اي كلام اعلانات وهمية

[jackson_75]

ده ولا مقلب ولا حاجة ، دوول بيبقوا زى الناس اللى بتبعتلك على أيميلك جواب يقولك مبروك كسبت مليون دولار وأبعت أسمك وعنوانك وحاجات زى كده وفى الغالب هذه الانواع من الاعلانات بيبقى الغرض منها تراسله يأما عشان يبعتلك جوابات كتير سبام وديه ناس بتبقى شغلتها كده وبتقبض على الايميلات السبام ، أو بيطلب منك بيناتك وبيستغلها فى أى شى زى اسمك ورقم بطاقتك وعنوانك .. لكن الموضوع ملهوش علاقة بواحد عامل مقلب فى واحد أو الكلام ده .. كان زمان المقالب دى بتتعمل برقم التليفون مش بالايميل