عايزة نصيحة ف شراء عربية

[naddo]

سلـــــــــــام عليكم

انا محتاجه اشتري عربية تكون ف حدود 20 الف
كنت بفكر ف سوزوكى ماروتى بس انا اتقالى انى هاتعب فى بيعها وكمان خفيفة
ونصحونى ب 127 بس انا حساها قديمه اوى
شوفت الجولف برضه
وكان نفسي ف بونتو بس غالية شوية ف سيباها كا اوبشن انى ابيع العربية الى هاجيبها بعد كده واجيب بونتو
مستعمل برضه
ممكن بأه حد يقولى مميزات وعيوب كل عربية وايه الافضل ليا انى اشترية
اولا مش عايزه حاجه تتباع بصعوبة وتخسرني فلوس كتير
عايزه حاجه ثابته مش خفيفه
مش بسافر كتير او يعنى نادرا مره او مرتين فى السنة مصر اسكندرية بس
شكرا ليكم مقدما

[tarekmomo]

انا شايف ان الماروتى مناسبه جدا لحضرتك حجمها حلو وسهل تحفظى ابعادها وسهله فى الركنه وقطع غيار متوفره واسعارها معقوله وشكل حديث نسبيا وبالعكس الماروتى عربيه سهلة البيع وعليها طلب وبالنسبه انها خفيفه انا شايف انها عاديه وهى معقوله لحد سرعة 80 كم واعتقد ان حضرتك مش هتجرى بالعربيه فى المرحيه الاولى

[jotime]

لو تسمحيلى اشارك حضرتك فى الموضوع لانى معايا تقريبا نفس المبلغ وعايز اشترى عربية تانية خصوصا انى لاافقه فى البيع والشراء بتاتا .ويارب حد يساعدنا فى الموضوع ده تحياتى

[samyomar]

علشان متخسريش فى البيع بعد كده يبأه الماروتى مناسبه جدا لان اعادة بيعها جيده جدا . كمان قطع غيارها متوفره و اسعارها معقوله
بالنسبه باه لموضوع الثبات طالما انتى مش بتسافرى كتير يباه بلاش تشغلى نفسك بالموضوع ده اوى . و بعدين الماروتى اعتقد يعنى لحد سرعة 80 او 90 مفيهاش مشكله
كان نفسى اوى انصحك ب لادا 2105 عربيه ممتازه جدا كثبات و قطع غيار و اعادة بيع و وسع صالون و شنطه بس مش هتكون مناسبه بالنسبالك اوى علشان هى مش عربيه حريمى اوى و دركسيونها ناشف حبتين تلاته
بالتوفيق ان شاء الله

[swimmer25]

ممكن كيا برايد بس أعلى بسيط..دوري ممكن تلاقي بس معرفش معلومات كتير عنها غير إنها طبعا أتقل وأثبت من الماروتي وموتورها أقوى وأوسع

[هيثم الجهيني]

اشتري ايه في حدود 40000 الي 55000

السلام عليكم ورحمة الله وبركاته
انوي شراء سيارة في حدود 40000 الي 55000
اريد نصيحتكم في الماركه والموديل وعلي ان تكون
موفرة في البنزين
قطع غيار متوفرة
سهلة الصيانه سواء داخل او خارج التوكيل
سهولة اعادة البيع اذا حصل اي ظرف
شكرا

حاليا امامي كيا ريو هاتش باك اوتوماتيك 2003 ماشيه 115000كم و حالتها ممتازة معروضه علي 50000جم
يهمني رائكم