رايكم فى شراء عربية بمبلغ 25000

[jotime]

اسعد الله مسائكم وكل سنة وانتو طيبين بمناسبة الاعياد لكل الناس
الحكاية وما فيها معايا عربية داتشيا نوفا مكتوبة باسم اختى بس هيا مسافرة .وبصراحة كده اتنفخت فيها مصاريف وبقالها اكتر من سنة مركونة لان المكنة بتاعتها ضعيفة جدا عن عزم العربية اتنصب عليا فيها من اسلام بتاع الرينو فى ابو العلا ولحد دلوقتى مشفتش الورق بتعاها اسلام مضيعه .المهم معايا 25000 الف جنيه .عايز اشترى عربية .محتاج رايكم 25000 اجيب بيهم ايه من العربيات دى من ناحية دورة التبريد وقطع الغيار للعربية وسهولة تصليحها


ماذدا 323
فيات 128
نيفا
لادا
اونو
بيجو 504
قدامى حل تانى انى اجيب مكنة جديدة 1600 سىى سى واصرف شوية على الداتشيا بجد محتاج رايكم ياجماعة انا مليش فى البيع والشراء

[gade2]

انا ارشح الاونو او كمان ممكن تفكر ف سويفت تسعينات
بس فى الحاله دى يبقى انت ركنت الداتشيا زى الخرده
فانا افضل انك تشوفلها حل فى موضوع الورق وتبيعها بعد كده تشترى حاجه كويسه
ربنا يوفقك

[aboomar22]

انا لو مكانك احاول ازود الفين ولا ثلاثة واجيب اكسيل هاتش باك

[jotime]

شكرا ليكم بجد على النصائح الحلوة دى . اقابل ميكانيكى فى شبرا متخصص فى العربيات الفرنساوى والرومانى . قالى فى مستورد فى عين شمس فى شارع العشرين عنده ماشاء الله مكنات كتير
وقالى كمان ممكن نركبلها مكنة اوتوماتيك والله عن نفسى هابقى مبسوط من الموضوع ده يارب يطلع صح ومش غالى لو حد عنده خبره فى موضوع تغير مكن العربية من مانويال الى اوتوماتيك

[م أحمد]

غير الديسك و الاسطوانة ب 500 جنيه
المكنة مش ضعيفة على العربية الا اذا الموتور مفوت و ضايع فى التفويت كمان

[jotime]

لاابدا هو مش مفوت المكنة كانت بحالتها هى بس مش قادرة تمشى تقيلى انا خمنت ان العزم بتاعها ضعيف عن انه يقوم العربية عموما شكرا على النصيحة الحلوة دى
بس واقع فى مشكلة الورق بتاع الموتور بقاله سنة ضايع وحصل حوار كبير كده فى ابو العلا ( خناقة كبيرة )
فمش من الساهل انى انزل ابو العلا لوحدى هاتنش نم الاخر
بفكر اغير المكنة واشترى دماغى سمعت انه ممكن يركب موتور لانشيا 1300 مع تعديل فى الكبالن ( كبالن فيرنا ) وتابلو فيرنا كمان . والموضوع شدنى قوى ادينى هاشوف لما اتفرج وهابقى اشاركم بال الى حصل.