انا ف مصيبة كبيرة اوي اوي حد يلحقني

[PoP Sameh]

انا شوفت عربية من علي النت
نزلت رفعتها ف بنزينة تمام و جبت واحد بص عليها تمام
العربية كانت باسم واحد اسمه مصطفي و عامل توكيل لمحمد
و محمد عملي انا توكيل
المصيبة ان انا اقل من 21 سنة
في ناس دلوقتي بتقولي ان التوكيل ملوش قيمة
مقدرش يعني انقل ملكية باسمي حتي لو والدي معايا واصي عليا
ايه رأيكم ف الكلام ده يا رب تساعدوني انا مرعوب
ايه الحل دلوقتي ??????????

[heshmbzm_f]

خالى توكيل العربية باسم والدك بالتوكيل ادارة تقدر تسوقها ولما تجيب سن 21 الوالد يعمل نقل ملكية على طول
واكيد والدك مش هايكلك يعنى هاتسوق وانت مطمئن
والله الموقق

[PoP Sameh]

ازاي حضرتك اخلي التوكيل باسم والدي
اذا كان التوكيل دلوقتي باسمي انا !!!!!!

[PoP Sameh]

و الناس بتقول ان انا اقل من 21
ف مينفعش انقل ملكية الرخصة اللي هتنتهي ف شهر 9
و مقدرش اعمل اي حاجة الا لما اكمل 21 و انا 19 !!!!!!!!

[heshmbzm_f]

كلم 090076666
مستشارقانونى وهايرد عليك
ان شاء الله خير

[Abo_Mazen]

هو الغبي اللي في الشهر العقاري إزاي عمل توكيل لقاصر ؟؟؟؟!!!!!

ده إنت تروح الشهر العقاري تخرب بيته على الحركه الغبيه دي

[hugan]

هو الغبي اللي في الشهر العقاري إزاي عمل توكيل لقاصر ؟؟؟؟!!!!!

ده إنت تروح الشهر العقاري تخرب بيته على الحركه الغبيه دي

صح
نت ازاي اتعمل توكيل اصلا وانت قاصر
الموظف هايروح في داهيه
عامه خلي البائع يعمل لوالدك توكيل جديد

[Abo_Mazen]

صح
نت ازاي اتعمل توكيل اصلا وانت قاصر
الموظف هايروح في داهيه
عامه خلي البائع يعمل لوالدك توكيل جديد

ما هي ملهاش حل غير كده وده أقصر الطرق

[PoP Sameh]

عمال اسأل ناس كتير جدا جدا
و الكلام كله متناقض تماما
ناس تقول عادي التوكيل لقاصر بس والدك يروح معاك واسي ف نقل الملكية
ناس تقول التوكيل لقاصر غير ساري (ملوش لزمة)
الفكرة ان اصلا الرقم القومي مش بيان اساسي ف التوكيل ف السن هيتعرف منين

[PoP Sameh]

يا جماعة بالله عليكوا انا مرعوب
اي حد عنده معلومة عن الموضوع ممكن تفيدني
ايه الحل انا اتعملي توكيل و انا 19 سنة
??????:

[رامي مصطفى]

استفسار
هوا لو راح المرور وجدد الرخصه هيعرفوا منين انو قاصر ولا هياخد بالو
الا لو شك في ان شكلوا صغير
ممكن تلبس بدله وتكبر شكلك شويه
مابيبصش غير ع الاسم ع التوكيل والاسم ع البطاقه
ممكن تعدي

[Abo_Mazen]

السؤال لأحد المحامين المتبرع بالفتاوى القانونية على أحد المنتديات المعروفه ..

السؤال :

هل يجوز عمل توكيل خاص للاخ القاصر؟؟


توكيل القاصر,
هل يجوز عمل توكيل خاص للاخ ذو الـ 19 عام ام لا؟ وما هي شروط عمل التوكيل؟ وهل يتطلب عمل التوكيل حضور الطرفين ام لا؟
ولكم جزيل الشكر




الإجابة :

عليكم السلام

لا يجوز توكيل القاصر لأنه لا يملك
تمثيل نفسه أمام الغير .. فكيف يمثل غيره ؟

والتوكيل بصفة عامة لا يحتاج الى وجود الوكيل
ويمكنك عمله بمفردك .............


إنتهى .......







بالنسبة للأخ اللي بيقول يروح المرور وممكن تعدي ..أنا عايز أقوله إنه ممكن يروح المرور يلبس قضيه ..عشان وارد قوي إن المرور يتهمه إن التوكيل ده مزور ..

دي غلطة موظف الشهر العقاري ..موظف الشهر العقاري شغلته أصلا إنه يتحقق من المستندات ويراجع كل حاجه فيها زي تواريخ الميلاد والأسماء والبيانات الشخصية ..كل حاجه ..عشان كده مفيش غير إن البائع يستدعى لعمل توكيل آخر صحيح ... ويكون الأمر بالتنسيق مع موظف الشهر العقاري حتى لو دخل الموضوع في إبتزاز لموظف الشهر العقاري إنه يطلع معاه بالدفتر عشان يتعمل توكيل تاني صحيح ..خلي بالك ..دي غلطة موظف الشهر العقاري ..

وأنا شايف إن هو يروح لمدير الشهر العقاري يقعد معاه ويحكيله على الموقف ويحاول يوجد تسويه مع مدير الشهر العقاري للمشكلة دي

[elmo7areb]

الموضوع سهل وبسيط يا باشا انا حصل معايا الموقف دة

هتجيب الراجل الى عمل لك التوكيل وتاخد والدك معاك وتعمل الغاء للتوكيل القديم علشان الراجل الى باع يكون مطمن وتعمل توكيل جديد بأسم والدك

حصل معايا نفس الموقف وكان عندي 18 سنة والعربية فضلت معايا شهر وعملنا اقرار على نفسي اني كنت مسئول عن العربية فى الفترة الى العربية كانت معايا والراجل الى اشتريت منه خد 300 جنية عافية كدة علشان يعمل توكيل لاخويا الكبير

[Magoda]

طب متروح تعمل توكيل بيع لوالدك وانتهى الحوار وروح لنفس الموظف

[Abo_Mazen]

طب متروح تعمل توكيل بيع لوالدك وانتهى الحوار وروح لنفس الموظف

يا بيه ما إحنا قولنا قاصر ..يعني لا يتعمله توكيل ولا يعمل توكيل ..يعني التوكيل اللي إتعمل للراجل صاحب الموضوع توكيل فاسد