استشارة عاجلة من اهل الخبرة

[egyplan]

الاخوة الكرام
السلام عليكم ورحمة الله
اتفرجت على سيارة ولاحظت ملاحظتين وارجوا الافادة بخبراتكم:
1- وجدت ايرباج التابلوة (امام الجالس جمب السائق) الغطاء ملخلخ والايرباج فى التارة سليم
2- القبة الحديدة التى يركب تحتها المساعد الامامى والتى يتركب عليها البطاحة وجدت بها شرخ
فهل هذه تعتبر خطيرة؟
3- السيارة من الخارج فابريكة ماعدا الاجناب رشة نظافة
4- الموتور متركب موتور استيراد لان القديم باظ لان السيارة كانت مرفوعة

برجاء الافادة وخاصة موضوع القبة الحديدية هذه

[Abo_Mazen]

إيه علاقة رفع السيارة بتلف الموتور القديم ؟؟؟. ها ..سؤال مهم برضه ..

ولما الغطا بتاع الإيرباج ملخلخ ده إيه علاقته برضه بإن العربية مغيره مكنه ..؟؟؟أنا بسأل السؤال ده عشان دماغك تروح في إتجاه إن العربيه تكون غيرت مكنه بسبب حادث مثلا ...

واضح إن المساعدين بتوع العربية دي متهانين عشان كده عملو مشكلة في الفخد وشرخت

[egyplan]

إيه علاقة رفع السيارة بتلف الموتور القديم ؟؟؟. ها ..سؤال مهم برضه ..

ولما الغطا بتاع الإيرباج ملخلخ ده إيه علاقته برضه بإن العربية مغيره مكنه ..؟؟؟أنا بسأل السؤال ده عشان دماغك تروح في إتجاه إن العربيه تكون غيرت مكنه بسبب حادث مثلا ...

واضح إن المساعدين بتوع العربية دي متهانين عشان كده عملو مشكلة في الفخد وشرخت

الاستاذ المحترم مازن

1- حسب كلام صاحب السيارة ان هذه السيارة كانت لاسرة ثرية وتعيش بامريكا وكانوا رافعين السيارة فترة طويلة وعندما جاؤا مصر ابنهم شاب صغير شغل السيارة بدون عمل تغيير للزيت وخلافة فالموتور قفش وباظ فركبوا ماتور جديد وراحوا بايعيين السيارة له منذ حوالى ثمان شهور.

2- الايرباج بتاع الراكب جمب السائق ملخلخل وواضح انه ضرب قبل كده بس بتاع السائق سليم

3- صاحب السيارة بيقول انه لسا مركب جوز مساعدين بالسوست منذ فترة قريبة وواضح فعلا ان المساعدين القدام هما اللى نشفوا وشرخوا القبة الحديدة اعلى المساعد والتى يركب بها ثلاث مسامير المساعد والبطاحة

العربية فابريكة من جوا بس موضوع القبة المشروخة ده شكله يقلق
فهل فعلا القبة دى تعمل مشاكل كبيرة؟ وهل تعتبر من العيوب الخطيرة فى السيارة؟

[Abo_Mazen]

الاستاذ المحترم مازن

1- حسب كلام صاحب السيارة ان هذه السيارة كانت لاسرة ثرية وتعيش بامريكا وكانوا رافعين السيارة فترة طويلة وعندما جاؤا مصر ابنهم شاب صغير شغل السيارة بدون عمل تغيير للزيت وخلافة فالموتور قفش وباض فركبوا ماتور جديد

2- الايرباج بتاع الراكب جمب السائق ملخلخل وواضح انه ضرب قبل كده بس بتاع السائق سليم

3- صاحب السيارة بيقول انه لسا مركب جوز مساعدين بالسوست منذ فترة قريبة وواضح فعلا ان المساعدين القدام هما اللى نشفوا وشرخوا القبة الحديدة اعلى المساعد والتى يركب بها ثلاث مسامير المساعد والبطاحة

العربية فابريكة من جوا بس موضوع القبة المشروخة ده شكله يقلق
فهل فعلا القبة دى تعمل مشاكل كبيرة؟

طيب إيه اللي يخلي إير باج تفتح والتانيه لأ ؟؟؟؟

وبعدين هي العربيه كانت مرفوعه في أمريكا ..وبعدين عشان تتشحن ..ما مشيتش خالص في أمريكا لغاية الميناء حتى اللي إتشحنت منها ؟؟؟..وبعدين هي جايه هنا وتقفش لما إبنهم شغلها ..

عايز رأيي ..رايي الشخصي يعني ...إخلع من العربية دي عموما

[egyplan]

هو بيقول ان العربية كانت مرفوعة فى مصر واصحابها كانوا فى امريكا
انا تقريبا مش هشترى هذه السيارة بس كنت عاوز اعرف معلومة فنيه فى الموضوع ده
هل موضوع شرخ القبة ده يعتبر مشكلة كبيرة؟

[Abo_Mazen]

هو بيقول ان العربية كانت مرفوعة فى مصر واصحابها كانوا فى امريكا
انا تقريبا مش هشترى هذه السيارة بس كنت عاوز اعرف معلومة فنيه فى الموضوع ده
هل موضوع شرخ القبة ده يعتبر مشكلة كبيرة؟

حسب حجمه وشكله ....