ما هيا السياره الافاضل في حدود 20 الي 35 الف

[Naizak]

الساده الافاضل
بعد وافر التحية والتقدير

انا عضو جديد معاكم هنا وبصراحه المنتدي ده مرجع جيد جداا للناس المبتدئين والخبره كمان
انا ناوي اشتري عربيه بس انا مفيش خبره خالص يعني لسه جديد عمري متعاملت مع عربيه
بس نظريا عندي معلومات كتيره عمليا ابيض وحبيت اشتري عربيه
وتكون في حدود من 20 الف لحد 30 او فوق ال30 بشويه 32 34 كده وبصراحه انا بحب الهاتشباك فا لحد دلوقتي العربيات الهاتشباك الي بحثت عنها وفي نفس الفئه السعريه
(كيا برايد/ سوزوكي مروتي/ سوزوكي التو / جولف1 / جولف 2 / بولو / ابيزا 94 / فيات بونتو / فيات اونو / سكودا فيليشيا /....... )
فا من وجهة نظركم انهي عربيه مناسبه من حيث( اني مبتدئ - وعايز عربيه حالتها كويسه مش اجبها واقعد اظبطها واركبلها - وقطع الغيار - وكده )

انا بقارن ما بين ( سوزوكي ماروتي - وابيزا 94 ) الماروتي حديثه يعني مديل 2007 2008 2010 وقطع غيار رخيصه وبنين مفيش بس الابيزا شكلها افخم بكتيرررر فمش عارف
ياريت الافاده

[mopop]

كيا برايد

[A7medelfe2y]

الماروتي افضلهم من حيث االحاله والموديل وقله الاعطال والصيانه
وممكن تركب حاجه 2011 ولا حاجه تكون عامله 32 او 33 وتبقي مش محتاجه مصاريف
لو قدمت شويه كنت اديتك واحدده 2011 حالتها ممتازه وب30000 بس
المهم ركز علي الماروتي لانها فعلا هتريحك لانك لسه جديد

[aw2100]

سكودا فيليشيا افضل عربية متينة وقطع غيارها متوفرة وبلاش الابيزا 94 ملهاش قطع غيار

[tasaka]

كيا برايد حلوه و الفليشيا برضه حلوه
و زود على لائحه المقارنه .. هونداى اكسيل هاتشباك

[Naizak]

اده معقول حد رد علي موضوعي انا قلت فيها اسبوع
شكرا قوي يا رجاله

بس من الردود باين ان الكيا برايد ناس بتشكر فيها والماروتي والفليشيا
الابيزا الي انا كنت جاطت عيني عليها باينها متعبه
خلاص ممكن افكر يا ماروتي يا فليشيا وفي استاذ رحلي هوندا سيفيك هاتشباك هروح ابحث عنها
بس الناس الي بتقول الماروتي الماروتي حاسس انها بناتي اكتر مش عارف ليه وهل ينفع اسافر بيها معني اصلا انا جايبها علشان الشغل وعلشان اوصل الحاجه يعني مسافات صغيره جدااا السفر ممكن مره في السنه او ممكن لا كمان :)

[A7medelfe2y]

يا سيدي الفاضل انا فضلت لمده 3 شهور اسافر لالماروتي يوميا من طنطا ل الشرقيه 5 ايام في الاسبوع
عربيه بجد جميله جدا
لانك هتشتري حاله شاذه وموديل عالي وعربيه لسه في ريعان شبابها بسعر هتلاقي المنافس لها فيه يجيب عربيه قربت تسلم نمر
توكل علي الله وهتدعيلي بعدها
خد القرار وعلي مسؤليتي الشخصيه

[Naizak]

حبيبي يا ابو حميد
طيب اجيب ماروتي موديل كام 2007 2008 2010 2011 ولا كلهم يعتبر زي بعض

[Samvet813]

اعتقد ان كلهم زي بعض لكن تتوقف علي الحالة