التسجيل في الشهر العقاري والرخصه

[Naizak]

السلام عليكم

انا عايز بس اعرف علشان معنديش خلفيه عن الموضوع ده
انا لما اشتري عربيه مستعمله طبعا فلوسها هتدفع للبائع
طيب علشان اسجلها باسمي في الشهر العقاري هتكلفني كام
وايه هيا الخطوات وبعد كده ينفع امشي برخصه صاحب السياره
الي اشترتها منه ولا ارخصها باسمي وبردو الخطوات وهتكلف كام
علشان بس الواحد يبقي عارف هيدفع كام بالظبط
وكمان العربيه المستعمله محتاجه اي مصاريف تاني ولا كده تمام
وشكرا

[mohamed ataa]

حضرتك كدة هتعمل نقل ملكية فى المرور
1-الشهر العقارى اولا وتعمل عقد مسجل "تبيع لنفسك يعنى وبتكلف على حسب موديل العربية"
2-تروح حضرتك المرور اللى تابع ليك ومعاك العقد وشهادة المخالفات اللى بيجبهالك اللى حضرتك اشتريت منه العربية
3-تفحص العربية فى نفس مرور حضرتك وبعدين تروح المرور الاصلى اللى فيه ملف العربية تعمل مطابقة بصمة وتطلع على المرور بتاع حضرتك ساعة وبتاخد الرخصة

[acc_gr2004]

من واقع اللى حصل معايا : كنت شارى عربية مستعملة ولسه فى الرخصة سنتين

1 - روحنا المرور اللى فيه العربية (انا والبائع)
2 - عملت عقد مسجل (يذكر فيه ثمن العربية وهمى - تقريبا 1000 جنيه - بس كان معاه معرفة فى المرور .
3 - تقريبا دفعت 300 جنيه رسوم العقد او اقل حاجة بسيطة
4 - مشيت برخصة البائع سنتين ومعايا فى العربية صورة العقد المسجل
5 - بعد مرور السنتين ذهبت للمرور بتاعى وتم استخراج رخصة باسمى

[svneleven]

راعي ان العقد المسجل مدته شهر و قبل الشهر ما يعدي لازم تنقل ملكية في المرور و تنقل العربية باسمك. الا لو ما مضتش مشتري في العقد المسجل ممكن تعد بيه مدة كبيرة زي ما تحب لكن في بعض الاحيان المرور بيرخم و يقولك ان العقد المشجل ده ما ينفعش عشان ما فيش امضاء للمشتري. رايي تسجل و تروح تنقل العربية باسمك في المرور علي طول و كده كده الضريبة و التامين بتوع السنتين و نص هيتنقلو علي الرخصة الجديدة.