هاي يا جماعه عاوزة اشتري عربية مش عارفه

[emy emy]

عاوزة عربيه حلوة في حدود 45 الف مش عارفة اجيب اية حد ينصحني يا شباب لكم خبرة بالعربيات الكويسة متعطلش كل شوية ومينفعش اقف بالشارع وهي عطلانه طبعا مش هعيط ولكن ممكن تلاقوني فتحت الكبوت و قعد اصلح فيها و اجيب اجلها هههههههه حد هيرد عليه ولا هتنفضولي

[amr011111]

هاى
هاتى ماروتى زيرو
او التو زيرو مع تقسيط جزء
باى

[tarekmomo]

هيونداى اكسنت موديل 2000 وانسى

[mohammedabdallh]

ارفعى المبلغ لحد 50 وهاتى كرستاله

[د.محمود صلاح]

طبعا الأفضل اوتوماتيك عشان الزحمة وطبعا يكون يها مكيف عشان الحر .. بس المبلغ ده قليل على كده حاولي ترفعيه شوية ..
عندك الفيرنا اوتوماتيك ..
اكسنت او اكسيل بس مش هتلاقي منها اوتوماتيك كتير ..
تويوتا عيون 1999 مثلا ..
والأمثلة كتير

[محاسب صعيدى]

متابع

[A_bauomey]

ألتو زيرو
أو فيرنا 2007 مستعمل

[Sherif Mandoor]

accent 2000

[m000dy]

عربية فى حدود 45 انا اسف انى باقولك هاتى ماروتى
فى ظل ارتفاع الاسعار غير المبرر والهبل اللى بيحصل فى السوق ده مفيش غيرها
اولا لانك فى مصر فماتركبيش عربيات قسط ممكن تنزللى تانى يوم تلاقى حد خابطهالك او مخربشهالك ده فى حالة انك نزلتى لقيتيها أصلا
بالنظر لمشكلة الاعطال فاالحل الوحيد لتلافى النقطه دى ان يكون موديل العربيه عالى وفى فرق بين عربيه مابتعطلش عشان موديلها عالى وعربيه اعطالها قليله عشان تصنيعها كويس فبما انك بنت خليكى فى الحل الاولانى افضللك
الماروتى عربيه بناتى وسهلة البيع واقتصاديه فى التشغيل ومش محتاجه ميكانيكى متخصص وعلى ادك
ليكى شوق فى حاجه تانيه وفى دماغك ماركه محدده نفسك تركبيها روحى على القسم الخاص بيها هاتلاقى اجابه لاسئلتك بس نصيحه ... ماتخليش حد يلعب فى دماغك حددى احتياجاتك ووفقيها مع امكانياتك وتوكلى على الله

[Mohamed Desoky]

فى ناس مقتنعه ان الماروتى دى عربيه وكمان مقتنعين ان اليابان بتصنعها كل ده وسؤال واحد ليه الماروتى ارخص عربيه فى العالم دى كمان ارخص من الصينى اقل عربيه صينى شانا بنى و80 الف ازاى تيجى ؟الماروتى دى توك توك بلا معنى وخصاره فيها الفلوس

[Eslam.Elrefaey]

دايو لانوس موديل حديث قدر الامكان هو أحسن اختيار

[J A G U A R]

لانوس 99

[S O P H O S]

زودي وهاتي فيرنا