وجهه نظر (( مع الاعتذار للعملاق محمد صبحى ))

[checo]

قرأت فى المنتدى عن بعض الاخوه و الزملاء الاعزاء اللى يشرفنى انى اكون دا ئما فى وسطهم ان حمله خليها تصدى و موديلها يعدى دى من ابتكار التجار اللى عاوزيين يبخسوا السيارات حقها علشان الحمله تصب فى الاخر لمصلحتهم الشخصيه انهم يشتروا بالغالى و بلغه السوق يسقعوها لغايه لما السوق يشد و يبيعوا بالمكسب

عارفيين يا جماعه ده مش منطق التجار ابدا لان التجار ليهم حسابات تانيه كلنا عارفينها و خصوصا الناس اللى دارسه تجاره و هو المعدل الزمنى لسرعه دوران رأس المال و ده اللى يهمهم فى الاول و الاخر

انا ها الخص الموضوع كله من وجهه نظرى فى جملتين بس فى المفيد

اولا : الشخص اللى يمتك سياره طبعا عاوز سوق المستعمل يبقى نار وده علشان انه اولا يضمن فرصه اعاده بيع لسيارته فى اى وقت و مش بيفكر فى نسبه الاستهلاك بل بالعكس بيفكر انه بعد ما ركب و استمتع عشر سنوات يبيع بمكسب لا يقل عن 10 الاف جنيه

ثانيا : الناس الغلابه اللى يشرفنى انى اكون واحد منهم اللى احلامهم انهم يركبوا حتى فيسبا بس ترحمهم من اذلال كرامتهم و كرامه اسرتهم فى المواصلات العامه و السيرفيس الناس دى فعلا بتتنشق على اى خبر عن نزول اسعار السيارات حتى لو كان وعد من مسؤل ان الجمارك هتبقى زيرو عام 2019 يعنى حتى حلمه ممكن مش يبقى ليه انما ده لأولاده و ممكن يكون لأحفاده هما دول الفئه اللى بتناضل الان و لأخر نفس ان السوق ينزل مش علشان الناس تفلس لاقدر الله و انما علشان تحويشه العمر و الجمعيات و بيع دهب المدام يكفوا حتى انه يجيب 128 موديل اوائل السبعينات

اعذرونى على الاطاله بس دى وجه نظر

_________________
- ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى

إدارة المنتدى2

[eg_falcon]

10000000000000%

[kh_talaat]

معاك حق ميه في الميه وأكذوبه ان التجار هما اللي مطلعين حملة خليها تصدي كذبه خايبه قوي ومفقوسه وطبعا كلنا عارفين مغزى الأكذوبه


عشان كدة يالا نقول كلنا


خليها تصدي وموديلها يعدي

[yaskhl]

للاسف لو نظام المستعمل زى باقى الدول كل مايقدم بتقل قيمته وسعره كنا ارتحنا. لكن نفترض ان واحد منا اشترى سيارة مستعمله قبل هبوط الاسعار مثلا بـ 35 الف وقعدت معاه سنتين وصرف عليها مثلا 3 الاف جنيه. وجت الاسعار هبطت او السوق (ريح) بلغة التجار والسماسرة. هل هاتبيع بـ 30 ألف أو أقل؟
مع الاعتبار ان الظروف المادية لصاحب السيارة محدودة زى اى حد بيتمنى الاسعار تنزل علشان يشترى وخلاص. وان اللى هايبيع ده مثلا عاوز يجيب عربيه زيرو يعنى اقل مبلغ هايدفعه هو ضعف تمن العربيه اللى باعها وممكن اكتر.
انا عاوز اوصل لنقطة ان المشكلة موش فى صاحب السيارة ولا اللى عاوز يشترى بارخص الاسعار. المشكله فى الاوضاع غير المستقره لسوق المستعمل بدون اسباب موضوعيه. بالاضافه الى ان السيارات الجديدة مارخصتش اصلا!!!!!!!!!!!!
يبقى احنا المفروض نوجه كلامنا لمين؟

[checo]

للاسف لو نظام المستعمل زى باقى الدول كل مايقدم بتقل قيمته وسعره كنا ارتحنا. لكن نفترض ان واحد منا اشترى سيارة مستعمله قبل هبوط الاسعار مثلا بـ 35 الف وقعدت معاه سنتين وصرف عليها مثلا 3 الاف جنيه. وجت الاسعار هبطت او السوق (ريح) بلغة التجار والسماسرة. هل هاتبيع بـ 30 ألف أو أقل؟
مع الاعتبار ان الظروف المادية لصاحب السيارة محدودة زى اى حد بيتمنى الاسعار تنزل علشان يشترى وخلاص. وان اللى هايبيع ده مثلا عاوز يجيب عربيه زيرو يعنى اقل مبلغ هايدفعه هو ضعف تمن العربيه اللى باعها وممكن اكتر.
انا عاوز اوصل لنقطة ان المشكلة موش فى صاحب السيارة ولا اللى عاوز يشترى بارخص الاسعار. المشكله فى الاوضاع غير المستقره لسوق المستعمل بدون اسباب موضوعيه. بالاضافه الى ان السيارات الجديدة مارخصتش اصلا!!!!!!!!!!!!
يبقى احنا المفروض نوجه كلامنا لمين؟

اخى و صديقى العزيز yaskhl الموضوع من البدايه للنهايه موجه الى الضمير الغائب و كلنا عارفيين ان الله لا يغير ما بى قوم ما لم يغيروا ما بأنفسهم اولا

و شكرا على الاهتمام و الرد

_________________
- ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى

إدارة المنتدى2

[checo]

لسه الامانى ممكنه

الكثير من اخوتى الاعضاء راسلونى على الخاص لتوضيح وجه النظر الخاصه بهم ان الحاله التى و صل اليها الوضع الان نتيجه لسياسه الدوله و هنا لى وجه نظر . احب اشارك الجميع بها

اعتقد ان الدوله مش مكتوب فى دستورها ان الاوضاع فى السوق تكون على وضعها الحالى و على هذا الاساس فأن الدوله غير مسئوله عن ما وصل اليه حاله السوء من جشع .

اه انا معاك انها مش مفروض انها تتخلى عن دورها كرقيب عن حاله السوق انما اذا تنازلت عن هذا الحق سواء برضاها او بغير رضاها فأعتقد انه من الواجب علينا نحن كشعب واحد ان نقوم بهذه المهمه و لا تكون الدوله هى الشماعه التى نلقى عليها جميع المسؤليات

احنا كمان مشتركين مع الدوله فى تحمل خطاء الانفلات الغير مبرر فى حركه السوق على مختلف قطاعاته

طيب اذا كانت هى دى المشكله و احنا حطينا ادينا عليها حسب التفكير المنطقى اننا نحط خطوات مدروسه للحل

و من وجهه نظرى ان الحلول كالاتى و على باقى الاعضاء و ضع او تعديل هذه الحلول على حسب ما يترأى لكل عضو :

1 - ان يراعى كل شخص ينتمى الى تراب هذا الوطن الله قبل كل شىء فى تعامله

2 - تفعيل دور مراكز و منظمات الدوله لحمايه حقوق المستهلك و التصدى للجشع السائد فى السوق على مختلف القطاعات و الرد القاطع و الحازم على كل من تسول له نفسه فى التلاعب فى حق هذا الشعب العريق

3 - تفعيل دور المنظمات و الهيئات الخاصه فى متابعه حركه السوق و الابلاغ عن المخالافات

4 - تفعيل دور وسائل الاعلام فى تحريك القضيه على المستوى المحلى و العمل على توعيه الشعب بحقوقه و واجباته

5 - تكاتف الشعب مع بعضه فى حملات ضد جشع التجار مثل حملات ضد الجشع و ضد الغلاء و اخيرا و ليس اخرا حمله خليها تصدى

و على ما سبق و ذكرت اعتقد انه على رأى منير اكيد (( لسه الامانى ممكنه ))

و فى النهايه اهى و جهه نظر

[checo]

شكرا على المرور للجميع و نواصل معا الحمله و ندعو لله ان يوفقنا

[checo]

بدايه الغيث قطره

الحملة بدأت تثمر و النتيجه عند كل من زار معرض الاهرام للسيارات و على رأى مشجعى الاهلى الله حى و الباقى جاى