ايه الورق المطلوب للترخيص؟

[ziohausam]

السلام عليكم
أنا دلوقتي هشتري عربية من صاحبها الأصلي.. الرخصة باسمه.. والرخصة هتخلص على شهر4. العربية في مرور مختلف عن محل سكني
مش هشتري بتوكيل.. وهشتري بعقد مسجل في الشهر العقاري.. بعد كده بقة أعمل ايه؟

أروح الأول أنقل ملكية؟ طب أنقلها فين؟ في المرور اللي أنا تابع ليه ؟
طب هحتاج معايا شهادة بيانات ولا مفيش داعي وكفاية المخالفات؟
ونقل الملكية الأول ولا ايه بالظبط؟ وايه الورق اللي هحتاجه عشان مفيش حاجة تقف لا في نقل ملكية ولا فحص ولا ترخيص ولا أي حاجة؟

ياريت حد يفيدني في الحاجات دي عشان مليش فيها خالص

[Dr_Mido]

انت لسه مشترتش صح
الاول هتعمل عد ابتدائى عادى

بعد كدة هتروحو الشهر العقارى تسجلو العقد هناك وينقلك العربيه باسمك

العقد هيتكلف 60 جنيه
بالاضافه لوشيه فكه لزوم توير الورق

ولو انت عايز تنقل ملكيه على طول فى المرور هتمضى فى خانه المشترى فى العقد
وتاخد شهادة البيانات و المخالفات وتروح بيها المرور اللى انت تابع ليه


لو هتستنى الرخصه تخلص وبعد كدة تنقل ملكيه متمضيش فى خانه المشترى

[Drift_Lover]

طالما الرخصة حتنتهي في شهر 4
1- لو مش ناوي تبيع ومسقر علي العربيه يبقي تسجل.
تكلفة التسجيل حسب ال سي سي و الموديل
مثلآ
فيات 128 موديل السبعينات : 90
فيات 132 موديل السبعينات : 110
اكسيل موديل التسعينات : 475
لانوس موديل التسعينات : 825
لانوس الفينات : 950 فيما فوق.

وهكذا.

ممكن تكتب عقد ابتدائي ويعمل لك توكيل بيع للنفس و الغير.
وبالتوكيل ده تسجل لنفسك الوقت اللي انت عاوزه.

وفي توكيل تاني: بيع للنفس والغير والتعامل مع المرور.
وده ممكن تجدد الرخصه بيه لكن تفضل باسم صاحبها.
(وده الحل الامثل لو انت حتبيع العربيه قريب)

ولو عاوز تسجل بتسجل باسمك بس ما تمضيش مشتري.
وبتمضي مشتري في المرور عند نقل الملكيه.

العقد المسجل هو سند الملكيه لنقل الترخيص باسمك.


دلوقت انت اشتريت عربيه من القاهره مثلا وعاوز تنقلها طنطا.
بتجيب براءة زمة من مرور القاهرة فقط (طالما الرخصه ساريه ) وتروح مرور طنطا. تقول لهم اناعاوز انقل ملف العربيه لمرور طنطا. وهما بيطلبوا الملف. بيوصل في خلال اسبوع.
تروح مرور طنطا تاني تفحص وتنقل ملكيه وتسلمهم النمر القديمه وتستلم نمر طنطا.

قبل كده كنت لازم تروح مرور القاهرة تفحص هناك الاول وتجيب براءة زمه وبعدين التعامل يبقي مع مرور طنطا.

لكن دلوقتي عرفت انهم سهلوا الامور والفحص بيبقي في مرور طنطا.

طبعآ ده كله (مرور طنطا والقاهرة ) علي سبيل المثال.


يارب اكون قد افدتك.
وفي انتظار بقية اراء الاخوة.

[ziohausam]

ألف شكر يا شباب..

أوقع مشتري فين؟ في الشهر العقاري؟ ولا في المرور؟
ايه براءة الذمة دي؟ غير المخالفات؟
وهل شهادة البيانات ضرورية ؟؟

[A.Saad]

شهادة البيانات مطلوبة لو رخصة السيارة منتهية
او عايز تتاكد من صحة الورق بتاعها

التوكيل معناه انك وكيل له
فيه خطر لو مات مثلا
وبيكون من الافضل تكتب فيه
انه صادر لمصلحتك ولا يلغى الا بموافقة الطرفين

لكن دايما الافضل التسجيل
لان العربية تبقى ملكك بعد التسجيل