شراء سيارة بطريقة إسلامية

[mtema99]

انا اصلا مش بحب الدفع الامامي
و لسه مش عارف هاقعد فين على الرغم من اني نفسي مخرجش من مصر غير للحج او العمره بس
ممكن اخرج بره فا معنديش حاليا

[mtema99]

بس لو الجيل الجديد من الافنسيس نزل مصر قبل ما اقرر ممكن ده يخليني مرحش في حته :mrgreen:

[nona_never_lost]

دة نص الفتوى على موقع اسلام اون لاين بالنسبة عن شراء العربيات بالقسط من المعرض بس انا عايزة اعرف حضرتك متاكد ان المعرض مش بياخد فلوسة كاش من البنك وانت بيبقى التعامل مباشرة منك للبنك والبنك هوة الى بياخد الفيدة والمعرض بيخرج من الموضوع خالص ولا لأ لان لو ان البنك بيقرضك مبلغ تشترى بية العربية هوة دة الربا لكن لو بيبيع العربية بالقسط دة اسمة بيع بالاجل ودة مش حرام

http://www.islamonline.net/livefatwa/arabic/Browse.asp?hGuestID=9Zt6yi

السلام عليكم ورحمة الله اما بعد ان سالي يتمثل في لقد اشتريت سيارة بالتقسيط مع البنك ولقد كثر الحديث عن الربا في هذا الموضع واي اريد من سيادتكم الموقرة التفسير و الايضاح والحل امكن من تفادي هذه المشكلة وشكرا السؤال
بسم الله ، والحمد لله والصلاة والسلام على رسول الله وبعد..

العمل الأساسي للبنوك الربوية هو الإقراض بالفوائد ، والبنوك لا تقوم بمشروعات استثمارية ، والبنوك التي تتوسط في البيع من الممكن أن يأخذ توسطها هذا صورتين :-
الصورة الأولى :- أن يقوم البنك بإقراض من يريد الشراء ثمن السلعة -مع أخذه الضمانات الكافية- مقابل فائدة ربوية ، ويتم تحويل هذا القرض للجهة التي تبيع السلعة فهذا ربا لا يجوز ، وهذا ما تقوم به البنوك التقليدية الربوية .

الصورة الثانية : أن يقوم البنك بامتلاك السلعة ، ثم تقوم ببيعها لمن يريد بالتقسيط تحت ما يعرف ببيع المرابحة، وهذه الصورة لاشيء فيها لو فرضنا أنها موجودة ، وهذه الصورة تقوم بها البنوك الإسلامية فيما يعرف ببيع المرابحة .

وعليه فإذا كان البنك التي تريد شراء السيارة منه سيتعامل بالصورة الأولى فهذا من الربا ، ولا يجوز لك التعامل بهذه الصورة .
وإذا كان البنك يتعامل بالصورة الثانية فلا بأس بها .

وإليك نص قرار مجمع الفقه الإسلامي بشأن مثل هذه المسائل بعد الدراسة المستفيضة لكل جوانبها من لدن علماء يمثلون معظم بلاد العالم الإسلامي :-.
فإن مجلس مجمع الفقه الإسلامي المنعقد في دورة مؤتمره السادس بجدة في المملكة العربية السعودية من 17-23 شعبان 1410هـ الموافق 14-20 آذار (مارس) 1990م.
بعد اطلاعه على البحوث الواردة إلى المجمع بخصوص موضوع:
(التمويل العقاري لبناء المساكن وشرائها)
واستماعه للمناقشات التي دارت حوله.
قرر:

1 - أن المسكن من الحاجات الأساسية للإنسان، وينبغي أن يوفر بالطرق المشروعة بمال حلال، وأن الطريقة التي تسلكها البنوك العقارية والإسكانية ونحوها، من الإقراض بفائدة قلت أو كثرت، هي طريقة محرمة شرعًا لما فيها من التعامل بالربا.

2 - هناك طرق مشروعة يستغنى بها عن الطريقة المحرمة، لتوفير المسكن بالتملك (فضلاً عن إمكانية توفيره بالإيجار) منها:

أ - أن تقدم الدولة للراغبين في تملك مساكن قروضاً مخصصة لإنشاء المساكن، تستوفيها بأقساط ملائمة بدون فائدة سواء أكانت الفائدة صريحة أم تحت ستار اعتبارها (رسم خدمة) على أنه إذا دعت الحاجة إلى تحصيل نفقات لتقديم عمليات القروض ومتابعتها وجب أن يقتصر فيها على التكاليف الفعلية لعملية القرض

ب - أن تتولى الدول القادرة إنشاء المساكن وتبيعها للراغبين في تملك مساكن بالأجل والأقساط بالضوابط الشرعية

جـ أن يتولى المستثمرون من الأفراد أو الشركات بناء مساكن تباع بالأجل.

د - أن تملك المساكن عن طريق عقد الاستصناع –على أساس اعتباره لازمًا- وبذلك يتم شراء المسكن قبل بنائه، بحسب الوصف الدقيق المزيل للجهالة المؤدية للنزاع، دون وجوب تعجيل جميع الثمن، بل يجوز تأجيله بأقساط يتفق عليها، مع مراعاة الشروط والأحوال المقررة لعقد الاستصناع لدى الفقهاء الذين ميزوه عن عقد السلم .

والله أعلم

[Eng.Salah Mahdy Salama]

انا عايزة اعرف حضرتك متاكد ان المعرض مش بياخد فلوسة كاش من البنك وانت بيبقى التعامل مباشرة منك للبنك والبنك هوة الى بياخد الفيدة والمعرض بيخرج من الموضوع خالص ولا لأ لان لو ان البنك بيقرضك مبلغ تشترى بية العربية هوة دة الربا لكن لو بيبيع العربية بالقسط دة اسمة بيع بالاجل ودة مش حرام

المعرض بيبيع العربية للمشتري بدون الدخول في البنوك خالص!!!!!!!!!!
يعني المشتري مبيشفش أي و رق بنكي نهائي
يعني لو عربيتك مثلا بـ10.000 بتقوللي للمعرض انتي عايزة تقساطيها على كام سنة
يقوم هو يحسب حساباتة اللي قلت عليها قبل كدة و يقولك الغربية بناءا على ذلك هتبقى مثلا بـ 12.000 مثلا يعني
و بناءا على ذلك يقسملك السعر الجديد على عدد الشهور يطلع هتدفعي كام بالضبط
و بالتالي المشتري كدة مبيتعملش مع البنك خالص!!!!!!!!!!!!!!!!!!!!!!!!
و بالنسبة للموضوع التاني و هو التأمين : لازم متأمنيش عندة و أمنى عند بيت التمويل

كل دة على حد علمي و برضة إسالي

ودة مش حرام

اتمنى هذا و ربنا يبعدنا عن اي حرام
و لو فية اي استفسار تاني انا تحت امرك
و السلام عليكم

[Sharky]

المشكلة التانية : هي إن أغلب المعارض هيطلب منك إنك تأمن ع العربية و المشكلة إن أغلب التأمين اللي موجود في السوق تأمين تجاري و هو مش حلال برضة و نوع من الغرر بالناس بمعنى إن تدفع فلوس : يا إما ما تخدش حاجة مقابلها يا إما تاخد فلوس و خدمة أكتر من الفلوس اللي دفعتها و دة كلة العلماء قالوا حرام.....
و حلها الحمد لله موجود

المشكلة دة حلهلنا و الحمد لله بيت التأمين السعودي .... و دة مكان بيتبع عملية التأمين التكافلي يعني بظريقة حلال و الحمد لله
بيت التأمي السعودي عندة نوعين:
1- 2.75% لكن مش هيتحمل أي حاجة تحصل للغربية صغيرة (حدود 200:300 جنية)
2- 3.5% و يتحملوا كل حاجة 100%!!!!!

أولا ألف مبروك على العربية مقدما

ثانيا حضرتك بتقول إنك ممكن تأمن على العربية و ممكن بعد كده ماتخدتش فلوس أو تاخد أكتر طب ما هو فى التأمين السعودى نفس الكلام حضرتك حتدفع 3.5% من تمن العربية و هما حيصلحوا كل حاجة لا قدر الله لو فيه حادثة يعنى برضه أكتر من اللى حضرتك دفعته !!
و هل حضرتك بسترجع الفلوس اللى دفعتها و ماعملتش حادثة فى نهاية السنة ؟؟؟

بشمهندس صلاح حضرتك مردتسش عليا
هل فلوسك حترجعلك لو ماعملتش حادثة ؟
هل لو عملت حادثة لا قدر الله و كانت تكلفتها أكتر من اللى دفعته بيدفعوه و لا لأ؟؟؟

[Eng.Salah Mahdy Salama]

بشمهندس صلاح حضرتك مردتسش عليا
هل فلوسك حترجعلك لو ماعملتش حادثة ؟
هل لو عملت حادثة لا قدر الله و كانت تكلفتها أكتر من اللى دفعته بيدفعوه و لا لأ؟؟؟

أسف بجد على عدم الرد
بس انا هحاول أتصل و أسأل و إن شاء الله هقلك

[nona_never_lost]

كنت عايزة اسال حضرتك بردة نفس السؤال لو العربية معملتش حادثة هاخد فلوسى تانى ولا لأ
ومعلش سؤال تانى هوة لازم القسط الى هدفعة مع معرض دايهاتسو يكون تلت المرتب ولا وممكن ادفع مرتبى كلة فى القسط انا دة مشكلتى الاساسية انى عايزة ادفع مرتبى كلة قسط

[Eng.Salah Mahdy Salama]

هوة لازم القسط الى هدفعة مع معرض دايهاتسو يكون تلت المرتب

لا حضرتك لازم يكون القسط لا يتعدى 40% من المرتب

كنت عايزة اسال حضرتك بردة نفس السؤال لو العربية معملتش حادثة هاخد فلوسى تانى ولا لأ

لسة مسالتش برضة عن الموضوع دة
اول ما هعرف هقولك إن شاء الله

ينفع تقسطي على سنة؟

[أبومعاذ]

ما شاء الله تبارك الله
نسأل الله أن يرزقك خيرها و يعيذك من شرها و يبعد عنك الرادارات :)
و يارتيك تحتسب انك بتسن سنة يتبعك فيها ناس تانية باذن الله و ربنا يجعله في ميزان حسناتك يوم الدين
قال رسول الله صلى الله عليه و سلم "من سن في الاسلام ينة حسنة فله أجرها و أجر من عمل بها من غير أن ينقص من أجرهمك شئ" أو كما قال
ليا استفسار ياريت لو تحط ارقام تليفونات المكان اللي انت جبت منه العربية عشان ينتفع بيه كل الناس و اللي عايزين يستفسروا زيي ميوجعوش دماغك و جزاكم الله خيراً

[Eng.Salah Mahdy Salama]

نسأل الله أن يرزقك خيرها و يعيذك من شرها

الله يكرمك يا أخويا محمد ..... ربنا يبارك فيك إن شاء الله هستلمها في خلال إيام

و يبعد عنك الرادارات

اللهم أمين .... بجد دعوة جميلة و محتاجها و خصوصا إن أغلب مشاويري بالعربيات سفر !!!

و يارتيك تحتسب انك بتسن سنة يتبعك فيها ناس تانية باذن الله

إن شاء الله و شكرا للتذكرة

و ربنا يجعله في ميزان حسناتك يوم الدين

اللهم آمين ...يا رب يتقبل منا جميعا صالح الأعمال

قال رسول الله صلى الله عليه و سلم "من سن في الاسلام ينة حسنة فله أجرها و أجر من عمل بها من غير أن ينقص من أجرهمك شئ" أو كما قال

صدق رسول الله صلى الله علية وسلم

ليا استفسار ياريت لو تحط ارقام تليفونات المكان اللي انت جبت منه العربية

بإذن الله أول ما هفضي هحط كل المعلومات في مكان واحد
و للأمانة أنا كل اللي هعملة إني هجمع معلومات أخوانا في المنتدي عشان تكون في مكان واحد عشان تتم الإستفادة

و اللي عايزين يستفسروا زيي ميوجعوش دماغك

أبدا يا أ/محمد مفيش أي مشاكل انا تحت أمرك و أمر أي أخ لينا يرغب في الحلال
زي ما الناس ساعدتنا و ما بخلتش عننا في حاجة لازم إحنا كمان نقدم شيء و لو صغير

و جزاكم الله خيراً

اللهم آمين
و إياك يا أ/محمد

[nona_never_lost]

ممكن اعرف فين بيت التأمين السعودي او رقم تليفونة وعنوانة والتعامل معاة يبقى ازاى

[Eng.Salah Mahdy Salama]

ممكن اعرف فين بيت التأمين السعودي او رقم تليفونة وعنوانة والتعامل معاة يبقى ازاى

أ / خالد سعيد دة مسئول التأمين ع السيارت موبيله : 0101019090
ممكن تتأكدي منة عن طبيعة التعامل و كيفية انهم حلال (و يا ريت تقوليلنا التفاصيل) لأني مكملتش معاهم حتى الآن لظروف خاصة
بيت التأمين السعودي عندة نوعين:
1- 2.75% لكن مش هيتحمل أي حاجة تحصل للغربية صغيرة (حدود 200:300 جنية)
2- 3.5% و يتحملوا كل حاجة 100%
كمان من الميزات اللي عندهم إنكم ممكن تقسط مبلغ التأمين على 3 شهور . و كمان هما ممكن يجوا لحد عندك
و الإجراءات ممكن تخلص كلها إن شاء الله في ربع ساعة
بتبعتي الورق المطلوب (زي بطاقتك و رقم شاسية و موثور العربية) على الفاكس بتاعهم . هيجيلك مندوبهم جاهز و يخلص كل حاجة.
برضة مرة تانية يا ريت تستفسري منة و تيجي تقوليلنا

شكرا

[nona_never_lost]

انا كلمت بيت التامين وقالى انة بيتعامل مع بينك فيصل وكدة بيقى الفايدة اقلت عن دايهاتسو ضمنت ان بنك اسلامى هوة الى بيتعامل معاك وتامين اسلامى

[Eng.Salah Mahdy Salama]

انا كلمت بيت التامين وقالى انة بيتعامل مع بينك فيصل وكدة بيقى الفايدة اقلت عن دايهاتسو ضمنت ان بنك اسلامى هوة الى بيتعامل معاك وتامين اسلامى

أولا حكاية إنهم إسلامي ربنا أعلم .بس أتمنى لأني ممكن أتعامل معاهم (و خصوصا بع اللي شفتة من أغلب تجار المعارض)
أما موضوع فائدة بنك فيصل انها اقل أو لا من معرض دايهاتسو : فيمكن أة بس حقيقي شروطهم متهيألي صعبة
عرفتي شروطهم؟؟؟
حقيقي في معرض تاني بيقسط بنسبة ربح قليلة
إنتي متطلاباتك اية؟ عايزة تدفعي كام و تشتري اية؟؟؟ (لو مش عايزة تقولي هنا ابعتي رسالة ع الخاص)
يمكن يكون المعرض اللي بقلك علية دة افيدلك و أوفرلك

ربنا يسهلنا أمورنا إن شاء الله

[nona_never_lost]

انا رحت لمعرض دايهاتسو ومرتحتش فى جزئيتين
اولا :_ انة هيجبلى العربية بسعر اغلى 112 الف انا عايزة اشترى النترا ال بى 110 الف ومعاية 45 وعايزة اقسط على سنتين والقسط لى هدفعة كل مرتبى لان لية دخل تانى فطبعا مرتبى انا والدخل التانى ميوصلش ل 40 % من تمن القسط ودة حاجة مش مقبولة عندهم
ثانيا : الفايدة عالية جدا علشان هوة معرض دايهاتسوا مش هيونداى حسبلى الفايدة 10% دة طبعا من غير التأمين

لكن مع بنك فيصل الفايدة 8.2 وبيتعامل مع بيت التامين السعودى بضمان العربية يعنى مش بضمان وديعة ولا حاجة
بالنسبة لشروطهم :
1- حظر بيع
2- ان مرتبك + اى دخل يكون ليك من برة = ضعف المبلغ الى هتدفعى اقسط كل شهر
3- الفائدة 8.2%
4-العربية بيبعبهالك بضمان وديعة او العربية نفسها
5- انك ممكن تامين عليها مع بيت التامين التكافلى او اى شركة تامين اخرى