شراء سيارة بطريقة إسلامية

[ows212]

في راي الموضوع ده من اروع الموضوعات اللي استفدت بيها في المنتدى و اجمل ما فيه هو الحرص الشديد على الحلال و ده ما كنتش بصراحة متوقعه كلنا شايفين كم العربيات الجديدة اللي في البلد و اللي ماعتقدش ان كلها كاش يعني اكيدكتير منها تقسيط محرم ,ربنا يجزيكم خير جميعا
لي نصيحة اخيرة بعد كل النقاش الرائع ده ارجو ان كل واحد نوى يشتري انه ياخد العقد من المكان اللي هيتعامل معاه " و اعتقد ان النقاش انتهى لان معرض عبد اللطيف جميل هو الاقرب للحلال و بعض المعارض الخاصة زي الحاج محمود" بكل تفاصيله و يعرضه على شيخ رباني عشان يطمئن قلبه و يخرج من الحرج و المشايخ دول كتير و الحمد لله و ربنا يوفقنا جميعا لطاعته و البعد عن محارمه

1000000000000000000+

[sweetheart_]

يا جماعه بجد الموضوع اكثر من رائع انا بقالى 3 ساعات بدرس كل اللى كتبتوه وانا احمد مهتم جدا بالموضوع دا لانى عايز اجيب عربيه ماروتى تقسيط بس حلال
المهم بعد ما قريت كل الموضوع استخلصت ان بنك فيصل ومعرض ديهاتسو هما افضل حاجه بس بنك فيصل فى عيب واحد وانه معندوش العربيه وبيشتريها بغرضالفايده ودى فيها شك ان فيها الزام ليك انك تشتريها طالما انه اشترى العربيه اللى انت مخترها .
وبالنسبه لمعرض ديهاتسو مشكلته انه بتعامل فى اربع انواع بس ومقدم مش قليل وعلى 4 سنين بس خاصة بالنسبة للناس اللى زى عايز اى عربيه وخلاص اقل حاجه عنده هى اسبرانزا 113 ودى غاليه بالنسبه للماروتى الى كنت عايز ادفع مقدم ليها فى حدود 30% وبكدا اعتقد ان الموضوع بالنسبالى شبه منتهى بان مفيش طرقه اجيب بيها عربيه تقسيط حلال لان المعارض التقسيط المباشر بتبقى نسبه عاليه اوى وكمان مده صغيره .
الحمد لله على كل حال وشكرا ليكوا لان الموضوع دا شامل كل شى وفهمنى كل حاجه والفرق بين الحلال والحرام خاصة وسط التحايلات الرهيبه اللى بتعملها البنوك .
اسأل الله العلى القدير ان يبدلنى خير ان شاء الله وربنا يوفق كل واحد للحلال .
بجد منتدى رائع واعضاء اروع ويكفى انه المكان الوحيد اللى لقيت ردود فيه لكل اسالتى من غير ما اسال.وشكرا

[elhamy]

السلام عليكم و رحمة الله و بركاتة ......

هل يستطيع أحدكم أن يدلني على شخص أو معرض يمكن أن أشتري منة سيارة بالتقسيط المباشر بدون الدخول في موضوع البنوك؟؟؟؟؟؟؟
بصراحة أريد أن أشتري سيارة إلنترا 2007 اللي بـ 110.000 جنية
المقدم اللي ممكن أدفعة هو 50 ألف جنية و عايز أقسط الباقي على سنة و نص بس

يا ريت يا جماعة حد يساعدني في الموضوع دة و جزاكم الله خيرا !!!!!!!

لو عايز تقسيط روح المعرض ده :

الشركة العالمية المتحدة للسيارات
المهندسين - شارع السودان

الشخص المسئول / عمرو الجنزوري أو محمد حسن
تليفون

0129140088

0233379321

هما وكلاء دايهاتسو وبيقسطو جميع الماركات ماعدا اللانسر

[sweetheart_]

الهامى
التحيه لك اولا
بالنسبه للشركه دى اللى اكتب عنها فى الموضوع الطويل دا اللى انا قريته كله اكتب انهم مبيقسطوش غير 4 انواع فقط منهم الديهاتسو واسبرانزا وكمان مبيقبلوش تقسيط اى عربيه من خارج الانواع دى بتاتا ممكن تتاكد من المعلومه ولو فى تغير لان الكلام دا كان من زمان شويه ولو صح ممكن تقلنا بيخدوا نسبه كام دلوقتىوالتامين اخبارى معاهم ولا ممكن من بيت التامين السعودى

[MOHAMEDREFAAT78]

الهامى
التحيه لك اولا
بالنسبه للشركه دى اللى اكتب عنها فى الموضوع الطويل دا اللى انا قريته كله اكتب انهم مبيقسطوش غير 4 انواع فقط منهم الديهاتسو واسبرانزا وكمان مبيقبلوش تقسيط اى عربيه من خارج الانواع دى بتاتا ممكن تتاكد من المعلومه ولو فى تغير لان الكلام دا كان من زمان شويه ولو صح ممكن تقلنا بيخدوا نسبه كام دلوقتىوالتامين اخبارى معاهم ولا ممكن من بيت التامين السعودى

السلام عليكم

انا روحت معرض الشركة العالمية المتحدة للتجارة اللى فى المهندسين و هما فعلا ناس ذوق جدا و عندهم الهيونداى و الدايهاتسو و الاسبرانزا و اقصى تقسيط على 5 سنوات و بياخدوا فايدة 10 % فى السنة بس لما رحت وصلوها الى 9% فى السنة و التأمين ليس اجبارى و لو عايز تامن عنده ممكن بردوا عادى و ممكن تامن بره و لو اتاخرت فى دفع القسط مابيخدوش فايدة تاخير و مابيعملوش توكيل بالبيع و بيدولك نسختين من مفتاح العربية و ليس مفتاح واحد زى باقى المعارض

و الله الموفق

[sweetheart_]

طيب يا استاذ محمد ايه الشرط الجزائى على التاخير بيحكم الموضوع دا ازاى عشان الناس متتاخرش عن سداد القسط وكمان انت مقلتش هل هما بيقسطوا ماروتى او اى نوع غير ديهاتسو هيونداى واسبرانزا ولا لأ
شكرا على المجهود

[MOHAMEDREFAAT78]

طيب يا استاذ محمد ايه الشرط الجزائى على التاخير بيحكم الموضوع دا ازاى عشان الناس متتاخرش عن سداد القسط وكمان انت مقلتش هل هما بيقسطوا ماروتى او اى نوع غير ديهاتسو هيونداى واسبرانزا ولا لأ
شكرا على المجهود

بالنسبة للشرط الجزائى كالاتى : لو الواحد لا قدر الله مدفعش القسط فى معاده بيسيبوه 15 يوم و بعدين بيطلبوه بالقسط لو مدفعش بيتنوا القسط اللى بعده و لو مدفعش القسطين لغاية اخر الشهر بيطالبوه بدفع كامل المبلغ المتبقى ( دا اللى انا فهمته من الاستاذ محمد حسن ) و الانواع اللى بيقسطوها الهيونداى و الدايهاتسو و التويوتا ) اعتقد و الله اعلم معندهمش غير الانواع دى

على العموم حضرتك ممكن تتصلى بالاستاذ محمد حسن هو ذوق جدا و بيفهمك كل حاجه براحتك )

و اى سؤال انا فى الخدمة

[sweetheart_]

الاخ محمد انا اخوك احمد معلش الاسم بتاعى ممكن يكون مش لذيذ شويه بس لانه معايا من وانا صغير فمش عايز اغيره
وشكرا على الرد .

[MOHAMEDREFAAT78]

الاخ محمد انا اخوك احمد معلش الاسم بتاعى ممكن يكون مش لذيذ شويه بس لانه معايا من وانا صغير فمش عايز اغيره
وشكرا على الرد .

اعتذر للخطأ

و الله الموفق

[abohagar2001]

الاخ الكريم
التمويل المصرى السعودى بيطلب منك انك تعمل طلب شراء وتدفع 20% من ثمن السيارة قبل الشراء ودا الشرط الوحيد عندهم اللى فيه كلام اما الباقى عندهم كويس

[عمرو عمارة]

الاخ الكريم
التمويل المصرى السعودى بيطلب منك انك تعمل طلب شراء وتدفع 20% من ثمن السيارة قبل الشراء ودا الشرط الوحيد عندهم اللى فيه كلام اما الباقى عندهم كويس

السلام عليكم

ولا كويس ولا حاجة يا باشا...هم بيرفضوا يسجلوا العربية باسمهم ويقولك دي تعليمات من البنك المركزي
الي يفقع بقى ان انت لو سالتو ايه الفرق بينكو وبين اي بنك ربوي هيقولك مفيش اي فرق وبعدين يقولك عايز تفهمني ان كل الناس الي بيشتروا عربيات عن طريق باقي البنوك بالتقسيط كلهم غلط وانت بقى الي صح

من الاخر كل البنوك الي في مصر سواء كانت اسلامية أو ربوية بتتبع للبنك المركزي الي بيفرض شروط ولوائح خاصة للبنوك (زي مايكون الي ماسك ادارة البنك دة يهود) فعمر ما البنوك هاتقدر تطبق المرابحة الاسلامية صح

عمرو عمارة

[magdykady]

اجتنبوا السبع الموبقات

أخرج البخاري ومسلم وأبو داود والنسائي عن أبي هريرة رضي الله عنه أن رسول الله صلى الله عليه وسلم قال { اجتنبوا السبع الموبقات , قيل يا رسول الله وما هن ؟ قال الشرك بالله , والسحر , وقتل النفس التي حرم الله إلا بالحق , وأكل مال اليتيم , وأكل الربا , والتولي يوم الزحف , وقذف المحصنات الغافلات المؤمنات }

يا إخوانى لا تستهينوا بالربا فانه من السبع الموبقات (الكبائر)

اللى معهوش فلوس كتير يجيب على قده و يبعد عن الربا

ماذا سيكون موقفك و انت تقسط بالربا و انت عارف انه ربا و من الكبائر

احنا مش لازم نستهون فى موضوع الربا مهما كانت الاغراءات
على فكرة انا مش كاتب ده لصاحب الموضوع لانه بيحاول يتحرى الحلال لكن باكتب للناس اللى بتقسط بالربا و مش هاممها انها بترتكب كبيرة من الكبائر الميسرة فى واقعنا المعاصر.

وعن جابر رضي الله عنه قال: (لعن رسول الله صلى الله عليه وسلم آكل الربا وموكله وكاتبه وشاهديه، وقال: هم سواء) رواه مسلم، وللبخاري نحوه من حديث أبي جحيفة

[Yarisawy]

من الاخر كل البنوك الي في مصر سواء كانت اسلامية أو ربوية بتتبع للبنك المركزي الي بيفرض شروط ولوائح خاصة للبنوك (زي مايكون الي ماسك ادارة البنك دة يهود) فعمر ما البنوك هاتقدر تطبق المرابحة الاسلامية صح

اخ عمرو عمارة انت متأكد من الكلام ده

ازاى يعنى كده كله ذى بعضه ... اعتقد لأ

[MOHAMEDREFAAT78]

اخوانى الاعزاء

الحمد الله ربنا وفقنى و اشتريت الفيرنا 1600 كامل مانيوال من الشركة العالمية المتحدة للتجارة ) احدى شركات عبد اللطيف الجميل

و فعلا ناس ذوق جدا و النظام اسلامى و مريح جدا

لو اى حد اى استفسار انا فى الخدمة

و الله الموفق..........

[Yarisawy]

يا محمد باشا قول كل اللى عندك على طول :)

كام الفائدة , دفعت كام , مضيت على حاجة , التأمين ايه موقفه , العربية فى العقد بأسمهم



===============

حسام