بتقسط ليه

[eg_falcon]

هذا الاستفتاء الغرض منه معرفة السبب في لجوء الكثير الي التقسيط في شراء السيارات

[mo7a_mo7a]

يعني انا لو عايز اجيب عربية ب 100 الف ومعيش تمنها
اروح اقسط وادفع 150 الف!!!

طبعا لا
التقسيط ده علي راي الانجليز للاغنيا ء فقط

[kliken]

انا شايف انه للى معهوش التمن كاش بس بيجيله مرتب شهرى او دخل شهرى ثابت يقدر يدفع منه قسط

[AshTurbo]

التقسيط الفترة الحالية والفترة القادمة خطر وغير مضمون العواقب .

[KHALED AYMAN]

انا مش بحب القسط نهائى خصوصا فى العربيات يعنى انا فى شغلى فى الات بجيبها قسط بس مش بنوك لا ده قسط للراجل صاحب الاله انما قسط البنوك انا سمعت كذا مره انه حرام و بحب ابعد عن الشبهات.

[bemocarlo]

في ناس بتجيب قسط وهي معاها الثمن كاش وكامل والسبب في كده انهم بيحاولوا يحافظوا علي اكبر قدر من السيوله النقديه في ايديهم ومعظم رجال الاعمال والفنانين بعملوا كده.
bemo,ire

[eg_falcon]

يعني انا لو عايز اجيب عربية ب 100 الف ومعيش تمنها
اروح اقسط وادفع 150 الف!!!

طبعا لا
التقسيط ده علي راي الانجليز للاغنيا ء فقط

يجب الاخذ في الاعتبار ان القيمة الشرائية للنقود تقل بمرور الزمن و بالتالي ال 1000 جنيه المدفوعة الان كقسط مثلا ممكن بعد سنتين او تلاتة قيمتها تساوي 800 او يمكن اقل

[Falcon.Crest]

it is dangerious now to pay in several time

[memoo_1st]

انا فعلا شايف ان القسط دا قطمة وسط وحاجة فعلا مش كويسة يعني الي مش معاة فلوس كفاية لعربية زيرو بدل ما يدفع مقدم يشتري عربية مستعملة كويسة وبعد سنتبن ولا 3 يبقى يبعها ويكون بدل ما بيدفع القسط يكون حوش تمن عربية جديدة ويبعد عن القسط خاااااااااااااااااااااااااااااااالص لانوا بجد مش هيحس بطعم العربية علشان هيحس انوا دفع اكتر من تمنها .

[ameen_ra]

انا مش بحب القسط نهائى خصوصا فى العربيات يعنى انا فى شغلى فى الات بجيبها قسط بس مش بنوك لا ده قسط للراجل صاحب الاله انما قسط البنوك انا سمعت كذا مره انه حرام و بحب ابعد عن الشبهات.

الدين لم يقل لنا حرام الا بسبب... القسط ده كله ظلم علي النفس خاصه في الامور التي يمكن ان تؤجل مثل السيارة الملاكي والدش والبدلةوالاكل ....انا اعرف ناس كثيير موظفين بيشتروا الاكل لغايه لما يقبض المرتب والاكل ده عبارة عن كل مالذ وطاب... يارجل اذا كان فلوسك محدودة تروح تشتري اي حاجه لمجرد تاجيل الدفع ...وده بالسعر اللي بيحدده البائع.....اما اذا كان الانسان بيشتري شييء لتنشيط وتجديد العمل فهنا الوضع مختلف ....زي التاكسي بالتقسيط اوماكينة لورشه راح تزيد دخله وتعيد عليه بالربح ويمكنه منها دفع الاقساط وهذا مجرد راي لااكثر

في ناس بتجيب قسط وهي معاها الثمن كاش وكامل والسبب في كده انهم بيحاولوا يحافظوا علي اكبر قدر من السيوله النقديه في ايديهم ومعظم رجال الاعمال والفنانين بعملوا كده.
bemo,ire

فقر بلا دين هو الغني الكامل......النوعيه دي ربما يكونوا مرضي ويكون الفلوس دي جت لهم بعد فقر.....يعني لومات دلوقت الاموال تتحول للورثه وهو يتحول لجهنم بالدين اللي عليه....الاموال اللي ربنا اعطاها لهم اليس في هذا انكار لها وانكار لنعمه ربنا عليهم وتدعي الفقر والحاجه

انا شايف انه للى معهوش التمن كاش بس بيجيله مرتب شهرى او دخل شهرى ثابت يقدر يدفع منه قسط

اذا كان المرتب يدوب بيكفي وليس فيه فائض للادخار كيف يستقطع منه القسط ......واللي مامعهوش مايلزمهوش

[MMamdouh]

اللى بيشترى بالقسط بيستفيد بانة بيركب العربية النهاردة بدل ما يحوش 90 سنة لحد ما يكمل تمن العربية كاش

انا عملت كدة و الحمد لله راكب عربية... لو فكرت فى الكاش كان حيبقى قدامى 4 او 5 سنين عشان احوش تمن العربية اللى معايا

MMamdouh

[sherifahmed]

ردا على الزميل العزيز ameen_ra
انا هاقول الكلمتين دول و اروح استخبى تحت السرير خوفا من الرصاص الصديق
يمكن الاعضاء القدامى فاكرين ايام كونتاكت لما الحوار دا اتفتح وكانت حكاية
المهم انا لقيت الحوار دا هنا كمان و اى عضو يسأل على تقسيط عربية تشيلو هو و عيالو وترحمو من المواصالات وتقيه شر سؤال اللئيم, يطلع عليه الناس ويقولولو اوعى و حاسب وخلى بالك و و و
المهم قولت ادور بنفسى على الحوار و اشوف
طبعا اللى هاقولوا دا هايفتح النار عليا ويمكن الاقى مطالبات بنفيى الى جزيرة على كوكب المريخ
المهم ان دا مجرد محض اجتهاد وخلاصة تفكير
يالا نبدأ؟ يالا

ما هو الربا؟
كلمة ربا في اللغة تعني الزيادة, و هو المعنى المفهوم من الآية: "و ترى الأرض هامدة فإذا أنزلنا عليها الماء اهتزت و ربت و أنبتت من كل زوج بهيج", في إشارة لزيادة حجم حبات الرمل عندما تختلط بالماء. و لكن ما يعنينا من هذا المعنى تحديدا هو الزيادة الغير مشروعة في رأس المال أي الربا بمعناه الاصطلاحي
المصدر: http://www.islamway.com/?iw_s=Articl...article_id=800

ماهو التضخم؟
Inflation is defined as a sustained increase in the general level of prices for goods and services. It is measured as an annual percentage increase. As inflation rises, every dollar you own buys a smaller percentage of a good or service.

The value of a dollar does not stay constant when there is inflation. The value of a dollar is observed in terms of purchasing power, which is the real, tangible goods that money can buy. When inflation goes up, there is a decline in the purchasing power of money. For example, if the inflation rate is 2% annually, then theoretically a $1 pack of gum will cost $1.02 in a year. After inflation, your dollar can't buy the same goods it could beforehand.

المصدر:http://www.investopedia.com/universi...inflation1.asp


ايه ياعم الانجليزى دا كولو. ياعم اصبر......ايوا الترجمة اهيه
التضخم هو زيادة مطردة في المستوى العام للأسعارو السلع والخدمات. وهو يقاس كنسبة زيادة سنوية.
كلما ترتفع معدلات التضخم ، كل دولار(جنيه) لديك يشتري نسبة مئوية اقل من سلعة أو خدمة
قيمة الدولار(جنيه) لا تبقى ثابتة عند وجود التضخم. و يلاحظ قيمة الدولار (جنيه) من ناحية القوة الشرائية ، والتي هي قيمة السلع الحقيقية الملموسة المشتراة
عندما ترتفع معدلات التضخم ،يوجد انخفاض في القيمة الشرائية للنقود.
على سبيل المثال ، إذا كان معدل التضخم 2 في المائة سنويا. و توجد علبة لبان ثمنها 1 دولار(جنيه) . فاانه بعد مرور السنة, علبة لبان ستكلف 1.02 دولار(جنيه) . بعد التضخم الدولار(جنيه) الخاص بك لا يمكن شراء السلع نفسها مسبقا..

ما هو معدل الفائدة؟
هو السعر الذي يدفعه البنك المركزى على إيداعات البنوك التجارية سواء أكان استثمارا لمدة ليلة واحدة أم لمدة شهر أو أكثر.
المصدر: http://en.wikipedia.org/wiki/Interest_rate
وارتفاع سعر الفائدة هو طريقة البنك المركزى فى محاربة التضخم
ودا اللى عملو البنك فى مصر لغاية ما الفايدة وصلت 13%

سؤال معلش, هو ليه اصلا فى تضخم وفايدة وكلام كبير؟
عشان احنا بنتعامل بعملات ورقية مش بالدهب ودى قيمتها مش ثابتة

نرجع تانى لمثال علبة اللبان.
مصر معدل التضخم فيها 19%
واقصى معدل للفائدة هو 13%
يعنى بعد سنة علبة اللبان تبقى ب 1.19
والجنيه يبقى ب1.13
يعنى عشان تشترى نفس علبة اللبان هاتدفع 4 قرش زيادة
و دا اللى البنك بيعملوا معاك ساعة لما يديك قرض بفايدة عشان مثلا لما يديك 100000 لمدة 5 سنين
ترجعلوا الفلوس بنفس قيمتها الشرائية
ودا نفس السبب ان التقسيط بدون فائدة بيبقى لمدة سنة واحدة بس.

اللى انا شايفه غلط فى حوار البنوك,حاجتين.
ناخد مثلا مثال انك واخد 100000 جنيه قرض بفائدة 6% و على 5 سنين

اول غلطة هى فكرة حساب الفائدة
هو بيحسبها كد
100000*5*6 على 100 زائد ال100000 الاصلية وبعدين على 5*12 و يطلعلك اللى مفروض تدفعه شهريا
وده غلط .اوللى ليه؟ اولك
لانك بتبدى تدفع من تانى يوم على طول,يعنى المفروض ان بعد اول سنة يجى يحسب تانى بعد المبلغ المدين ينقص و تلائى القسط الشهرى بيقل سنة بعد سنة بس اللى حاصل ان القسط الشهرى ثابت وبكده الفائدة الحقيقية بتكون 6*5% يعنى 30%

تانى غلطة هى انك لما تبدى تسدد القرض,انت فاكر انك بتسدد من كل المبلغ لكن اللى حاصل انك بتسدد الفائدة الاول عشان كده لما تيجى تعمل سداد مبكر,بيحسبلك على ال100000 اللى هى اصلا بتكون ناقصة عشان حضرتك بتبدى تدفع من تانى يوم على طول

هو ده الغلط لكن نرجع تانى و نقول ان دا حاصل لان فى الناحية التانية فى تضخم عماللى ياكل فى قيمة الفلوس و عامل الزمن اللى بياكل فى قيمة السلعة المعمرة (العربية)اللى انت شاريها واللى البنك حيخسر فيها لو جيه يبعها عشان يساوى القرض فى دافتره

بس كدا. دا رأى
والامام مالك بيقول رأى صحيح يحتمل الخطأ و رأى غيرى خطأ يحتمل الصحة

[Eng_yahia_ali]

انا شايف ان التقسيط افاد اكتر الناس ايلي الفلوس ايلمعاها تجبلها عربيه اقل من طموحها وطمعهم في فئه اعلى
وخصوصا انا المصرين مشيين بمبدا الغالي تمنه فيه

[memoo_1st]

اللى بيشترى بالقسط بيستفيد بانة بيركب العربية النهاردة بدل ما يحوش 90 سنة لحد ما يكمل تمن العربية كاش

انا عملت كدة و الحمد لله راكب عربية... لو فكرت فى الكاش كان حيبقى قدامى 4 او 5 سنين عشان احوش تمن العربية اللى معايا

MMamdouh

بس حضرتك كدا بتدفع اكتر من تمن العربية حوالي 20 الف جنية فوايد
ولما بتيجي تبعها بتخسر اكتر من الي دفعتة بكتير
وبعدين الواحد مش هيحس بطعم العربية وهوا كل شهر بيتم استقطتاع جزأمن مرتبة في القسط ممكن انتا تستفيد من الجزأ دا في حاجة تانية افضل .
وبعدين يعني انا مثلا معاي 30.000 وكنت بفكر ادفعهم مقدم عربية فرنا واقسط الباقي وبعدين فكرت وقولت انا ممكن اجيب مثلا اوبل كورسا او بولو وعربية بردوا محترمة احسن ما اقعد 5 سنين بدفع كل شهر 900 جنية انا اولى بيهم ووقت ما يكون معايا تمن العربية الزيرو اجبها من حر مالي ولا بنك يأرفني ولا حاجة .

[ahmad5997]

تقسيط بنوك ( الا ما رحم ربي )= ربا
والربا معروف اخرته ايه
وربنا يسلم