تحديد سعر اي سيارة مستعملة هدية لاحلي منتدي الجزء الاول

[sherifowahba]

سويفت موديل 98 فبريكة جوة وبرة وصالونها جديد وعاملة 80000 ك وحالتها العامة جيدة جدا تعمل فلوس كام وبسرعة فيل ما صاحبها يبيعها لحد تانى لو سمحتوووووا

هي كمالياتها اية
تكييف وكاسيت ولا كاملة مانيوال ولا اوتوماتيك

الحقيقه دى اول مشاركه ليا هنا و مش مصدق الخدمه الجميله اللى مقدمها الاستاذ شريف.
انا عندى عربيه فيات 125 بولندى موديل 1979 1500cc و ناوى ابيعها إن شاء الله فا كنت عايز اعرف تتباع فى حدود كام.
و شكرا مقدما يا باشا

لو هي دواخل شركة وحالتها جيدة تعمل 11 الف

[popahly]

كنت عاوز اعرف سعر سيارة لانوس موديل 2000 كورى| 120000 كم كامله( سنتر، زجاج كهرباء، تكيف، باور- كاسيت + سماعات )
الراجل بيتكلم فى 40 وفى وسط الكلام بيقول عامل عمرة فى التوكيل ومحددش عمرة ايه بالظبط فهل العربية دى كويسة اروح اشوفها ولا ابعد عن اللى عامل عمرة شكرا

[sherifowahba]

استاذ شريف شكرا على مجهوداتك في المنتدي و كنت عايز اعرف سعر هيونداي النترا 2007 عاملة 19000 الف كيلو اوتوماتك الللون اسود تعمل كام وشكرا" لك

لو برة وجوة وحالتها زيرو بناء علي العداد تعمل 80 الف

-ماركة السيارة / رينو ميجان
2-الموديل/السنة / 2006 ترخيص اول 2007
3-عدد الكيلومترات / 36000
4-الكماليات (كاسيت-تكييف-زجاج كهرباء-باور) / جميع الكماليات - فتحة سقف بانوراما
5-حالة الصاج او الخوارج / فابريقة بالكامل
6-حالة الدواخل / فابريقة بالكامل
7-حالة الصالون / فابريكة كالجديد
9-حالة الكاوتش / كاوتش الفابريقة
10-حالة البطارية / لم تتغير

تعمل 75 الف بالحالة الممتازة المذكورة

[kareemhisham]

مشاء الله الموضوع ممتاز و شغال زاى الفل و لازم احييك يا استاذ شريف على متابعتك الممتازة للموضوع ,,

ياريت يا استاذ شريف تسعرلى العربية دى ,,

شاهين 2006 ,, باور و تكييف ,,

حالتها ممتازة ,, فابريكة برة و جوة و مش رشة خالص

[sherifowahba]

golf 2..mod 1990,1300 cc fabrique inside...really the car have only 140,000 km...aircondition , center lock, brand new kenwood sound system...ndeefa geddan geddan...plz how much??

تعمل 33 الف بالحالة الهائلة المذكورة

كنت عاوز اعرف سعر سيارة لانوس موديل 2000 كورى| 120000 كم كامله( سنتر، زجاج كهرباء، تكيف، باور- كاسيت + سماعات )
الراجل بيتكلم فى 40 وفى وسط الكلام بيقول عامل عمرة فى التوكيل ومحددش عمرة ايه بالظبط فهل العربية دى كويسة اروح اشوفها ولا ابعد عن اللى عامل عمرة شكرا

هي لانوس 1 ولا 2
حالة الدهان اية خارجي ولا برة وجوة
اما موضوع العمرة فدي اكيد عمرة موتور بس العداد 120 الف المفروض لو استخدامها نظيف متعمرش الوقتي لكن دة بيؤدي الي حاجة من اتنين
اما استخام السيارة من مالكها سيء جدا وغير مهتم بمستوي مياة الردياتير و تغيير الزيت والفلتر في ميعادة
اما حصل شيء طاريء علي الماكينة ادي الي تعميرها مثل كسر كرتيرة الزيت وتسريب الزيت او عطل في طرنبة الزيت
الخلاصة توكل علي اللة وعاين السيارة وحالتها هو البرهان والمعاينة خير دليل

مشاء الله الموضوع ممتاز و شغال زاى الفل و لازم احييك يا استاذ شريف على متابعتك الممتازة للموضوع ,,

ياريت يا استاذ شريف تسعرلى العربية دى ,,

شاهين 2006 ,, باور و تكييف ,,

حالتها ممتازة ,, فابريكة برة و جوة و مش رشة خالص

الف الف شكر كريم باشا علي ذوقك
ارجو بس توضيح هي 1300 ولا 1600 سي سي
وهل هي تكييف و باور بس ولا فيها زجاج وسنتر

[kareemhisham]

الف الف شكر كريم باشا علي ذوقك
ارجو بس توضيح هي 1300 ولا 1600 سي سي
وهل هي تكييف و باور بس ولا فيها زجاج وسنتر

هى 1600 تكييف و باور بس ,,

و ياريت تقولى لو بسنتر و زجاج تعمل كام ؟؟

[mohamed_ssa80]

تسعير سوزكى سويفت

السلام عليكم ورحمة الله وبركاته
اولا ياباشا عايز رايك فى العربيه ديه لان فى ناس شكرتلى فيها و ناس قلتلى مش حلوه بس من غير اسباب مقنعه يعنى مثلا بيقولو انها تقيله فى البيع طب تقيله من غير سبب المهم قولى انت رايك ايه علشان بجد احنا بنسق فيك

ثانيا بقى التسعير هى سوزكى سويفت موديل 1994 فاضيه من غير اى كماليات و فابريكه بره وجوه بس محتاجه سمكره فى الرفرف اليمين وطبعا دوكو للعربيه كلها علشان بهتت جدا بالاضافه لشوية خرابيش.... الماتور و العفشه والصالون من جوه معقولين

ياريت ياباشا ترد عليا علشان لو سعرها قريب اروح اخلص فيها علطول ان شاء الله

والف شكر على مجهودك اللى بينفعنا و بيفدنا بجد

[popahly]

هي لانوس 1 ولا 2
حالة الدهان اية خارجي ولا برة وجوة
اما موضوع العمرة فدي اكيد عمرة موتور بس العداد 120 الف المفروض لو استخدامها نظيف متعمرش الوقتي لكن دة بيؤدي الي حاجة من اتنين
اما استخام السيارة من مالكها سيء جدا وغير مهتم بمستوي مياة الردياتير و تغيير الزيت والفلتر في ميعادة
اما حصل شيء طاريء علي الماكينة ادي الي تعميرها مثل كسر كرتيرة الزيت وتسريب الزيت او عطل في طرنبة الزيت
الخلاصة توكل علي اللة وعاين السيارة وحالتها هو البرهان والمعاينة خير دليل

شكرا ليك يا اخ شريف على ردك والصراحة انا العربية دى مش مرتاح ليها لان السعر فى نفس العربية 2000 لانوس 1 كانت معروضة عليا بـ 45 وعربية بسم الله ما شاء الله اترفعت ومفيهاش الهوا بس صاحبها قافش على 45 ودا كتير الصراحة

[mrghost]

شاهين 2004 كربراتير 1400 سىسى ذهبى ميتالك تكييف سنتر انذار زجاج كهرباء ووحده رفع حاله ممتازه فابريكه بالكامل بطاريه جافه فى الضمان كاوتش جيد فرش جلد ودى فى دى تعمل كام لو سمحت وشكرا ؟

[gassarian]

حضرتك مش ذاكر موديلها بس لو اعتبرناها 95 او 96
الدواخل شركة السليم تعمل 30 الي 33 الف
اما بالنسبة للعربية دي انا رايي الشخصي بلاش منها علي اعتبار انها رشة قوايم والعربيات دي عموما متتركبش غير سليمة اما لما بتكون تعبانة واساسياتها مش سليمة هتقرفك
اما سعرها بالضبط يتوقف علي ان حضرتك تقولي اخبار دواخلها بالتفصيل الي راشش فيها وحالة السيارة عموما اية

هي السيارة أنا شوفتها معروضة في كونتكت كارز و لقيت سعرها أقل من كل العربيات الاسبيرو التانية اللي معروضة و أنا معايا 504 و بفكر أغيرها بحاجة في رينج السعر ده 25 و تكون عربية مش صغيرة أوي

[gassarian]

504 gr

أنا عربيتي 504 gr موديل 79 بيضاء سن فيل
هي تقريبا فبركة دواخل( مش متأكد عشان غيرتلها 4 أبواب من 10 سنوات ل gl) و محتاجة شوية سمكرة بسيطة و دوكو ( يعني شغل شوارعنا خرابيش و عوجة بسيطة في بوز الرفرف اللي ورا)
العربية معمول لها عمرة موتور و مشيت بعدها حوالي 100 ألف كيلو
و لسة اليوم عامل لها عمرة باقي الميكانيكا في العربية و مغير لها أشطوانة و ديسك ديبرياج و كذا حاجة تانية في الفتيس و العفشة و السكاترا و طقم الكهربا و اللي اتغير كله الأصلي بيجو فرنساوي
يعني الميكانيكا بتاعة العربية هنقول جديدة تماماً كالأصل
البطارية جديدة و ال 2 كاوتش الأمامي جديد
تساوي كام دلوقتي؟
أبيعها دلوقتي ولا أخليها شوية بتمن اللي لسة عامله فيها؟ عشان السعر اللي هاتجيبه خصوصا لو بيعتها لازم أجيب عربية تانية على طول

و ألف شكر لييك

[moudy88]

سلام عليكم يااستاذ شريف ...استاذنك تسعرلي عربية سكودا فيفوريت موديل 94 ...دواخل فابريكه وحالتها العامه كويسه والماتور حالته متوسطه 60 % مثلا على اقل تقدير ...وايه رايك في العربيه دي ..من حيث اعادة البيع وقطع الغيار والكفائه

[sherifowahba]

هى 1600 تكييف و باور بس ,,

و ياريت تقولى لو بسنتر و زجاج تعمل كام ؟؟

لو حالتها زيرو تعمل 48 الف
دة باعتبار ان حالتها ممتازة

السلام عليكم ورحمة الله وبركاته
اولا ياباشا عايز رايك فى العربيه ديه لان فى ناس شكرتلى فيها و ناس قلتلى مش حلوه بس من غير اسباب مقنعه يعنى مثلا بيقولو انها تقيله فى البيع طب تقيله من غير سبب المهم قولى انت رايك ايه علشان بجد احنا بنسق فيك

ثانيا بقى التسعير هى سوزكى سويفت موديل 1994 فاضيه من غير اى كماليات و فابريكه بره وجوه بس محتاجه سمكره فى الرفرف اليمين وطبعا دوكو للعربيه كلها علشان بهتت جدا بالاضافه لشوية خرابيش.... الماتور و العفشه والصالون من جوه معقولين

ياريت ياباشا ترد عليا علشان لو سعرها قريب اروح اخلص فيها علطول ان شاء الله

والف شكر على مجهودك اللى بينفعنا و بيفدنا بجد

لو برة وجوة فعلا ومحتاجة سمكرة وبويا خارجية تعمل 25 الف
والعربية السويفت عربية حلوة وجميلة لما بتكون سليمةو اعادة بيعها بردة حلو لما بتكون سليمة

[madoo_600]

لانسر 97 معدله الى 99 في شكل الشيكه والفوانيس الكريستال ومسقطلها موتور 1500 من 6 شهور فابريكه دواخل راشه بره نظافه جنوط اسبور بعد اذن سعادتك تساوي كام

[madoo_600]

لانسر 97 معدله الى 99 في شكل الشيكه والفوانيس الكريستال ومسقطلها موتور 1500 من 6 شهور فابريكه دواخل راشه بره نظافه جنوط اسبور بعد اذن سعادتك تساوي كام

اسف للاطاله بس نسيت اقول انها كامله اوتوماتيك