مناقشة اسعار سوق الجمعة 27/03/2009

[zikoofire]

السلام عليكم
ازيكم يا شباب
ارجو من الناس اللى هاتنزل السوق النهارده تعملنا خدمة ، وتشوفلنا اسعار السيارات الاتية
1- لانوس 1 - فابريكة برة وجوة (الحالات الممتازة )
2-هيونداى اكسنت فابريكة برة وجوة موديل 2000-2002
3-جوليت فابريكة برة وجوة موديل 2000-2002
4-كيا بيكانتو 2004 - فابريكة برة وجوة
5-بروتون ويرا - فابريكة برة وجوة
.
.
.
.
وشكرا جزيلاا مقدما
اخوكم زيكو

[activehero2006]

ايه محدش راح السوق ولا ايه

[zikoofire]

واللهى عيب
شوفت يا استاذ اكتيف
ولا واحد يفكر يرد
الناس كلها بتدخل تتفرج وتخلع
عيب بجد واللهى

[snakeson2]

يعني دة عنوان تحطة؟ مناقشة اسعار سوق الجمعة 27/03/2009
ممكن تغيرة ل (استفسار) مثلا !!!
وعمال تقول الناس بتتفرج وتخلع !!
ماهو لامواخذة العنوان ممتع

[aratux]

و اللى نزل نزل بدرى

[emadafify]

واللهى عيب
شوفت يا استاذ اكتيف
ولا واحد يفكر يرد
الناس كلها بتدخل تتفرج وتخلع
عيب بجد واللهى

رجاء إلى كل الإخوة مراعاة الدقة والإنضباط فى كتابة لفظ الجلالة "الله" فلا يجوز تحويره بإضافة الياء إليه كما درج على ذلك الكثير من الناس.

[zikoofire]

رجاء إلى كل الإخوة مراعاة الدقة والإنضباط فى كتابة لفظ الجلالة "الله" فلا يجوز تحويره بإضافة الياء إليه كما درج على ذلك الكثير من الناس.

اهلا بيك يا استاذ عماد ، ولكن احب اقولك انه حينما يكون سياق الكلام باللغة العامية تكون هناك اعتبارات اخرى ، اما فيما يتعلق بلغتنا العربية الفصحى يكون القسم على الشكل التالى( والله - او فوالله)، على فكرة انا بعشق اللغة العربية لانى شاعر اصلا، وشكر لاضافتك ولو عندك اضافة اخرى فى نفس المجال ارجو ارسالها الى على الخاص كى نترك المساحة هنا للموضوع المرجو مناقشته فقط ... بس انت ماعلقتش يعنى يا برنس؟؟!!!!!

يعني دة عنوان تحطة؟ مناقشة اسعار سوق الجمعة 27/03/2009
ممكن تغيرة ل (استفسار) مثلا !!!
وعمال تقول الناس بتتفرج وتخلع !!
ماهو لامواخذة العنوان ممتع

ياسيدى اهلا بيك ،واحب اشكرك على اسلوبك الظريف اوى
بس يا بوب انت مش شايف ان عنوانك المقترح واللى عاوز تعدل بيه كوميدى شوية؟؟
انت طالب تعدل العنوان من كلمة مناقشة الى كلمة استفسار؟؟؟!!!
الهدف من كلمة مناقشة ان الناس كلها تدخل تقول رايها ونتناقش
انما معنى استفسار ان حد هايدخل يجاوب وخلاص ودا مش مطلوب
يعنى قصدى اقولك ماتبقاش حنبلى كدا واى حاجة اكتب ورد ، وااااحدة واااحدة
مبسوط بمشاركتك واحنا اخوات ودايما كدا نساعد بعض ان شاء الله
فى انتظار باقى المشاركات

[karimone]

واللهى عيب
شوفت يا استاذ اكتيف
ولا واحد يفكر يرد
الناس كلها بتدخل تتفرج وتخلع
عيب بجد واللهى

يا جماعه ياريت ناخد بالنا عند كتابة لفظ الجلاله... الكتابه الصحيحه هي الله...

رجاء التعديل من الاداره...

[zikoofire]

يا جماعه ياريت ناخد بالنا عند كتابة لفظ الجلاله... الكتابه الصحيحه هي الله...

رجاء التعديل من الاداره...

اشكرك يا سيدى الفاضل ، ولكنك هل قمت بمراجعة المشاركتين السابقتين؟؟
لو فعلت لوجدت بانه تمت مناقشة هذا الموضوع وتم الانتهاء منه كى نفسح المجال لعنوان الموضوع لتتم مناقشته.
عندى رجاء من اعضائنا الكرام بان يراجعوا الردود داخل الموضوع قبل الرد فان لم يكن الرد سيضيف جديدا ، فلا جدوى منه ، كى لا نزحم صفحات منتدانا العزيز بكلام مكرر مما قد يسبب عدم ظهور اراء اخرى جديدة ومجدية.
شكرا مرة تانية يا استاذنا الفاضل